Encyclopedia of Prophetic Hadiths

«Sètènman, gen moun kap itilize richès Allah san okenn dwa, pou moun sa yo, se Dife a kap gen pou yo nan Jou Jijman an.»

«Pran prekosyon nou ak sispisyon; paske sispisyon se pawòl ki gen plis manti ladan li, piga nou fouye nan zafè moun, piga nou espyone, pa fè jalouzi youn sou lòt, pa vire do bay youn lòt, pa rayi youn lòt, epi se pou nou, adoratè Allah yo, viv tankou frè.»

"«Moun ki bay manti sou mwen ak entansyon, se pou li pran plas li nan Dife a»."

Yo te mande Mesaje Allah a, (ke lapè ak benediksyon Allah sou li) sou sa ki plis fè moun antre nan Paradi a, li te di: "Lakrentif pou Allah ak bon moralite", epi yo te mandel sou sa ki plis fè moun antre nan Lanfè a, li te di: "Bouch la ak pati entim yo."

«Lè youn nan nou ap manje, se pou li manje ak men dwat li, epi lè li ap bwè, se pou li bwè ak men dwat li, paske dyab la (Satan) manje ak men gòch li, epi li bwè ak men gòch li.»

«Pèsonn nan nou pap gen lafwa jiskaske li renmen pou frèl sa li renmen pou pwòp tèt li.»

Nou te bò kote Omar, epi li te di: « Yo te entèdi nou fè sa ki depase kapasite nou (Takalluf). »

"«Siplikasyon se adorasyon an», aprèsa li te resite: «{Epi Mèt nou an te di: Rele Mwen, Map reponn nou. Sètènman, moun ki gen lògèy epi ki refize adore Mwen yo ap antre nan lanfè avèk imilyasyon} [Ghafir: 60]»."