Encyclopedia of Prophetic Hadiths

Yónente bi -yal na ko Yàlla dolli xéewal ak mucc- dafa romb ñaari bàmmeel, daal di wax ne : « ñoom ñaar de ñoo ngi leen di mbugal, te sax mbugaluñu leen ci lu rëy, kenn ki moom daawul suturawu bu daan saw, keneen ki nag da daan dox di rambaaj" mu jël aw xob wu tooy, xar ko ñaari xaaj, roof ci bàmmeel bu ne wenn xaaj, ñu ne ko : yaw Yónente Yàlla bi, lu tax nga def lii ? Mu wax ne : "amaana ñu woyafalal leen fii ak wowuñu».

"bu Yàlla dajalee ñu njëkk ña ak ñu mujj ñi ëllëg bis-pénc dees na yëkkëtil bépp workat ab raaya, ñuy wax naan: lii mooy worug diw doomu diw".

"ku ma waxal jenn wax te xam ne ay fen la, moom kenn la ci fenkat yi".

Yónente Yàlla bi -yal na ko Yàlla dolli xéewal ak mucc- tere na zulu.

"bokk na ci rafetug ngëmu nit ki: mu bàyyi lu ko amalul njariñ".

Ki Yàlla gën a bañ ci nit ñi mooy noon bi gën a man a xulóo.

«ñiy rëbbaate duñu nekk ay seede du caagine ay rammkat ëllëg bis-pénc».

"moytuleen juróom-ñaar yiy alage", ñu ne ko: yaw Yónenteb Yàlla bi yooyu yan la ? Mu ne: "bokkaale Yàlla, ak njabar, ak ray bàkkan bu Yàlla araamal ñu ray ko ci ludul dëgg, ak lekk ribaa, ak lekk alali jirim, ak daw bisub xare , ak tuumaal jigéen i jullit ju saŋewu".