Encyclopedia of Prophetic Hadiths

" Nde Alla tagi aljanna e yiite O neli jibriil yo o his faade aljanna, O wi'i ndaar mba e ko keblan Mi jom en hembo, Jibriil ndaari mba o rutti, (o warti)o wi'i: E teddungal Ma hay gooto nanataa mba si wonah o naata mba,O yamiri mba fiiltira gañaaɗi, O wi'i:yah ndaara ko keblan Mi yimɓe hembo, o ndaari mbo ndeke hombo fiiltira gañaaɗi, o wii: E teddungal ma mi huli nde hay gooto naatataa mba, O wi'i: yah ndaar jayngol e ko keblan mi yimɓe hengol e nder maggol, o ndaari ngol ndeke hongol waɗɗandiri, o wi'i e teddungal ma hay gooto naatatah ngol, O yamiri ngol fiiltira tuuyaaji, O yamari mbo yo o rutto rutto o ndaara ngol rutti (owarti)o wii: E teddungal Ma mi huli nde hay gooto waawata daɗde heen si wonah o naata e hengol".

" Ɓuri moƴƴude e jikru ko: Laa ilaaha illal laahu, ɓuri moƴƴude e du'aaw ko: Al hamdu lillaahi".

" golle ko jeegom, yimɓe ko nayo, baɗɗinooji ɗiɗi, e yeru e yeru, moƴƴel gootel ko cowe sappo, moƴƴel gootel sowe teemedde jeeɗiɗi sowre, tawi ko baɗɗinooji ɗiɗi ɗi: kala maayɗo o renndinaani Alla e hay ndiga o naata aljanna, kala maayɗo hombo renndini Alla e huunde o naata yiite, si tawii ko yeru e yeru, oon kimmirɗo waɗde moƴ- ƴel haa o tini ɗum e ɓernde makko, o winndante moƴƴel gootel, oon baɗɗo moƴƴel gootel o winndante moƴƴi sappo, oon nafquɗo e laawol Alla moƴƴere mum sowete laabi teemedde jeeɗiɗɗi, tawi ko yimɓe, ko jaacnanaaɗo e aduna ɓittanaaɗo ka laakara, e ɓittanaaɗo e aduna jaacnanaaɗo ka laakara, e ɓittanaaɗo e aduna e laakara, goɗɗo o ko jaacnanaaɗo aduna e laakara"

Yeewtanii amen oon jannginatnooɗo amen e Sahabaaɓe Annabi yo o his kamɓe ɓe njanngintone Quraana ummaade e nelaaɗo aayaaje sappo, ɓe ƴettataana goɗɗe si wonah ɓe nganndu ko woni e ɗeen aayeeje e gannadal e gollirde ngal, ɓe mbii. min ngnndi ganndal e gollal.

" jom Quraana ina wi'e: janngu ɓamta, taro hono tarortonoɗa e aduna, daraja ma tolnii ko e aaya cakkitiɗa janngude o"

« Jeyaako e amen oon diwnuɗo wolla oon diwnanaaɗo, wolla o waɗi wageyaagal wolla o waɗana wageyaagal, walla o wili wolla o wilnana, kala piɓɗo fiɓnde, e kala garɗo e wage ( kortotooɗo) o gooŋɗani mbo ko o haali ko o yeddii ko tellinaa ko e Muhamadu yo ALLa juul e dow muh O hisno ɗum ».

« Ɓuri timmude gooŋɗingol e gooŋɗinɓe hee ko ɓurɗo moƴƴude jikku, ɓuri e maɓɓe moƴƴude ko ɓurɗo moƴƴude e rewɓe maɓɓe».

" Kala nanndiniiɗo e yimɓe ko e maɓɓe o jeya".