Encyclopedia of Prophetic Hadiths

"«Siwak la se yon pirifikasyon pou bouch la, yon satisfaksyon pou Seyè a.»"

« Si Muezzin nan di: "Allahu Akbar, Allahu Akbar" (Allah se pi gran an, Allah se pi gran an), epi youn nan nou repete: "Allahu Akbar, Allahu Akbar". Lèl di: "Ash-hadu an la ilaha illa Allah" (Mwen temwanye ke pa gen lòt dye eksepte Allah), moun nan reponn: "Ash-hadu an la ilaha illa Allah". Lèl di: "Ash-hadu anna Muhammadan Rasoul Allah" (Mwen temwanye ke Muhammad se mesaje Allah a), moun nan reponn: "Ash-hadu anna Muhammadan Rasoul Allah". Lèl di: "Hayya 'alas-salah" (Vini pou lapriyè), moun nan reponn: "La hawla wa la quwwata illa billah" (Pa gen okenn chanjman ak okenn fòs eksepte nan Allah). Lèl di: "Hayya 'alal-falah" (Vini pou siksè), moun nan reponn: "La hawla wa la quwwata illa billah". Lèl di: "Allahu Akbar, Allahu Akbar" (Allah se pi gran an, Allah se pi gran an), moun nan reponn: "Allahu Akbar, Allahu Akbar". Lèl di: "La ilaha illa Allah" (Pa gen okenn dye eksepte Allah), moun nan reponn: "La ilaha illa Allah" ak senserite nan kè li, moun sa a ap antre nan Paradi a. »

Oumm Habibah bint Jahsh, ki te marye ak Abd ar-Rahman ibn Awf, te plenyen bay Mesaje Allah a (Se pou lapè ak benediksyon Allah kouvri li) konsènan san an. Lè sa a, li di li: «Rete tann pa priye pandan kantite tan règ ou te konn fè ou rete a (anvan maladi a), aprèsa, benyen (fè Ghusl).» Epi li te konn benyen pou chak lapriyè.

Pwofèt la (Lapè ak benediksyon Allah sou li) te konn lave kò li, oswa li te konn benyen (fè gwo ablisyon), avèk yon Sa' jiska senk Mudd(2 lit edmi rive 3 lit) epi li te konn pran dlo (fè ablisyon) avèk yon Mudd(mwens pase yon lit)

Moun ki fè pelerinaj la (Hajj) pou Allah sèlman, epi pandan lap fèl la li pa di okenn vye pawòl ni li pa komèt okenn peche, lap tounen (lakay li) pwòp san okenn peche, egzakteman menm jan ak jou manman li te fenk fèl la.

«Li pa pèmèt pou koule san yon moun Mizilman, sòf nan youn nan 3 sitiyasyon sa yo: moun marye ki fè adiltè, yon nanm pou yon nanm, ak moun ki kite relijyon li an (Apostazi) epi ki separe ak kominote a.»

Mwen te avèk Pwofèt la (ke lapè ak benediksyon Allah sou li) nan yon vwayaj, konsa mwen te bese poum retire chosèt an kwi li yo, epi li te di: «Kite yo tou 2, paske mwen te mete yo pandan yo tou 2 te pirifye». Epi li te pase men sou yo.

«Lè younn nan nou antre nan Masjid la, se pou li fè 2 'Raka' anvan li chita».