Encyclopedia of Prophetic Hadiths

«Yon gason pa dwe gade pati entim yon lòt gason, ni yon fanm pa dwe gade pati entim yon lòt fanm, epi yon gason pa dwe kole kò li ak yon lòt gason anba yon sèl rad, ni yon fanm pa dwe kole kò li ak yon lòt fanm anba yon sèl rad.»

An verite, Pwofèt la (se pou lapè ak benediksyon Allah sou li) te soti vin jwenn nou, epi nou te di: "O Mesaje Allah, nou deja konnen kijan pou nou fè salitasyon lapè sou ou, donk kijan pou nou voye elòj sou ou?" Li te di: «Di: O Allah, voye elòj ou sou Mouhammad e sou fanmi Mouhammad, menm jan ou te voye elòj ou sou fanmi Ibrahim(Abraham) ; an verite, Ou diy de louwanj, Ou gloriye. O Allah, beni Mouhammad e sou fanmi Mouhammad, menm jan ou te beni fanmi Ibrahim; an verite, Ou diy de louwanj, Ou gloriye».

Yon Mesye te vin jwenn Pwofèt la (ke Allah beni li epi bal kè poze) epi li di: "O Mesaje Allah, mwen paka kite okenn fòm peche (ni gwo ni piti) san mwen pa komèt li." Pwofèt la te mandel: "Èske ou pa temwanye ke pa gen lòt bondye sanble ak Allah epi ke Muhammad se Mesaje Allah?" Li te repete kesyon sa a 3 fwa. Mesye a reponn: "Wi (mwen temwanye sa)." Lè sa a, Pwofèt la di: "Vrèman vre, deklarasyon lafwa sa a efase tout sa ki te pase anvan."

Pwofèt la di : « Èske nou konnen kiyès ki depafini an (moun ki fè fayit la) ? » Yo reponn : « Moun ki fè fayit nan mitan nou, se moun ki pa gen ni lajan (dirham) ni byen materyèl. » Li di : « Moun ki fè fayit toutbon nan kominotem nan, se moun ki va vini nan Jou Rezirèksyon an ak anpil priyè, jèn, ak zakat (lamòn); men li vini tou pandan li te joure moun sa a, li te kalonye (akize) moun sa a, li te manje lajan moun sa a, li te koule san moun sa a, epi li te bat moun sa a. Yap pran nan bon zèv li yo pou yo bay moun sa a, epi pran nan bon zèv li yo pou bay lòt moun sa a; si bon zèv li yo fini anvan li fin peye tout dèt li genyen anvè yo, yap pran nan peche moun li te fè tò yo pou jete sou dol, aprèsa yap jetel nan Lanfè. »

«An verite, Allah renmen sèvitè ki gen krentif la, ki rich la, epi ki kache a.»

«Anverite, Allah mande pou nou aji ak bon kè nan tout sa nap fè. Si nou gen pou nou touye (nan lagè), fèl ak bon jan fason. Si nap touye yon bèt (poun manje), fèl ak bon jan fason: se pou chak moun file kouto li byen file, epi se pou li fè bèt la pa soufri.»

« Mesaje Allah a (lapè ak benediksyon Allah sou li) tap vwayaje sou wout ki mennen Lamèk la, li pase bò kote yon mòn yo rele Joumdan, epi li di: "Kontinye mache, men Joumdan! Moun ki izole tèt yo pou adore Allah yo devanse tout lòt moun." Yo mande li: "Kiyès moun sa yo ye, o Mesaje Allah ?" Li reponn: "Se gason ak fanm ki sonje Allah anpil yo." »

Pwofèt la (ke Allah benil epi bal kè poze) te di tonton li: "Di: Pa gen lòt dye sanble ak Allah, map temwanye pou ou konsènan sa jou jijman an." Tonton an te reponn: "Si se pat paske Quraysh (kourlayich) yo ta pasem nan rizib, yap di se paske li te pè lanmò ki fèl di sa, mwen tap fè kèw kontan (nan fè saw mandem nan)." Epi Allah te revele vèsè sa a: "Vrèman vre, ou paka gide moun ou renmen an, men se Allah ki gide moun Li vle." [Al-Qasas: 56]