عربي - Arabic English Qafár af - Afar Afrikaans - Afrikanns Akan Shqip - Albanian አማርኛ - Amharic Հայերեն - Armenian অসমীয়া - Assamese Azərbaycanca - Azerbaijani Bamanankan - Bambara Bassa Bemba বাংলা - Bengali Bosanski - Bosnian Български - Bulgarian မြန်မာဘာသာ - Burmese Bisaya - Cebuano Cham Нохчий - Chechen chiCheŵa - Chewa 中文 - Chinese Адыгэбзэ - Circassian Hrvatski - Croatian Česky - Czech Dagbani Dansk - Danish فارسی دری - Dari Dendi ދިވެހި ބަސް - Dhivehi Nederlands - Dutch إستوني - Estonian Suomi - Finnish Fon Français - French Fulfulde - Fula ქართული - Georgian Deutsch - German Ελληνικά - Greek ગુજરાતી - Gujrati Kreyòl ayisyen - Haitian Creole Hausa हिन्दी - Hindi Magyar - Hungarian Igbo Indonesia - Indonesian Italiano - Italian 日本語 - Japanese Jóola - Jola ಕನ್ನಡ - Kannada Қазақша - Kazakh ភាសាខ្មែរ - Khmer Kikuyu Ikinyarwanda - Kinyarwanda Ikirundi - Kirundi 한국어 - Korean كوردی سۆرانی - kurdish كوردي kurmancî - Kurmanji Kyrgyz ລາວ - Lao latviešu - Latvian Lingala lietuvių - Lithuanian Luganda Македонски - Macedonian Maguindanaon Malagasy - Malagasy Bahasa Melayu - Malay മലയാളം - Malayalam Mandinka मराठी - Marathi Mõõré - Moore नेपाली - Nepali أنكو - NKo Norwegian ଓଡ଼ିଆ - Odia oromoo - Oromo پښتو - Pashto فارسی - Persian Polski - Polish Portuguese ਪੰਜਾਬੀ - Punjabi Română - Romanian Русский - Russian Српски - Serbian Shona සිංහල - Sinhala Slovenščina - Slovenian Soomaaliga - Somali Soninke Sesotho - Sotho Español - Spanish Kiswahili - Swahili Svenska - Swedish Tagalog Тоҷикӣ - Tajik தமிழ் - Tamil తెలుగు - Telugu ไทย - Thai ትግረኛ - Tigrinya Türkçe - Turkish Türkmen - Turkmen Ukrainian اردو - Urdu ئۇيغۇرچە - Uyghur Ўзбек - Uzbek Việt Nam - Vietnamese Wolof Yao Yorùbá - Yoruba Zarma زولو - Zulu
732 Hadiths
Encyclopedia of Prophetic Hadiths
التصنيف الشرعي
Grading
Narrated in
Show remaining sources
Narrator
Show all narrators (39)
Yónente Yàlla bi -yal na ko Yàlla dolli xéewal ak mucc- xamal na ñu xutbag aajo: cant ñeel na Yàlla, ñoo ngi koy dimbandikoo, di ko jéggalu, di muslu ci moom ci ayu sunu bakkan, ku Yàlla gindi kenn manu koo sànk, ku Yàlla sànk kenn manukoo gindi, maa ngi seede ne amul kenn ku ñu war a jaamu ku dul Yàlla, tey seede ne Muhammat jaamam la Yónenteem la, {éey yéen nit ñi ragal leen séen Boroom mi leen bind ci benn bakkan bind ca it jabaram, tasaare si ñoom ñaar ay góor yu bari ak i jigéen, nangeen ragal Yàlla mi nga xam ne ci moom ngeen di laajante, te ragal ag meen, Yàlla moo ngi leen di fuglu}[An-Nisaa: 1], {éey yéen ñi gëm nangeen ragal séen Boroom dëgg-dëggi ragal te buleen dee lu dul ne ay jullit ngeen} [Aali-Imraan: 102], {éey yéen ñi gëm nangeen ragal Yàlla tey wax wax ju jub(70) kon dana yéwénal séen i jëf jéggal leen séen i bàkkaar, ku topp Yàlla ak ub Yónenteem texe na texe gu màgg} [Al-Ahsaab: 70-71].
