Sètènman, Allah padone kominotem nan pou mwen, pou sa yo fè pa erè, sa yo bliye, ak sa yo fòse yo fè.

Pwofèt la, (ke lapè ak benediksyon Allah sou li), fè konnen ke Allah padone kominote li a nan 3 sitiyasyon: Premye pwen an se: Erè a, ki se sa ki soti nan yo san entansyon, kote yon Mizilman gen entansyon pou li fè yon bagay atravè aksyon lap poze a, epi aksyon li an rive tonbe sou yon lòt bagay ki pa sa li te gen entansyon an. Epi dezyèm pwen an: Oubli, se lè Mizilman an sonje yon bagay, men li bliyel lè lap fèl, donk pa gen peche nan sa tou. Epi twazyèm pwen an se: Kontrent (lè yo fòse moun nan); paske yo ka fòse sèvitè a fè yon bagay li pa vle, sanl pa gen kapasite poul repouse fòs sa a, epi nan ka sa a li pa gen peche oswa blam sou li. Fòk nou note ke sijè adis la trete relasyon ant sèvitè a ak Mèt li a lè li fè sa ki entèdi a, men kanta pou lè li kite sa yo te kòmandel la paske li bliye, sa pa anile; epi si aksyon li fèl la ta lakòz yon dega, dwa kreyati a pa anile, tankou si li ta touye yon moun pa erè, li oblije peye sa oswa si li ta domaje yon machin pa erè, li dwe peye dedomajman an.