Encyclopedia of Prophetic Hadiths

Dife nou an se yon pati nan swasanndis pati dife Lanfè a." Yo dil: "O Mesaje Allah! Si se te jis sa a, li tap sifi." Li reponn: "Li depase yo pa swasant-nèf pati, chak nan yo gen menm chalè ak li."

«Anverite, Allah (ki Beni epi ki Egzalte) ap di abitan Paradi yo: "O abitan Paradi yo!" Yap reponn: "Men nou prezan, Seyè nou, nou devwe nèt nan sèvis Ou." Lap di: "Èske nou satisfè?" Yap reponn: "Poukisa pou nou pa ta satisfè alòske Ou ban nou sa Ou pa bay okenn nan kreyati Ou yo?" Lap di: "Map ban nou sa ki pi bon pase sa." Yo pral di: "O Seyè nou, epi kisa ki ka pi bon pase sa?" Lap di: "Mwen desann satisfaksyon Mwen sou nou, epi Mwen pap janm an kòlè kont nou ankò aprèsa pou toutan."»

« Yap fè lanmò a parèt sou fòm yon belye mouton ki gen koulè blan ak nwa melanje (gri). Lè sa a, yon moun kap rele pral di: "O nou menm moun ki nan Paradi!" Yap leve tèt yo pou yo gade, epi li pral di: "Èske nou rekonèt sa?" Yap di: "Wi, sa a se lanmò," epi yo tout te deja wè li. Aprèsa , lap rele: "O nou menm moun ki nan Dife!" Yap leve tèt yo pou yo gade, epi li pral di: "Èske nou rekonèt sa?" Yap di: "Wi, sa a se lanmò," epi yo tout te deja wè li. Lè sa a, yap koupe kou lanmò a (yap touye l). Aprèsa , li pral di: "O nou menm moun ki nan Paradi! Se pou toutan, pa gen lanmò ankò. Epi nou menm moun ki nan Dife! Se pou toutan, pa gen lanmò ankò." Aprèsa , li te resite vèsè sa a: "Avèti yo konsènan jou lapenn nan, lè yap fin regle zafè a, pandan yo menm yo nan neglijans" [Surat Maryam: 39]. Epi moun ki nan neglijans sa yo, se moun ki nan mond lan (ki pa kwè) {epi yo pa kwè}. »

Moun ki rankontre Allah san li pa asosye okenn bagay avèk li, lap antre nan Paradi; epi moun ki rankontrel pandan li asosye yon bagay avèk li,lap antre nan dife Lanfè.

«Gen 2 kategori pami moun Lanfè yo mwen poko wè: yon gwoup moun ki gen fwèt tankou ke bèf avèk yo, yap bat moun ak yo; ansanm ak fanm ki abiye men ki toutouni, kap devye tèt yo epi kap detounen lòt moun, tèt yo tankou bòs chamo ki panche sou kote. Yo pap antre nan Paradi a, ni yo pap jwenn sant li, byenke sant li kapab santi depi nan yon distans konsa ak konsa.»

Nou te ansanm ak Mesaje Allah a (lapè ak benediksyon Allah sou li), lè li te tande yon gwo bri ki tonbe. Pwofèt la (lapè ak benediksyon Allah sou li) di konsa: «Èske nou konnen kisa sa ye?» Nou reponn: « Allah ak Mesaje Li a konnen pi byen.» Li di: «Sa a se yon wòch yo te voye jete nan dife Lanfè a depi swasanndis (70) lane, li tap tonbe desann nan dife a jiska kounye a kote li rive nan fon li.»

«Nenpòt moun ki temwaye ke pa gen okenn lòt dye ki merite adorasyon esepte Allah, Li menm sèl, Li pa gen okenn asosye, epi Muhammad se sèvitè Li epi Mesaje Li, epi 'Isa (Jezi) se sèvitè Allah ak Mesaje Li, ak pawòl Li ke Li te voye bay Maryam, epi yon lespri ki soti nan Li, epi Paradi a se verite, epi Lanfè a se verite; Allah ap fè li antre nan Paradi a, kèlkeswa sa zèv li yo te ye.»

« Yap mennen yon nonm nan Jou Jijman an, yap jete li nan Dife a; trip vant li ap soti deyò, epi lap vire toutotou yo menm jan yon bourik ap vire toutotou yon moulen. Moun ki nan Dife a ap rasanble bò kotel, yap di li: "Enfòmasyon sou ou, entèl! Sak pasew konsa? Èske se pat ou menm ki te konn bay lòd pou moun fè sa ki byen epi entèdi sa ki mal?" Lap reponn: "Wi se vre, mwen te konn bay lòd pou moun fè sa ki byen men mwen menm mwen pat konn fèl, epi mwen te konn entèdi moun fè sa ki mal pandan mwen menm mwen te konn fèl." »