“మూడు రకాల వ్యక్తులతో అల్లాహ్ పునరుత్థాన దినమున మాట్లాడడు, వారిని శుద్ధి చేయడు, మరియు వారికి బాధాకరమైన శిక్ష ఉంటుంది
సల్మాన్ అల్ ఫార్సీ రదియల్లాహు అన్హు ఉల్లేఖన: “రసూలుల్లాహ్ సల్లల్లాహు అలైహి వసల్లం ఇలా పలికినారు:
“మూడు రకాల వ్యక్తులతో అల్లాహ్ పునరుత్థాన దినమున మాట్లాడడు, వారిని శుద్ధి చేయడు, మరియు వారికి బాధాకరమైన శిక్ష ఉంటుంది: వృద్ధుడైన వ్యక్తి వ్యభిచారానికి పాల్బడినట్లైతే, పేదవాడైన వ్యక్తి అహంకారిగా ఉంటే, మరియు ఆ వ్యక్తి, ఎవరికైతే అల్లాహ్ వర్తక సామాగ్రిని ఇచ్చినాడో – అతడు కొన్నా ‘అల్లాహ్ మీద ఒట్టు’ అని, అమ్మినా ‘అల్లాహ్ మీద ఒట్టు’ అని వర్తకం చేస్తాడు.
«ثَلَاثَةٌ لَا يُكَلِّمُهُمُ اللَّهُ يَوْمَ الْقِيَامَةِ وَلَا يُزَكِّيهِمْ وَلَهُمْ عَذَابٌ أَلِيمٌ: أُشَيْمِطٌ زَانٍ، وَعَائِلٌ مُسْتَكْبِرٌ، وَرَجُلٌ جَعَلَ اللَّهَ لَهُ بِضَاعَةً، فَلَا يَبِيعُ إِلَّا بِيَمِينِهِ وَلَا يَشْتَرِي إِلَّا بِيَمِينِهِ».
ఈ హదీథులో ప్రవక్త సల్లల్లాహు అలైహి వసల్లం ప్రజలలో మూడు రకాల వ్యక్తులను గురించి తెలియజేసినారు: వారు పశ్చాత్తాప పడకపోయినా లేక క్షమించబడక పోయినా పునరుత్థాన దినమున అల్లాహ్ యొక్క మూడు శిక్షలకు పాత్రులవుతారు. మొదటిది: అల్లాహ్ తన తీవ్రమైన కోపం కారణంగా పునరుత్థాన దినాన వారితో మాట్లాడడు. పైగా ఆయన వారి నుండి దూరంగా ఉంటాడు లేదా ఆయన వారితో వారికి నచ్చని విధంగా మాట్లాడి వారి పట్ల తనకున్న అసంతృప్తిని సూచిస్తాడు. రెండవది: ఆయన వారిని స్తుతించడు, పొగడడు, మరియు వారి పాపాలను కడిగివేయడు. మూడవది: వారు పరలోకంలో కఠినమైన మరియు బాధాకరమైన శిక్షను అనుభవిస్తారు. ఆ మూడు రకాల వ్యక్తులు వీరే: మొదటి రకం: వ్యభిచారానికి పాల్బడిన వృద్ధుడు. రెండవది: సంపద లేకపోయినా ప్రజల పట్ల అహంకారంతో ఉండే పేదవాడు. మూడవది: కొనేటప్పుడు మరియు అమ్మేటప్పుడు తరచుగా అల్లాహ్ పై ప్రమాణం చేసేవాడు (అల్లాహ్ మీద ఒట్టు అనుట), తద్వారా అల్లాహ్ పేరును దిగజార్చేవాడు, కించపరిచేవాడు మరియు దానిని ధనం సంపాదించడానికి ఒక మాధ్యమంగా ఉపయోగించేవాడు.
అల్ ఖాదీ ఇయాద్ (రహిమహుల్లాహ్) ఈ హదీథులో పేర్కొనబడిన కఠినమైన శిక్షకు గల కారణాన్ని ఇలా వివరించారు: “ప్రతి ఒక్కరూ పైన పేర్కొన్న పాపాన్ని చేసారు, వాస్తవానికి ఆ పాపం వారికి దూరంగా ఉన్నప్పటికీ మరియు దానిని చేయవలసిన అవసరం లేనప్పటికీ మరియు బలహీనమైన ప్రేరేపణల కారణంగా దానికి పాల్బడినారు. పాపం చేసినందుకు ఎవరూ క్షమించబడనప్పటికీ, ఆ పాపానికి పాల్బడవలసిన అత్యంత అవసరం గానీ లేక వారు అలవాటుగా చేసేవారు కాకపోయినప్పటికీ, వారు ఆ చర్యలలో మునిగిపోవడం అనేది – వారు అల్లాహ్ హక్కులను ధిక్కరించడం, నిర్లక్ష్యం చేయడం మరియు ఎటువంటి బలమైన కారణం లేకుండా ఉద్దేశ్యపూర్వకంగా అవిధేయతకు పాల్బడడం అవుతుంది.
వ్యభిచారము, అసత్యము పలుకుట మరియు అహంకారము – ఇవి కబాయిర్’ల లోనివి (ఘోరమైన పాపాలలోనివి).
అల్ కిబ్ర్ (అహంకారం): అంటే హక్కులను తిరస్కరించడం మరియు ప్రజలను తృణీకరించడం.
ఈ హదీథులో, కొనుగోలు మరియు అమ్మకాలలో తరచుగా అల్లాహ్ పై ప్రమాణం చేయకూడదనే హెచ్చరిక ఉన్నది మరియు ప్రమాణాలను గౌరవించాలని మరియు సర్వశక్తిమంతుడైన అల్లాహ్ యొక్క నామములను గౌరవించాలని ఒక ఉద్బోధ ఉంది. దివ్యఖుర్’ఆన్ లో అల్లాహ్ ఇలా అంటున్నాడు: [మరియు అల్లాహ్’ను మీ ప్రమాణాలకు పాత్రగా చేసుకోకండి.] (సూరతుల్ బఖరహ్: 2:224)
ఇంకా (7)
المعجم الصغير للطبراني (2/ 82) (821).
الجديد في شرح كتاب التوحيد.
للقرعاوي (ص453).
الملخص في شرح كتاب التوحيد.
لصالح الفوزان (ص406).
القول المفيد على كتاب التوحيد.
لابن عثيمين (2/ 460).