Skip to content
477 Hadiths

Encyclopedia of Prophetic Hadiths

Filter results

72 of 477 cards

Clear filters
Gen kèk mesye ki te vin jwenn Sahl ibn Sa’d as-Sa’idi, epi yo te gen yon diskisyon sou ki kalite bwa minbar (chèz kote yo bay sèmon an) te fèt. Yo mandel sou sa, e li di: "Pa Allah, mwen konnen byen ki sa li fèt! Mwen te wèl depi premye jou yo te mete li, e premye jou Pwofèt la (ke lapè ak benediksyon Allah sou li) te chita sou li. Pwofèt la te voye chache yon fanm nan branch fanmi Ansari yo, Sahl te bay non fanm nan—li te di li: 'Di ti gason bòs chapant ou a poul fè yon chèz (ak bwa) poum chita sou li lè map pale ak moun yo.' Fanm nan te bay lòd, e bòs la te fè li ak bwa tarfa (tamaris) ki soti nan forè a. Li te pote li, epi fanm nan te voye chache Pwofèt la. Li te bay lòd pou yo metel la a. Aprèsa, mwen te wè Pwofèt la (ke lapè ak benediksyon Allah sou li) te fè lapriyè sou li. Li te di 'Allahu Akbar' pandan li te sou li, li te fè roukou pandan li te sou li, epi li te desann pa dèyè pou lal fè soujoud (pwosternasyon) nan pye minbar a, aprèsa li te retounen monte. Lèl te fini, li te vire gade moun yo epi li di: 'O nou menm moun yo, mwen te fè sa sèlman pou nou ka swiv mwen epi pou nou aprann kijan mwen lapriyè.'
Sahih Tout moun tonbe dakò sou li
التصنيف الشرعيصفة الصلاة، أحكام الإمام والمأموم، أحكام المساجدموضوعات الحديثأحكام المساجد غير الحرمين، أحكام المسجد النبوي، صفة الصلاة
Soti nan Humran, sèvitè Ousmane bin Affan, li te wè Ousmane bin Affan te mande dlo pou fè woudou. Li vide dlo sou men li sot nan veso a, li lave yo 3 fwa. Aprèsa , li mete men dwat li nan dlo a, li rense bouch li, li aspire dlo nan nen li epil mouche li. Aprèsa , li lave figil 3 fwa, li lave men li jiska koud yo 3 fwa, li pase men mouye sou tèt li, epi li lave chak pyel 3 fwa. Aprèsa, li di: 'Mwen te wè Pwofèt la (lapè ak benediksyon Allah sou li) fè woudou menm jan mwen fèl la, epi li te di: Nenpòt moun ki fè woudou menm jan avèm , epi li fè 2 rakat lapriyè san li pa kite lespril bay tèt li lòt panse, Allah ap padonnel tout pechel te fè anvan sa.
Sahih Tout moun tonbe dakò sou li
التصنيف الشرعيفضل الوضوء، صفة الوضوءموضوعات الحديثأحكام الوضوء، صلاة التطوع
« Moman kote yon sèvitè pi prè Senyè a ,se lè li nan pozisyon soujoud (lèl mete tèt li atè poul adore), kidonk fè anpil doua (lapriyè/envokasyon) nan pozisyon sa a. »
Sahih Rapòte pa Mouslim
التصنيف الشرعيآداب الدعاء، أسباب إجابة الدعاء وموانعه، صفة الصلاة، أذكار الصلاة، صلاة التطوعموضوعات الحديثالدعاء، صفة الصلاة
«Gen lakrentif pou Allah, Seyè nou an, akonpli 5 priyè nou yo, fè jèn nan mwa nou an, peye zakat sou byen nou yo, epi obeyi moun ki gen otorite sou nou yo; konsa nap antre nan Paradi Seyè nou an.»
Sahih Se At-Tirmidhi ak Ahmad ki rapòte li
