Skip to content
477 Hadiths

Encyclopedia of Prophetic Hadiths

Filter results

20 of 477 cards

Clear filters
Yon mesye te mande Mesaje Allah la (Ke lapè ak benediksyon Allah sou li), epi li di: "Kisa ou panse, si mwen akonpli Lapriyè obligatwa yo, mwen jene Ramadan, mwen pratike sa ki Halal, epi mwen evite sa ki Haram, epi mwen pa ajoute anyen sou sa, èske map antre nan Paradi?" Li reponn: «Wi». Li di: "Pa Allah, mwen pap ajoute anyen sou sa."
Sahih Rapòte pa Mouslim
التصنيف الشرعيوجوب الصلاة وفضلها وحكم تاركها، وجوب الصيام وحكم تاركه، الإسلامموضوعات الحديثالصوم الواجب، تعظيم شعائر الله وحرماته، سعة فضل الله عز وجل، التقوى، مكانة الصلاة وفضلهامحاور التعريف بالإسلامأركان الإسلام
Nou te bò kote Mesaje Allah la (lapè ak benediksyon Allah sou li), nou te 9 oswa 8 oswa 7 moun, epi li di: «Èske nou pap fè sèman fidelite bay Mesaje Allah la?» Kòm nou te fèk sot fè yon sèman, nou te reponn: Nou deja fè sèman ba ou, O Mesaje Allah. Aprèsa li di: «Èske nou pap fè sèman fidelite bay Mesaje Allah la?» Nou reponn: Nou deja fè sèman ba ou, O Mesaje Allah. Aprèsa li di ankò: «Èske nou pap fè sèman fidelite bay Mesaje Allah la?» Li (raportè a) di: Lè sa a, nou te lonje men nou epi nou di: Nou deja fè sèman ba ou, O Mesaje Allah, kidonk sou kisa pou nou fè sèman ba ou kounye a? Li di: «Sou angajman pou nou adore Allah san nou pa asosye okenn bagay avèk li, pou nou akonpli 5 priyè yo, epi pou nou obeyi» —epi li te ajoute yon pawòl an sekrè tou ba— «epi pou nou pa mande moun anyen.» Depi lè a, mwen te konn wè kèk pami gwoup moun sa yo, lè fwèt youn ladan yo te konn sot tonbe, li pa tap janm mande okenn moun pou pase li ba li anyen.
Sahih Rapòte pa Mouslim
التصنيف الشرعيالأخلاق الحميدة، الزهد والورع، حق الإمام على الرعية، وجوب الصلاة وفضلها وحكم تاركها، توحيد الألوهيةموضوعات الحديثالزهد وقِصَر الأمل، أهمية التوحيد، أحكام الإمامة، التوكل، مكانة الصلاة وفضلهامحاور التعريف بالإسلاموجوب إفراد الله بالعبادة
Pwofèt la (lapè ak benediksyon Allah sou li) te di ke Allah (Toupwisan an) te di: "Nenpòt moun ki pran youn nan zanmim yo (Awliya) kòm lènmi, map deklare lagè kont li. E pa gen anyen sèvitèm nan ka fè poul pwoche bò kotem ki pi renmen mwen pase devwa (obligasyon) mwen te enpoze sou li yo. E sèvitèm nan ap toujou kontinye pwoche bò kotem avèk aksyon volontè (nawafil) jiskaskem renmen li. Lèm fin renmen li, mwen tounen zòrèy li ki sèvil pou li tande, zyel ki sèvil pou li wè, men li ki sèvi li pou li aji, ak pye li ki sèvi li pou li mache. Si li mande mwen yon bagay, map ba lil; e si li mandem pwoteksyon, map pwotejel. Pa gen anyen mwen ezite fè tankou janm ezite pran nanm yon kwayan: li rayi lanmò, e mwen menm mwen rayi fèl mal."
Sahih Se Al-Boukari ki rapòte li.
التصنيف الشرعيأحكام الولاء والبراء، فضائل الأعمال الصالحة، أحوال الصالحين، توحيد الأسماء والصفاتموضوعات الحديثالدعاء، معاداة أولياء الله وأذيتهم، المحبة
Mwen te mande Pwofèt la (ke benediksyon ak lapè Allah sou li): "Ki peche ki pi grav nan zye Allah?" Li di: "Se pouw mete yon egal ak Allah [ asosye], alòske se Li menm ki kreye w." Mwen di: "Sevre, sa a grav anpil!" Mwen di: "Epi aprèsa, kiyès?" Li di: "Se pouw touye pitit ou ak anvi kache poul pa manje avèw [sètadi ak laperèz pou li pa vin konsome nan rasyon ou an]." Mwen di: "Epi aprèsa, kiyès?" Li di: "Se pouw fè adiltè ak madanm vwazen ou."
Sahih Tout moun tonbe dakò sou li
التصنيف الشرعيحد الزنا، ذم المعاصي، تربية الأولاد، توحيد الربوبية، الشركموضوعات الحديثقتل النفس، الزنا، أهمية التوحيد، أذى الجار، الشرك بالله وأقسامه، التوكلمحاور التعريف بالإسلامبطلان الشرك وصوره، بطلان عبادة غير الله