Wér na Abuu Daawuda ak At-Tirmisiyyu ak An-Nasaa-iyyu ak Ibn Maaja ak Ahmad ñoo ko soloo.
التصنيف الشرعيالأدعية المأثورة، أحكام خطبة وصلاة الجمعة، أحكام وشروط النكاحموضوعات الحديثالذِّكْر، أحكام الأسرة، التقوى، صلاة الجمعة
Yónente bi -yal na ko Yàlla dolli xéewal ak mucc- dafa am lu mu tudd daal di ne: «loolu de bu xam-xam di dem lay doon» ma ne ko: yaw Yónente Yàlla bi, naka la xam-xam di deme, te nun noo ngi jàng Alxuraan di ko jàngal sunuy doom, sunuy doom di ko jàngal séen i doom, ba keroog bis-pénc? Mu wax ne: « sa yaay ñàkk yaw Siyaad, man de foogoon naala ki gën a amug dégg ci Madiina, xanaa du Yahuut yi ak Nasaraan yi ñoo ngi jàng Tawraat ak Injiil, te duñu jëfe dara ca la fa nekk?!».
Wér na ngir beneen Adiis bu koy tegtale Ibnu Maaja soloo na ko.
التصنيف الشرعيفضل العلم، فضائل أعمال القلوب، فضائل أعمال الجوارح، أشراط الساعةموضوعات الحديثأشراط الساعة
«Amul dara lu gën a tedd fa Yàlla mu kawe mi lii di ñaan».
Tane na At-tirmisiy soloo na ko, ak Ibnu Maaja, ak Ahmat.
التصنيف الشرعيفضل الدعاءموضوعات الحديثالدعاء
"dëddul àdduna kon Yàlla dana la bëgg, dëddul li ci nit ñi kon nit ñi danañu la bëgg".
An-Nawawii nee na hadiis bu rafet la Ibn Maaja moo ko soloo ak ñeneen ci ay càllale yu rafet.
التصنيف الشرعيالأربعون النووية، الزهد والورع
Ñëw naa ci Yonente bi yal na ko Yàlla dolli xéewal ak mucc ànd ak ay jigéen ci waa Ansaar ngir jaayante ak moom, nu ne ko: yaw Yonente Yàlla bi, noo ngi jaayante ak yaw ci ne dunu bokkaale Yàlla ak dara, te dunu sàcc, dunu njaalo, te dunu Sos aw duur ci sunu diggante loxo yi ak tànk yi, te dunu la moy ci njekk, mu wax ne: "ci lu ngeen man, te àttan ko" nee na: nu ne: Yàlla ak ub Yónenteem moo nu gën a yërëm, kaay nu jaayante ak yaw, yaw Yonente Yàlla bi, Yonnente bi daal di wax ne: "man duma jox loxo jigéen ñi, waaye li may wax téeméeri jigéen mooy li ma wax genn jigéen, walla moo ngi mel ni li ma wax genn jigéen".
Wér na At-Tirmisiyyu ak An-Nasaa-iyyu ak Ibn Maaja ñoo ko soloo.
