Yonente Yàlla bi yal na ko Yàlla dolli xéewal ak mucc digal na nu juróom-ñaar
Jële nañu ci Al-Baraa ibn Haasib yal na ko Yàlla dollee gërëm mu wax ne:
Yonente Yàlla bi yal na ko Yàlla dolli xéewal ak mucc digal na nu juróom-ñaar: digal na nu nuy seeti ku feebar, ak gunge néew, ak ndokkeel ku tissooli, ak jàppandal giñ gi walla aji-giñ ji, ak dimbali ki ñu tooñ, ak wuyu aji-woote ji, ak tasaare nuyóo, mu tere nu jaaro -walla takk jaaroy- wurus, ak naan ci ndabal xaalis, ak sooy ak wëtteen wu am sooy ak sol sooy ak Diibaaj.
أَمَرَنَا رَسُولُ اللهِ صَلَّى اللهُ عَلَيْهِ وَسَلَّمَ بِسَبْعٍ، وَنَهَانَا عَنْ سَبْعٍ: أَمَرَنَا بِعِيَادَةِ الْمَرِيضِ، وَاتِّبَاعِ الْجَنَازَةِ، وَتَشْمِيتِ الْعَاطِسِ، وَإِبْرَارِ الْقَسَمِ، أَوِ الْمُقْسِمِ، وَنَصْرِ الْمَظْلُومِ، وَإِجَابَةِ الدَّاعِي، وَإِفْشَاءِ السَّلَامِ، وَنَهَانَا عَنْ خَوَاتِيمَ -أَوْ عَنْ تَخَتُّمٍ- بِالذَّهَبِ، وَعَنْ شُرْبٍ بِالْفِضَّةِ، وَعَنِ الْمَيَاثِرِ، وَعَنِ الْقَسِّيِّ، وَعَنْ لُبْسِ الْحَرِيرِ وَالْإِسْتَبْرَقِ وَالدِّيبَاجِ.
Yonente bi yal na ko Yàlla dolli xéewal ak mucc da leen a digal juróom-ñaari mbir tere leen juróom-ñaari mbir; yi mu leen digal mooy: Bi ci njëkk mooy: seeti ku feebar. Ñaareel bi mooy: gunge néew bi ak bokk ca jullee ga ak suul ga, ak ñaanal ko. Ñatteel bi mooy: ñaanal ki tissooli daal di sant Yàlla, ci nga wax ko: yarhamukallaah. Ñenteel bi mooy: setal aji-giñ ji ak dëggal ko, maanaam bu giñee ci dara te nga man ko a def ba mu matal ko kon defal loolu; ngir nga bañ ko a yóbbe ci muy kaffaara ngiñam li. Juróomeel bi mooy: dimbali ki ñu tooñ, ci jàppale ko ak jeñal ko li dal ci kawam te bawoo ci tooñkat bi ci sa kem kàttan. Juróom-benneel bi: wuyu ki woote ci xewu lekk, niki xewu céetal, walla ngénte, mba leneen. Juróom-ñaareel bi mooy: siiwal nuyóo ak tasaare ko ak fay nuyóo. Yi mu tere mooy: Bi ci njëkk: sol jaaroy wurus ak ràngoo ko. Ñaareel bi: naan ci ndabal xaalis. Ñatteel bi: toog ci Baasani sooy te mooy laltu gi ñuy teg ci kaw tegu Fas wi ak gu Giléem gi te mu nekk sooy. Ñenteel bi: sol yére bu ñu defare wëtéen gu nu jaxase ak sooy, ñu koy woow: (Xassiy). Juróomeel bi: sol sooy. Juróom-benneel bi: sol Istabraq, te mooy: sool bu tal. Juróom-ñaareel bi: sol Diibaaj, te mooy: xeetu sooy bi gën, te gën a seer.
Leeral lenn ci àqi jullit ci kaw mbokku jullitam.
Liy cosaan mooy ne lépp lu rot juge ci Sariiha ci ay digle walla ay tere day matale góor ñi ak jigéen ñi, lu dul la ñu tënk ne góora ko jagoo, walla jigéen.
Yeneen hadiis tegtale na ne tere nañu jigéen muy gunge néew.
Yeneen hadiis tegtale na ne dagan na ci jigéen mu sol wurus ak sooy.
Téere Al-buxaariy bi gën a wér (2/ 71) (1239).
Téere Muslim bi gën a wér (3/ 1635) (2066).
Yataal gi (2)
تيسير العلام شرح عمدة الأحكام.
للبسام (ص731).