Encyclopedia of Prophetic Hadiths

Usmaan Ibn Affaan dafa bëggoon a tabax jàkka ji nit ñi sib loolu, ñu bëgg mu bàyyi ko ca na mu mel, mu ne leen: dégg naa Yonnente Yàlla bi -yal na ko Yàlla dolli xéewal ak mucc- mu wax ne: «ku tabax jàkka ngir Yàlla Yàlla dana ko tabaxal ca àjjana lu mel ni moom».

"nit ñi danañu bàyyi li ñuy ñàkk a teewe àjjuma yi walla Yàlla dana kaste seen xol yi, te danañu bokk ci way-sàggan yi".

"Laab mooy genn wàllu ngëm, sant Yàlla day feesal nattukaayu jëf ya, sàbbaal Yàlla ak sant Yàlla dañuy feesal walla day feesal li nekk ci diggante asamaan ak suuf, julli ag leer la, saraxe it aw lay la, muñ it ag leer la, Alxuraan it aw lay la ñeel la yaw, walla muy aw lay ci sa kaw, nit ñépp dañuy xëy am ci ñuy jaay séen bopp, benn mu goreel ko, walla mu alag ko".

Doon naa gis Yonnente Yàlla bi yal na ko Yàlla dolli xéewal ak mucc muy sëlmël ci ndayjooram, ak ci càmmooñam, ba may gis weexitu lexam.

«bu ngeen ko gisee woorleen, bu ngeen ko gisee worileen, bu muuroo ci yeen nangeen ko nattale».

"bu ñu doon jox nit ñi ci liñuy wootewoo kon ay nit danañu wootewoo alali nit ñi ak seen dereet, waaye kiy wootewoo daa war a indi firnde, kiy weddi daa war a giñ".

"bu Ramadaan ñëwee dañuy tijji bunti àjjana yi, tëj bunti sawara yi, jéng saytaane yi".

"ku giñ ci dara fekk du dëgg ngir dog ci àqi ab jullit, dana daje ak Yàlla fekk mu mere ko". Nee na: Ashas wax ne: giñ naa ci Yàlla ne loolu ci man la nekk; suuf dafa doxoon ci sama diggante ak ub Yahuud, mu weddi ma, ma yóbb ko ci Yonente bi, Yonente Yàlla bi yal na ko Yàlla dolli xéewal ak mucc ne ma: "ndax am nga firnde?" Ma ne ko: déedéet. Nee na: mu ne Yahuud bi: "giñal". Nee na: ma ne ko: yaw Yonente Yàlla bi, kon daal day giñ daal di yóbb sama alal. Yàlla mu kawe mi daal di wàcce: {ñi nga xam ne dañuy jënne kóllareg Yàlla gi ak seen i giñ ci ag njëg gu ndaw} ba aaya bi jeex.