التصنيف الشرعيالعلاقة بين الرجل والمرأة
Ñëw naa vi Safwaan ibn Assaal Al-Muraadii, di ko laaj masaa ci ay Saŋ, mu ne ma: lam moo la indi yaw Sirr? Ma ne ko ngir sàkku xam-xam, mu ne ma: malaaka yi de dañuy teg seen i laaf ñeel kiy sàkku xam-xam; ngir gërëm li mu sàkku, ma ne ko: liy mbir mooy masaa ci ay Saŋ ginnaaw saw ak xayta day nux-nuxi ci sama dënn, te yaw bokk nga ci sahaabay Yonnente bi yal na ko Yàlla dolli xéewal ak mucc ma ñëw ngir laaj la: ndax dégg nga ko muy wax ci loolu dara? Mu ne: waaw, daan na nu digal bu nu nekkee way-tukki walla ay tukkikat, nu bañ a summi sunuy Saŋ ñatti fan ak seen i guddi, lu dul ci janaba, waaye ci xayta, ak saw, ak nelaw, ma ne ko: ndax dégg nga ko miy tudd mbàggeel? Mu ne: waaw, nekkoon nanu ak Yonnente Yàlla bi yal na ko Yàlla dolli xéewal ak mucc ci tukki, ba nu nekkee fa moom rekk benn kaw-kaw woo ko ci kàddu gu xumb: éey Muhammat, Yonnente bi yal na ko Yàlla dolli xéewal ak mucc tontu ko nu mel ni kàddoom ga: "waaw ñëwal" nu ne ko: yal na nga toskare, wàcceel sa kàddu gi, yaa ngi fi Yonnente Yàlla bi yal na ko Yàlla dolli xéewal ak mucc, te danu noo tere lii, mu daal di ne: giñ naa ci Yàlla ne duma wàcce sama kàddu, kaw-kaw ne: nit ki dana bëgg aw nit te jotu leen, Yonnente bi yal na ko Yàlla dolli xéewal ak mucc daal di ne: "nit ki ki mu bëgg lay ànd al ëllëg bis-pénc", deñul di nu waxtaanal, ba tudd ab bunt bu nekk ci wetu sowwu, doxub yaatuwaayam, walla aji-war ji dana dox ci yaatuwaayam ñent-fukk walla juróom-ñaar-fukki at.
Wér na At-tirmisiy soloo na ko, ak Ibnu Maaja, ak Ahmat.
التصنيف الشرعيالمسح على الخفين ونحوهما
jenn waay laaj na Yonnente Yàlla bi yal na ko Yàlla dolli xéewal ak mucc, ne ko: yaw Yonnente Yàlla bi, nun danuy dugg ci géej gi, di yor tuuti ndox, bu nu ci jàppee daal di mar, ndax nu jàppu ci ndoxum géej gi? Yonnente Yàlla bi yal na ko Yàlla dolli xéewal ak mucc ne ko: «moom am ndoxam lu laab la , am méddam it lu dagan la».
Wér na Abuu Daawuda ak At-Tirmisiyyu ak An-Nasaa-iyyu ak Ibn Maaja ak Ahmad ñoo ko soloo.
التصنيف الشرعيأحكام المياه
Nekkoon naa ak Yonnente bi yal na ko Yàlla dolli xéewal ak mucc ci benn tukki, ma xëy benn bis jegesi ko fekk ñoo ngi dox, ma ne ko: yaw Yonnente Yàlla bi, xibaar ma jëf joo xam ne dana ma dugal àjjana di ma soreele sawara, mu ne ma: "laaj nga lu màgg, waaye lu yomb la ci ku ko Yàlla yombal ci moom, dangay jaamu Yàlla te doo ku bokkaale ak dara, di taxawal julli, di joxe asaka, di woor weeru koor, te aji néeg ba" topp mu ne: "ndax duma la tegtal bunti yiw yi: woor ab pakk la, saraxe day fay njuumte kem ni ndox di faye sawara, ak jullig nit ki ci xaaju guddi " topp mu jàng: laayab « tata jaafaa junuubuhum ba àgg
Yahlamuun » topp mu ne : "ndax duma la xibaar boppu mbir mi yépp ak kenoom?" Ma ne ko: ahakay yaw Yonnente Yàlla bi, mu ne: "boppu mbir mi mooy lislaam, kenoom di julli, njobbaxtal la di jihaad" topp mu ne : "ndax duma la xibaar li moom loolu lépp nag?" Ma ne ko: ahakay yaw Yonnente Yàlla bi, mu téye ci làmmiñam, daal di ne: "téyeel sa lii" ma ne ko: yaw Yonnente Yàlla bi, kon dees nuy jàppe li nuy wax? Mu ne ma: "yal na la sa yaay ñàkk yaw Muhaas, mo ndax dara dana këpp nit ñi ci seen kanam ya walla seen gémmiñ ya ca sawara lu dul seen góobiti làmmiñ?".
Wér na ci kaw bees boolee mbooleem yoon yi mu ñëwee At-tirmisiy soloo na ko, ak Ibnu Maaja, ak Ahmat.
التصنيف الشرعيالإسلام