Encyclopedia of Prophetic Hadiths

Lè Oum Salama te rakonte Mesaje Allah a (ke lapè ak benediksyon Allah sou li) sou yon legliz li te wè nan peyi Abisini ki te rele "Mariya", li te pale li sou imaj li te wè ladan li yo. Lè sa a, Mesaje Allah a te di: "Sa yo se yon pèp kote lè yon bon sèvitè oswa yon bon nonm mouri nan mitan yo, yo bati yon moske sou tonb li epi yo mete imaj sa yo ladan li. Sa yo se pi move kreyati nan zye Allah."

«Anverite, Allah pwòp (Li bon nèt), epi Li aksepte sèlman sa ki pwòp. Allah bay kwayan yo menm lòd Li te bay Pwofèt yo. Men sa Li te di Pwofèt yo: 'O nou menm Mesaje yo! Manje nan sa ki bon (ki pwòp), epi fè sa ki dwat', Epi Li di kwayan yo tou: 'O nou menm ki kwè! Manje nan sa ki bon nan sa nou ba nou yo.' Aprèsa, Pwofèt la bay egzanp yon vwayajè ki fè yon vwayaj byen lwen, cheve li tou gaye ,li kouvri ak pousyè, epi lap leve 2 bral nan syèl la, lap rele: "O senyè! O senyè!" poutan, manjel se vòlè (haram), bwason li se vòlè, rad sou li se vòlè, epi li grandi nan sa ki mal (haram). Ki jan pou Allah ta fè reponn yon moun konsa?!»

«Egzanp kwayan yo nan jan yo gen renmen, konpasyon, ak fèmte younn pou lòt, se tankou yon sèl kò. Depi yon sèl manm nan kò a ap soufri, tout rès kò a santi doulè a, sa fè tout kò a rete veye epi li pran lafyèv»

Yon jou, pandan nou te chita bò kote Mesaje Allah a (kè poze ak benediksyon Allah sou li), gen yon mesye ki parèt devan nou. Rad li te blan anpil, epi chevel te nwa anpil. Pat gen okenn mak sou li ki montrel tap soti nan vwayaj, epi pèsonn nan nou pat konnen li avan sa . Li avanse jouk li chita devan Pwofèt la (kè poze ak benediksyon Allah sou li). Li kole 2 jenoul ak jenou Pwofèt la, epi li poze 2 pla men li sou pwòp kwis li. Li di : — « O Muhammad, fèm konnen kisa Islam ye. » Mesaje Allah a (kè poze ak benediksyon Allah sou li) reponn : — « Islam se pouw temwaye pa gen lòt dye Sèlman Allah, epi Muhammad se mesaje Allah ; se pouw akonpli lapriyè ; bay Zakat la ; fè jèn nan mwa Ramadan ; epi fè pelerinaj nan Kay la si mw gen mwayen pouw fè wout la. » Mesye a di : — « Ou di verite. » (Oumar kap rakonte a di : Sa te fè nou sezi wè lap poze li kesyon epi lap konfime repons lan anmenmtan.) Aprèsa li di ankò : — « Fè m konnen kisa Imaan (Lafwa) ye. » Pwofèt la reponn : — « Se pouw kwè nan Allah, nan zanj Li yo, nan liv Li yo, nan mesaje li yo, nan Dènye Jou a, epi pouw kwè nan desten an, kit li pote sa ki byen, kit li pote sa ki mal. » Mesye a di ankò : — « Ou di verite. Fè m konnen kisa Ihsan (Ekselans) ye. » Pwofèt la reponn : — « Se pouw adore Allah kòmsi wap wè li, paske menm siw pa wèl, Li menm Li wè w. » Li di ankò : — « Fè m konnen ki lè Jou Jijman an ap rive. » Pwofèt la reponn : — « Moun yap poze kesyon an pa konn plis pase moun kap poze kesyon an. » Li di : — « Enben, fèm konnen ki siy kap anonsel » Pwofèt la reponn : — « Se lè sèvant lan ap fè pitit ki pral tounen mèt li, epi lèw wè moun kap mache pye atè, ki toutouni, ki pòv, ki tap gade mouton, ap fè konpetisyon pou bati gwo bilding ki byen wo. » Aprèsa Mesye a ale. Mwen (Oumar) te rete la yon bon ti tan. Aprèsa Pwofèt la dim : — « O Oumar, èskew konnen kiyès ki tap poze kesyon yo ? » Mwen reponn : — « Allah ak Mesajel la konnen pi byen. » Pwofèt la di : — « Se te Jibril (Zanj Gabriyèl), li te vin jwenn nou poul moutre nou relijyon nou an. »

Vrèman, lapriyè ki pi difisil pou ipokrit yo se lapriyè Icha a ak lapriyè Fajr la; e si yo te konnen sa ki ladan yo, yo ta vini pou yo patisipe nan yo menm si se pou yo ta trennen sou men ak jenou yo. Mwen te gen entansyon kòmande pou yo fè apèl pou lapriyè a, epi mwen te ka bay yon mesye lòd pou li dirije moun yo nan lapriyè, aprèsa poum te pati ak kèk mesye ki gen pakèt bwa nan men yo al jwenn moun ki pa vini nan lapriyè a poum te boule kay yo sou yo ak dife.

«Allah ap kenbe tè a nan pla men Li, epi lap pliye syèl yo nan men dwat Li, aprèsa lap di: Mwen se Wa a. Kote wa ki sou tè yo?»

Jundub (ke Allah kontan avè l) rakonte: Mwen te tande Pwofèt la (lapè ak benediksyon Allah sou li) senk jou anvan li mouri, li tap di: "Mwen deklare devan Allah, mwen pa pran okenn nan nou kòm zanmi pwòch (khalil). Paske Allah Toupwisan an te chwazim kòm zanmi pwòch Li, menm jan Li te chwazi Ibrahima (Abraram) kòm zanmi pwòch Li. Sim te dwe pran yon zanmi pwòch nan kominotem nan, mwen tap pran Abu Bakr. Epi atansyon! Moun ki te viv anvan nou yo te konn fè kavo pwofèt yo ak moun ki jis yo tounen kote pou yo adore. Atansyon! Pa fè kavo yo tounen kote pou nou adore; mwen entèdi nou fè sa."

Daprè Pwofèt la (lapè ak benediksyon Allah sou li), li te di konsènan Ansar yo: «Se sèl moun ki gen lafwa ki renmen yo, epi se sèl ipokrit ki pa renmen yo. Moun ki renmen yo, Allah renmen li, epi moun ki pa renmen yo, Allah pa renmen li.»