Encyclopedia of Prophetic Hadiths

Pwofèt la (ke lapè ak benediksyon Allah sou li) te pase bò kot 2 tonb, epi li te di: «Anverite, yap pini yo tou 2 epi se pa pou yon gwo zafè yap pini yo, kanta pou youn nan yo, li pat konn pwoteje tèt li kont pipi li, epi kanta pou lòt la, li te konn mache ap fè tripotay.» Aprèsa li te pran yon branch palmis frèch, li fann li an 2, epi li plante youn sou chak tonb. Yo te di: O Mesaje Allah, poukisa ou fè sa? Li te di: «Petèt sa ap soulaje yo toutan yo poko sèch.»

Yon jou, Mesaje Allah a (ke benediksyon ak kè poze Allah sou li) te leve kanpe devan nou, li te fè nou yon prèch ki pwisan anpil, ki te fè kè nou tranble epi ki te fè nou kriye. Yo te dil: 'O Mesaje Allah, se tankou si se te dènye prèch ou tap fè nou an, kidonk ba nou yon rekòmandasyon.' Li te di: 'Mwen rekòmande nou pou nou gen krentif pou Allah ,pou nou koute epi obeyi, menm si se yon esklav abisini (Etyopyen) ki ta dirije nou. Paske, aprèm fin ale, nap wè gwo divizyon, kidonk nou dwe swiv tradisyon mwen an (Sunnah) ak tradisyon kalif ki byen gide yo. Kenbe yo byen fèm avèk dan nou, epi pran prekosyon ak bagay ki fèk parèt yo (inovasyon nan relijyon), paske chak inovasyon se yon devyasyon (erè).

Kite m' (pa pousem nan detay) sou sam pa di nou. Se paske pèp ki te viv anvan nou yo te konn poze twòp kesyon epi yo te konn dezobeyi pwofèt yo ki fè yo te peri. Donk, sim entèdi nou yon bagay, evitel nèt; e sim ban nou yon lòd, fè tout saw kapab pouw respektel. »

«Pi bon jou solèy la leve sou li, se jou Vandredi. Se nan jou sa a Adan te kreye, se nan jou sa a li te antre nan Paradi, epi se nan jou sa a tou yo te fè li soti ladan li, epi lafen dimond pap rive eksepte nan jou Vandredi.»

Mesaje Allah a (ke lapè ak benediksyon Allah sou li) te di Mu’adh ibn Jabal lè li te voyelb ale nan peyi Yemen : Wap pral jwenn yon pèp ki gen yon Liv (Jwif oswa Kretyen). Lè w rive kote yo, envite yo pou yo temwanye pa gen lòt dye ki merite adorasyon eksepte Allah, e ke Muhammad se mesaje Allah. Si yo obeyiw nan sa, fè yo konnen ke Allah te enpoze sou yo senk (5) lapriyè chak jou ak chak nwit. Si yo obeyiw nan sa, fè yo konnen ke Allah te enpoze sou yo yon zakat (yon charite obligatwa) ki dwe pran nan men moun rich yo pou yo bay moun pòv yo. Si yo obeyiw nan sa, fè atansyon pou ou pa pran pi bon byen yo (kòm zakat), epi pè madichon moun yo fè mal, paske pa gen okenn baryè ant li menm ak Allah.

«Tout bagay fèt ak yon mezi ki byen kalkile (yon desten), menm enkapasite ak entèlijans, oswa entèlijans ak enkapasite.»

Mwen te di: "O Mesaje Allah ,ki sa ki veso basen dlo a (Al-Hawd)?" Li te reponn: "Mwen fè sèman sou Sila a ki kenbe nanm Muhammad nan men li a, veso li yo anpil pase kantite zetwal ak planèt ki nan syèl la, menm jan ak yon nwit ki nwa epi ki klè (kote tout zetwal yo parèt). Yo se veso ki soti nan Paradi a; nenpòt moun ki bwè ladan li pap janm swaf ankò aprèsa. Gen 2 kanal ki soti nan Paradi a kap vide dlo ladan li; moun ki bwè ladan li pap janm swaf. Lajè basen an egal ak longèl, distans ki ant Amman ak Ayla. Dlo a pi blan pase lèt, epi li pi dous pase siwo myèl."

Mwen te tande Mesaje Allah a (se pou lapè ak benediksyon Allah sou li) ap di: «Allah, Sila a ki Beni epi ki Trè Wo a, di: O pitit Adan! Toutotan ou priyem epi ou mete espwa ou nan Mwen, Map padone ou pou kèlkeswa sa ou te fè, epi sa pa deranjem. O pitit Adan! Menmsi peche ou yo ta rive jouk nan nwaj syèl la, epi aprèsa ou mandem padon, Map padone ou, epi sa pa deranjem. O pitit Adan! Anverite, si ou ta vin jwenn Mwen ak yon kantite peche ki prèske plen tè a, epi aprèsa ou rankontre Mwen san ou pa asosye anyen avèk Mwen, Map vin jwenn ou ak menm kantite padon an.»