Encyclopedia of Prophetic Hadiths

Pami pi move moun yo, gen moun Lè a (Jou Jijman an) ap jwenn pandan yo vivan toujou, ak moun ki pran tonb yo pou fè yo tounen kote pou yo adore (moske).

«Moun ki fè lòt moun ditò, Allah ap fè li ditò, epi moun ki rann bagay yo difisil pou lòt moun, Allah ap rann bagay yo difisil pou li.»

Lè a (Jou Jijman an) pap rive jiskaske tan an vin pi kout, konsa yon ane ap vin tankou yon mwa, epi yon mwa ap vin tankou yon semèn, epi yon semèn ap vin tankou yon jou, epi yon jou ap vin tankou yon èdtan, epi yon èdtan ap vin tankou tan li pran pou yon fèy palmis boule.

Yon gwoup moun te vin jwenn Mesaje Allah a (lapè ak benediksyon Allah sou li). Li te aksepte sèman fidèlite 9 nan yo, epi li te refize pou youn. Yo te di: "O Mesaje Allah, ou aksepte sèman nèf nan yo epi ou kite sa a?" Li te di: «Li gen yon tamimah sou li». Lè sa a, nonm nan te foure men li epi li te rachel. Aprèsa, li te aksepte sèman li an, epi li te di: «Nenpòt moun ki pann yon tamimah, asireman li fè Shirk(idolatri)».

Mwen te nan yon vwayaj ansanm ak Pwofèt la (kè poze ak benediksyon Allah sou li). Yon jou maten, mwen te vin prèl pandan nou tap vwayaje. Mwen di l : « O Mesaje Allah, fèm konnen yon zèv kap fè m antre nan Paradi epi kap pousem lwen dife Lanfè a. » Li reponn : « Se yon gwo koze ou mandem la a, men li vrèman fasil pou moun Allah chwazi fè li fasil pou li a : Se pouw adore Allah san ou pa asosye li ak anyen, Se pouw akonpli lapriyè, Se pouw bay lacharite (Zakat), Se pouw fè jèn nan mwa Ramadan, Epi se pouw fè pelerinaj nan Kay la (Lamèk). » Aprèsa, li di : « Èskew vlem moutrew pòt byen yo ? Jèn nan se yon boukliye. Lacharite etenn peche menm jan dlo etenn dife. Epi lapriyè yon moun ap fè nan mitan lannwit. » Answit, li site vèsè sa a : « Flan yo (kò yo) kite kabann yo... jiskaske li rive nan... kòm rekonpans pou sa yo te konn fè a. » Aprèsa, li di ankò : « Èskew vlem fè ou konnen tèt tout bagay la, poto mitan li an ansanm ak pwen ki pi wol la ? » Mwen reponn : « Wi, O Mesaje Allah. » Li di : « Tèt bagay la se Islam, poto mitan li se lapriyè, epi pwen ki pi wol la se Jiyad. » Aprèsa, li di : « Èskew vlem fèw konnen kisa ki kenbe tout bagay sa yo ansanm ? » Mwen reponn : « Wi, O Pwofèt Allah. » Li pran pwòp lang li ak men li, li kenbel, epi li di : « Kontwole sa a. » Mwen di li : « O Pwofèt Allah, èske yap rann nou kont vre pou pawòl kap soti nan bouch nou ? » Li reponn : « Wap fè manman w pèdiw, O Mou'adh ! Èske gen lòt bagay ki lage moun fas anba – oubyen li te di sou nen yo – nan dife Lanfè a si se pa akoz lang yo ? »

«Eprèv yo ap toujou kontinye frape kwayan an, gason kou fi, nan pwòp lavi li, nan pitit li ak nan byen li, jiskaske li rankontre Allah san pa gen okenn peche sou li.»

«Vrèmanvre, mesaj sa a ap rive tout kote lannnwit ak lajounen rive. Epi Allah pap kite okenn kay ki fèt an tè, ni okenn tant ki fèt ak pwal bèt, san Allah pa fè relijyon sa a antre ladan li ; avèk onè pou moun ki jwenn onè, oswa avèk imilyasyon pou moun ki jwenn imilyasyon, yon onè Allah ap sèvi pou li bay Islam nan onè, ak yon imilyasyon Allah ap sèvi poul imilye mekrèyans lan.» Epi Tamim Ad-Dari te konn di: Mwen te konstate sa aklè pami manm pwòp fanmim; sa ki te antre nan Islam pami yo te jwenn benediksyon, noblès ak onè, epi sa ki te rete mekreyan pami yo te jwenn imilyasyon, rabesman ak obligasyon pou mete taks (Jizya a.)