Mwen pat mande nou fè sèman poutèt mwen pat fè nou konfyans, men se zanj Jibril ki vini anonse mwen ke Allah Toupwisan an fyè de nou devan zanj Li yo.

Abou Sa'id Al-Khoudri te di: Mou'awiya te sòti epi li vin jwenn yon gwoup moun ki te chita an won nan moske a, li mande yo poukisa yo chita la a, yo reponn li se pou yo fè louwanj pou Allah, li mande yo si se sou non Allah pa gen lòt rezon ki fè yo chita la a sof sa, yo sèmante sou Allah se sèl rezon sa a ki fè yo chita, lè sa a li di yo li pat fè yo fè sèman paske li te doute de yo, epi li te ajoute pa gen okenn moun ki te nan menm pozisyon avèk li bò kote Mesaje Allah a (lapè ak benediksyon Allah sou li) ki te rapòte mwens pawòl sou li pasel:

Epi Mesaje Allah a (lapè ak benediksyon Allah sou li) te sòti vin jwenn yon gwoup nan konpanyon li yo ki te chita an won, li di yo: «Poukisa nou chita la a?» Yo reponn li: «Nou chita pou nou fè louwanj pou Allah epi dil mèsi paske Li te gide nou nan Islam nan epi Li te fè nou favè sa a.» Li mande yo: «Èske se sou non Allah pa gen lòt rezon ki fè nou chita la a sof sa?» Yo reponn: «Nou fè sèman sou Allah,pa gen lòt rezon ki fè nou chita la a sof sa!» Lè sa a li di yo: «Konnen byen se pa paskem te doute de nou ki fèm te fè nou fè sèman, men se pito zanj Jibril ki te vin kotem epi li fèm konnen Allah Toupwisan an fyè de nou epi Lap vante tèt Li avèk nou devan zanj yo.»

وَإِنَّ رَسُولَ اللهِ صَلَّى اللهُ عَلَيْهِ وَسَلَّمَ خَرَجَ عَلَى حَلْقَةٍ مِنْ أَصْحَابِهِ، فَقَالَ: «مَا أَجْلَسَكُمْ؟» قَالُوا: جَلَسْنَا نَذْكُرُ اللهَ وَنَحْمَدُهُ عَلَى مَا هَدَانَا لِلْإِسْلَامِ، وَمَنَّ بِهِ عَلَيْنَا، قَالَ: «آللَّهِ مَا أَجْلَسَكُمْ إِلَّا ذَاكَ؟» قَالُوا: وَاللهِ مَا أَجْلَسَنَا إِلَّا ذَاكَ، قَالَ: «أَمَا إِنِّي لَمْ أَسْتَحْلِفْكُمْ تُهْمَةً لَكُمْ، وَلَكِنَّهُ أَتَانِي جِبْرِيلُ فَأَخْبَرَنِي أَنَّ اللهَ عَزَّ وَجَلَّ يُبَاهِي بِكُمُ الْمَلَائِكَةَ».