Encyclopedia of Prophetic Hadiths

«yéen nit ñi tuubleen jëm ci Yàlla, man de damay tuub ci bis bi téeméeri yoon».

Benn waaye dafa wax Yónente bi -yal na ko Yàlla dolli xéewal ak mucc- ne ko: dénk ma, mu ne ko: "bul mer" mu baamtu ko ay yoon mu ne ko: "bul mer".

"bu nit ñi xamoon li nekk ci nodd gi ak sàppe su njëkk si te manu ñu lu dul tegoo bant kon danañu ko tegoo bant, te bu ñu xamoon li nekk ci teela dem kon danañu njëkkante jëm ca, bu ñu xamoon it li ci gee ak suba danañu ko dikkal donte dañuy raam".

"ndax duma leen xibaar ñi gën ci yéen ak ñi yées ci yéen?" Nee na: ñu noppi, mu wax loolu ñatti yoon, jenn waay ne ko: ahakay yaw Yonnente Yàlla bi, wax nu ñi gën ci nun ak ñi yées ci nun, mu daal di ne: "ki gën ci yéen mooy ki ñuy yaakaar yiwam te wóolu ayam, ki yées ci yéen mooy ki ñu yaakaarul ayam te wóoluwuñu ayam".

Amna jenn waay ci jamonoy Yonnente bi yal na ko Yàlla dolli xéewal ak mucc mu tudd Abdulla, ñu koy dàkkantale Mbaam, mu daan reeloo Yonnente Yàlla bi yal na ko Yàlla dolli xéewal ak mucc, Yonnente Yàlla bi yal na ko Yàlla dolli xéewal ak mucc dóoroon ko yari yoon, ñu indi ko benn bis mu digle ñu dóor ko, jenn waay ne: Yàlla rëbb ko, ana lan moo gën a bari lu ñu koy indi? Yonnente bi yal na ko Yàlla dolli xéewal ak mucc daal di ne: "buleen ko rëbb, giñ naa ci Yàlla ne xamuma lu dul ne bëgg na Yàlla ak ub Yonnenteem".

"yal na Yàlla leeralal waaju dégg ci man dara mu jottali ko kem na mu ko dégge woon, bariwaana ku ñu jottali mu gën a xam aji-dégg ji".

"Solleen seen yére yu weex yi, ndax moo gën ci seen yére yi, te nangeen ci sàng seen way-faatu yi".

Laaj naa Yonnente Yàlla bi yal na ko Yàlla dolli xéewal ak mucc lu baax ak lu bon, mu wax ne: "lu baax mooy rafet jikkó, lu bon mooy luy dengi-dengi ci sa dënn, nga bañ nit ñi gis ko".