Encyclopedia of Prophetic Hadiths

Yon mesye te vin jwenn Pwofèt la (kè poze ak benediksyon Allah sou li), epi li di: "O Mesaje Allah, ki 2 bagay ki garanti (Paradi ak Lanfè) yo?" Li reponn: «Moun ki mouri san li pa fè chirk, san li pa mete anyen ansanm ak Allah ; moun sa a ap antre nan Paradi, epi moun ki mouri pandan lap fè chirk, ki mete yon bagay ansanm ak Allah ; moun sa a ap antre nan lanfè.»

"Moun kap rann bagay yo konplike san rezon , pèdi nèt." Li te di sa 3 fwa."

Nou te bò kote Mesaje Allah la (lapè ak benediksyon Allah sou li), nou te 9 oswa 8 oswa 7 moun, epi li di: «Èske nou pap fè sèman fidelite bay Mesaje Allah la?» Kòm nou te fèk sot fè yon sèman, nou te reponn: Nou deja fè sèman ba ou, O Mesaje Allah. Aprèsa li di: «Èske nou pap fè sèman fidelite bay Mesaje Allah la?» Nou reponn: Nou deja fè sèman ba ou, O Mesaje Allah. Aprèsa li di ankò: «Èske nou pap fè sèman fidelite bay Mesaje Allah la?» Li (raportè a) di: Lè sa a, nou te lonje men nou epi nou di: Nou deja fè sèman ba ou, O Mesaje Allah, kidonk sou kisa pou nou fè sèman ba ou kounye a? Li di: «Sou angajman pou nou adore Allah san nou pa asosye okenn bagay avèk li, pou nou akonpli 5 priyè yo, epi pou nou obeyi» —epi li te ajoute yon pawòl an sekrè tou ba— «epi pou nou pa mande moun anyen.» Depi lè a, mwen te konn wè kèk pami gwoup moun sa yo, lè fwèt youn ladan yo te konn sot tonbe, li pa tap janm mande okenn moun pou pase li ba li anyen.

Zanj yo pa antre nan yon kay ki gen chen ladan li, ni imaj (foto).

Allah, ki beni epi ki anwo nèt la, di: "Mwen se Sila a ki pi endepandan mwen pa bezwen okenn asosye. Nenpòt moun ki fè yon aksyon kote li asosye yon lòt ansanm avè m, Mwen abandone ni li menm, ni chirk li a (sa li asosye avè m nan).

Allah Toupwisan an ap di moun ki nan Lanfè kap resevwa pinisyon ki pi piti a nan Jou Jijman an: «Siw te posede tout sa ki sou latè, èskew ta bay li kòm ranson pou sove tèt ou?» Lè sa a, lap reponn: «Wi.» Lè sa a Allah ap dil: «Mwen te mandew yon bagay ki pi senp pase sa lontan depi lèw te nan ren Adan: pouw pat mete okenn asosye avèm nan adorasyon an, men ou te refize e ou te pèsiste pouw mete lòt dye ansanm avèm.»

Pwofèt la (lapè ak benediksyon Allah sou li) te di yon pawòl, epi mwen te di yon lòt. Pwofèt la (lapè ak benediksyon Allah sou li) te di: «Moun ki mouri pandan lap adore yon lòt bagay oswa yon lòt moun kòm egal-ego ak Allah ; moun sa a ap antre nan lanfè.» Epi mwen menm, mwen te di: Moun ki mouri pandan li pap adore okenn lòt bagay oswa okenn lòt moun kòm egal-ego ak Allah ; moun sa a ap antre nan Paradi a.

Gen kèk moun ki te poze Mesaje Allah (lapè ak benediksyon Allah kouvri li) kesyon sou divinò yo, epi Mesaje Allah (lapè ak benediksyon Allah kouvri li) te di yo: «Yo pa anyen.» Yo te di: O Mesaje Allah, men pafwa moun sa yo konn di kèk bagay ki se laverite. Lè sa a, Mesaje Allah (lapè ak benediksyon Allah kouvri li) te di: «Ti pawòl sa a ki soti nan laverite a, se djinn nan ki vòlè li, epi li depozel nan zòrèy alyel la menm jan ak bri yon manman poul, epi yo melanje ansanm avèl plis pase 100 manti.»