«Kwayan ki fò a pi bon epi Allah renmenl plis pase kwayan ki fèb la, epi nan yo chak genyen byen. Kenbe fèm sou sa kap itil ou, mande èd nan men Allah, epi pa dekouraje. Epi si yon bagay rivew, pa di: sim te fè sa, li tap konsa ak konsa, men di pito: Se sa Allah te deside, epi li fè sa Li vle; paske, an verite, «si» louvri pòt pou travay satan an».
Sahih Rapòte pa Mouslim
التصنيف الشرعيأعمال القلوب، الإيمان بالقضاء والقدر، الإيمانموضوعات الحديثحفظ اللسان، أقسام الإيمان، الإيمان بالقدر خيره وشره، التوكل، الرضا
« Mesaje Allah a (lapè ak benediksyon Allah sou li) ; li menm ki toujou di laverite epi pawòl li se laverite ,te rakonte nou sa: "Yo rasanble fòmasyon chak nan nou anndan vant manman li pandan 40 jou ak 40 nwit. Aprèsa, li tounen yon boul san (ki pandye) pandan menm kantite tan an. Apre sa, li tounen yon ti moso chè pandan menm kantite tan an. Apre sa, yo voye yon zanj bò kotel, epi yo ba li lòd poul ekri 4 bagay. Zanj lan ekri: mwayen sibzistans li (sa lap jwenn poul viv), longè lavil, aksyon lap gen pou li fè, epi si lap fini kòm yon moun malere oswa kòm yon moun ere (sove). Lèfini, zanj lan soufle nanm nan nan li. Se konsa, youn nan nou kapab ap fè zèv moun ki prale nan Paradi, jiskaske se sèlman yon distans yon bra ki rete ant li menm ak Paradi a; men sak te deja ekri nan desten li an akonpli, lal fè zèv moun ki prale nan Lanfè, epi li antre nan Lanfè. Epi, youn nan nou kapab ap fè zèv moun ki prale nan Lanfè, jiskaske se sèlman yon distans yon bra ki rete ant li menm ak Lanfè a; men sak te deja ekri nan desten li an akonpli, lal fè zèv moun ki prale nan Paradi, epi li antre nan Paradi." »
Sahih Tout moun tonbe dakò sou li
التصنيف الشرعيالإيمان باليوم الآخر، الإيمان بالقضاء والقدر، الملائكة، الإسلامموضوعات الحديثالإيمان بالملائكة، الإيمان بالقدر خيره وشره، الخوف، الرجاء، العُجْب
Gen yon gwoup moun nan mitan kwayan nan fo dye yo (Ahl al-Shirk) ki te konn touye moun epi yo te fè sa anpil, yo te konn fè adiltè (fònikasyon) epi yo te fè sa anpil. Yo te vin jwenn Muhammad (pè ak benediksyon Allah pou li) epi yo dil: 'Sa wap di a ak sa wap rele moun vini ladan li an vrèman bèl! Si sèlman ou ta ka fè nou konnen si gen yon fason pou efase epi rekonpanse pou sa nou te konn fè yo.' Lè sa a, vèsè sa a te desann: {Epi moun sa yo ki pa adore okenn lòt dye ansanm ak Allah, ki pa touye moun Allah fè entèdiksyon pou yo touye a—eksepte si gen yon dwa legal pou sa—epi ki pa fè adiltè...} [Sourat Al-Furqan: 68]. Epi vèsè sa a te desann tou: {Di yo: 'O sèvitèm yo ki te fè abi sou tèt yo (nan fè peche)! Pa janm pèdi espwa nan mizerikòd ak jantiyès Allah...'} [Sourat Az-Zumar: 53]."
Sahih Tout moun tonbe dakò sou li
التصنيف الشرعيأسباب النزول، التوبة، تفسير الآيات، الإسلامموضوعات الحديثالقرآن وعلومه، سعة فضل الله عز وجل، التوبة، القنوط من رحمة اللهمحاور التعريف بالإسلامفوائد الدخول في الإسلام، النجاة بالدخول في الإسلام
«Pa gen okenn moun ki komèt yon peche, aprèsa li leve epi li pirifye tèt li, aprèsa li fè lapriyè, aprèsa li mande Allah padon, esepte Allah padone li», aprèsa li te li vèsè sa a: {Epi moun ki, lè yo komèt yon move zak oswa yo fè tèt yo mal, yo sonje Allah epi yo mande padon pou peche yo} [Aal Imran: 135].
Sahih Rapòte pa Abou Dawoud, At-Tirmidhi, An-Nasa'i nan Al-Koubra, Ibn Majah ak Ahmad.
التصنيف الشرعيالتوبة، صلاة التطوع، تفسير الآياتموضوعات الحديثالقرآن وعلومه، سعة فضل الله عز وجل، التوبة، صلاة التطوع