Gen 2 kategori pami moun Lanfè yo mwen poko wè: yon gwoup moun ki gen fwèt tankou ke bèf yap bat moun avèk yo, ansanm ak yon gwoup fanm ki abiye men kòmsi yo toutouni, ki devye tèt yo soti nan chemen dwat la epi kap devye lòt moun tou.

Pwofèt la (sallalahu alayhi wa sallam) ap avèti kont 2 kategori moun pami moun Lanfè yo li pat wè, epi ki pat egziste nan epòk li a, men kap vin egziste aprèl: Premye kategori a: Se yon gwoup moun ki gen fwèt nan men yo ki long tankou ke bèf, yap bat moun ak yo; moun sa yo se polisye ak asistan moun kap fè lenjistis yo, kap bat moun san okenn dwa. Epi dezyèm kategori a: se fanm ki retire rad diyite (chaste) ak modesti (pudè) ki se nati natirèl yon fi an jeneral. Epi deskripsyon yo se: yo abiye an reyalite, men yo touni nan siyifikasyon an; paske yo mete rad ki fen ki montre po yo, epi yo kouvri yon pati nan kò yo pandan yo dekouvri yon lòt; nan objektif pou yo ekspoze bèlte yo, Yap atire kè gason sou yo pa mwayen abiman yo ak fason yap mache ak awogans, yap panche zepòl yo, epi yap rale lòt fanm nan devyasyon ak egareman yo menm yo twouve yo ladan li an, Epi pami karakteristik yo: tèt yo tankou bos chamo ki panche, konsa yo ogmante gwosè tèt yo epi yo fè yo parèt pi gwo lè yo vlope moso twal oswa lòt bagay ki sanble ak sa, Epi konparezon ak bòs chamo yo, se sèlman poutèt wotè cheve yo ak très yo anwo tèt yo, ak jan yo pliye nan sa yo trese a, jouk li panche sou yon bò nan tèt la, menm jan bòs chamo a panche. Epi pou fi ki gen kalite sa yo; gen gwo menas sa a sou yo ke yo pap antre nan Paradi a, yo pap jwenn sant li, ni yo pap pwoche bò kotel, epi yo jwenn sant Paradi a epi yo pran sant li depi nan yon distans ki byen lwen.