Encyclopedia of Prophetic Hadiths

" Nde Alla tagi aljanna e yiite O neli jibriil yo o his faade aljanna, O wi'i ndaar mba e ko keblan Mi jom en hembo, Jibriil ndaari mba o rutti, (o warti)o wi'i: E teddungal Ma hay gooto nanataa mba si wonah o naata mba,O yamiri mba fiiltira gañaaɗi, O wi'i:yah ndaara ko keblan Mi yimɓe hembo, o ndaari mbo ndeke hombo fiiltira gañaaɗi, o wii: E teddungal ma mi huli nde hay gooto naatataa mba, O wi'i: yah ndaar jayngol e ko keblan mi yimɓe hengol e nder maggol, o ndaari ngol ndeke hongol waɗɗandiri, o wi'i e teddungal ma hay gooto naatatah ngol, O yamiri ngol fiiltira tuuyaaji, O yamari mbo yo o rutto rutto o ndaara ngol rutti (owarti)o wii: E teddungal Ma mi huli nde hay gooto waawata daɗde heen si wonah o naata e hengol".

Yimɓe jeyaaɓe e Sahabaaɓe Nelaaɗo ngarii e amen, ɓe naaɓnii mbo: pellet emin tina e pittaali amen ko mawni e gooto e amen haalde ɗum, o maaki:" ko goongo on keɓii ɗum?" ɓe mbii: eey, O maaki:" ko ɗuum woni iimaan laaɓtuɗo"

" pellet ma Mi won e weendu haa mi yi'a joloowo faade e am ummaade e mon, ma wood naanngaaɓe kaɗe yottaade mi, Mi maaka: Aan joom am ko e am o jeyaa ko e leñol am o jeya, o wi'e mbela a tini koɓe mbaɗi caggal ma, mi woondarii Alla, ɓe ceeraani hoɓe nduttoro caggal maɓɓe"

" seyɗaane ina ara(ina wara) e gooto e mon o wi'a: hombo tagi ɗum? hombo tagi ɗum? hombo tagi ɗum? Haa o wi'a: hombo tagi Joom ma? Si o yottiima ɗoon yo o moolo e Alla, yo o gasnu ɗuum"

" Wotee nguttee kam hono no Annasaara en nguttirno Ɓiy Maryama; miin ko mi maccuɗo Makko ,mbi'ee: Maccuɗo Alla e Nelaaɗo Makko".

Anas ɓiy Maalik yo Alla wele mbo ( yo alla yardo he makko)yeewtanii amen wonde gorko gooto wi'ii: Aan Annabi Alla hono keefeero yahrata yeeso makko ñande rennduru? O maaki(owi):" Mbela Alla jahnirɗo mbo koyɗe makko ka aduna hattanaani yahnirde mbo yeeso makko ñande darnga?" Qataadata wii: Eey kay e teddungal Alla.

Nelaaɗo yo jam e kisal won e makko maakani(owii)Mu'aaju (mu,aazu)Ibnu Jabalin nde o neli mbo faade Yaman:" aan ma a ar e yimɓe jom en defte, si arii e maɓɓe nodduɓe e seedaade wonde alah deweteeɗo e goongo mbo wonah Alla, e wonde Muhamadu ko nelaaɗo Alla siɓe ɗoftiimo ma e ɗuum, habruɓe Alla farlii e maɓɓe juulɗeele joy e kala ñalawmo e kala jemmo, siɓe ɗoftiimo ma e ɗuum, habruɓe wonde Alla farlii e maɓɓe sadak nanngateeɗo e alɗuɓe maɓɓe mbo totte waasɓe maɓɓe, siɓe ɗoftiimo ma e ɗuum, reenta jawdi maɓɓe ɓurndi teddude, reenta ñaagunde tooñaaɗo; sabu nde alah heedo hakkunde mannde e Alla".

" kala huunde ko e hoddira, haa e roŋkere e softeende, wollo softeende e roŋkere"