Encyclopedia of Prophetic Hadiths

«Pou chak jwenti nan kò moun, gen yon charite li dwe bay chak jou solèy la leve: fè jistis ant de moun se yon charite, ede yon moun ak montir li, pouw edel monte sou li oswa pouw leve bagaj li mete sou li se yon charite, epi yon bon pawòl se yon charite, epi chak pa ou fè pou ale nan lapriyè se yon charite, epi retire sa ki nwizib sou wout la, se yon charite.»

Mesaje Allah a (ke lapè ak benediksyon Allah sou li) te fè yon prèch pou pèp la jou konkèt Lamèk la epi li te di: «O nou menm lèzòm! Allah retire nan mitan nou lògèy ak vante tèt ki te gen nan tan linyorans lan , kote moun yo tap vante tèt yo poutèt zansèt yo. Moun sou latè divize an 2 kategori sèlman: yon moun ki fè sa ki byen, ki gen krentif pou Allah epi ki gen anpil valè devan senyè toupwisan an ; ak yon moun ki mechan, ki malere (nan nanm li) epi ki san valè devan Allah .Tout moun se pitit Adan yo ye, epi Allah te kreye Adan ak pousyè. Senyè toupwisan an di: {O nou menm lèzòm! Nou te kreye nou soti nan yon sèl gason ak yon sèl fi, epi Nou te fè nou tounen divès pèp ak divès tribi pou nou ka fè konesans youn ak lòt. Anverite, moun ki pi nòb (ki gen plis valè) nan mitan nou devan Allah, se moun ki gen plis krentif pou Li. Anverite, Allah konn tout bagay, epi li konnen sa kap pase nèt ale.} [Al-Hujurat: 13]».

Egzanp moun ki kanpe fèm sou limit Allah yo ak moun ki ap transgrese yo, se tankou yon gwoup moun ki te tire osò sou yon bato; kèk nan yo te jwenn pati anwo a, e lòt yo te jwenn pati anba a. Moun ki te nan pati anba a, lè yo te bezwen dlo, yo te oblije pase sou moun ki te anwo yo. Lè sa a, yo di: "Si nou fè yon twou nan pati pa nou an, nou pap deranje moun ki anwo yo." Si moun ki anwo yo kite yo fè sa yo vle a, yap peri tout ansanm; men si yo anpeche yo (pran men yo), yap sove, epi yo tout ap sove.

Pataje sa nou konnen nan men mwen, menm si se yon sèl vèsè. Pale sou istwa pitit Izrayèl yo, pa gen okenn pwoblèm nan sa. Men, nenpòt moun ki bay manti sou mwen volontèman, kitel prepare plas li nan dife lanfè a.

«Pral genyen egoyis ak bagay nou pap dakò avèk yo.» Yo di: O Mesaje Allah, kisa ou pase nou lòd pou nou fè? Li di: «Akonpli dwa ki sou do nou yo, epi mande Allah sa ki pou nou an.»

Pandan nou te chita avèk Pwofèt la (lapè ak benediksyon Allah sou li) nan moske a, yon mesye antre sou yon chamo. Li fè chamo a kouche nan moske a, li mare janm li, epi li di yo: "Kilès nan nou ki Mohammad?" Pwofèt la (lapè ak benediksyon Allah sou li) te chita ap apiye nan mitan yo, nou dil: "Se mesye sa a ki gen koulè blan an, ki chita ap apiye a." Mesye an di Pwofèt la: "O pitit Abdoul-Mouttalib!" Pwofèt la reponn li: "Mwen tande ou." Mesye an di Pwofèt la: "Map pozew yon kesyon, map mandew li ak fòs (map ensiste), donk pa fache avèm." Pwofèt la di li: "Poze kesyon sou sa ou vle." Mesye an di: "Map mandew nan non Granmèt ou a ak Granmèt moun ki te anvan ou yo: Èske se Allah ki voyew bay tout moun?" Pwofèt la reponn: "Wi, mwen fè sèman sou Allah." Li di: "Map mandew nan non Allah : Èske se Allah ki kòmandew pou nou fè 5 lapriyè yo chak jou ak chak nwit?" Pwofèt la reponn: "Wi, mwen fè sèman sou Allah." Li di: "Map mande w nan non Allah : Èske se Li ki kòmandew pou nou fè jèn mwa sa a nan ane a?" Pwofèt la reponn: "Wi, mwen fè sèman sou Allah." Li di: "Map mande ou nan non Allah : Èske se Senyè toupwisan an ki kòmandew pou nou pran zakat sa a nan men moun rich nou yo pou nou pataje li bay pòv nou yo?" Pwofèt la reponn: "Wi, mwen fè sèman sou Allah." Lè sa a, Mesye a di: "Mwen kwè nan sa ou pote a, epi mwen se yon reprezantan ki soti dèyè pèp mwen an. Mwen se Dimam ibn Tha'labah, yon frè nan branch fanmi Bani Sa'd ibn Bakr."

Moun ki revòlte kont otorite a, ki separe kòl ak kominote a epi ki mouri nan kondisyon sa a, li mouri menm jan ak moun ki te nan fènwa liyorans lan. Nenpòt moun tou ki goumen anba yon drapo avèg (pou yon kòz ki pa klè), ki fache sèlman pou enterè tribi li, kap fè pwopagann pou fanatik/tribilis, oswa kap soutni pwòp gwoup pal (nan lenjistis), si yo touyel, li mouri yon lanmò liyorans. Epi, nenpòt moun ki revòlte kont kominotem lan , kap frape ni bon moun yo ni moun kap fè mechanste yo, san li pa respekte kwayan yo, epi san li pa kenbe pwomès li te fè moun li te siyen kontra ak yo, moun sa a pa avèm, epi mwen menm tou, mwen pa avèk li.

« Relijyon an fasil. Nenpòt moun ki chèche rann li twò lou ap fini pa febli anbal. Donk, rete nan sa ki dwat, fè pi bon sa nou kapab, resevwa bon nouvèl la (rete ak kè kontan), epi pwofite moman nan maten, nan aprèmidi, ansanm ak yon ti pati nan lannwit pou nou fè adorasyon nou. »