التصنيف الشرعيفضائل الأعمال الصالحة، أعمال القلوب، حق الإمام على الرعية، وجوب الصلاة وفضلها وحكم تاركها، وجوب الزكاة وحكم تاركها، وجوب الصيام وحكم تاركه، الإسلامموضوعات الحديثالزكاة ومكانتها، الصوم الواجب، أحكام الإمامة، التقوى، مكانة الصلاة وفضلهامحاور التعريف بالإسلامأركان الإسلام، النجاة بالدخول في الإسلام
Mwen te mande Pwofèt la (ke lapè ak benediksyon Allah sou li): « Ki aksyon Allah pi renmen? » Li reponn: « Fè lapriyè (Salat) nan lè li. » Mwen mande: « Aprèsa, kisa ankò? » Pwofèt la di: « Aprèsa, se onore paran ou. » Mwen mande ankò: « Aprèsa, kisa ankò? » Pwofèt la di: « Lite (Jihad) nan chemen Allah. » Mwen di: « Se sa yo li te rakontem, epi si mwen te mandel plis, li tap dim plis toujou. »
Sahih Tout moun tonbe dakò sou li
التصنيف الشرعيفضائل بر الوالدين، فضائل الأعمال الصالحة، وجوب الصلاة وفضلها وحكم تاركها، حكم الجهاد وفضلهموضوعات الحديثبر الوالدين، فضل الجهاد، مكانة الصلاة وفضلها
Nou te avèk Pwofèt la (Se pou lapè ak benediksyon Allah poze sou li), epi li te gade lalin nan yon lannwit - sa vle di lalin plènn nan - epi li te di: « Anverite, nou gen pou nou wè Seyè nou an menm jan nou wè lalin sa a, nou pap jwenn okenn difikilte pou nou wè Li. Kidonk, si nou kapab pou nou pa kite okenn bagay anpeche nou fè lapriyè (Salat) anvan solèy la leve ak anvan solèy la kouche, se pou nou fè sa. » Aprèsa li te li: « {Epi fè lwanj ak glwa pou Seyè ou anvan solèy la leve ak anvan solèy la kouche} »
Sahih Tout moun tonbe dakò sou li
التصنيف الشرعيوجوب الصلاة وفضلها وحكم تاركها، توحيد الأسماء والصفات، الحياة الآخرةموضوعات الحديثالإيمان بالله تعالى، الإيمان باليوم الآخر، مكانة الصلاة وفضلها
« Si Muezzin nan di: "Allahu Akbar, Allahu Akbar" (Allah se pi gran an, Allah se pi gran an), epi youn nan nou repete: "Allahu Akbar, Allahu Akbar". Lèl di: "Ash-hadu an la ilaha illa Allah" (Mwen temwanye ke pa gen lòt dye eksepte Allah), moun nan reponn: "Ash-hadu an la ilaha illa Allah". Lèl di: "Ash-hadu anna Muhammadan Rasoul Allah" (Mwen temwanye ke Muhammad se mesaje Allah a), moun nan reponn: "Ash-hadu anna Muhammadan Rasoul Allah". Lèl di: "Hayya 'alas-salah" (Vini pou lapriyè), moun nan reponn: "La hawla wa la quwwata illa billah" (Pa gen okenn chanjman ak okenn fòs eksepte nan Allah). Lèl di: "Hayya 'alal-falah" (Vini pou siksè), moun nan reponn: "La hawla wa la quwwata illa billah". Lèl di: "Allahu Akbar, Allahu Akbar" (Allah se pi gran an, Allah se pi gran an), moun nan reponn: "Allahu Akbar, Allahu Akbar". Lèl di: "La ilaha illa Allah" (Pa gen okenn dye eksepte Allah), moun nan reponn: "La ilaha illa Allah" ak senserite nan kè li, moun sa a ap antre nan Paradi a. »
Sahih Rapòte pa Mouslim
التصنيف الشرعيفضل الذكر، الأذان والإقامةموضوعات الحديثالذِّكْر، أحكام الأذان والإقامة
«Lè younn nan nou antre nan Masjid la, se pou li fè 2 'Raka' anvan li chita».
Sahih Tout moun tonbe dakò sou li
التصنيف الشرعيصلاة التطوع، أحكام المساجدموضوعات الحديثأحكام المساجد غير الحرمين، صلاة التطوع