“దానిని (నెలవంకను) చూసిన తరువాత ఉపవాసాలు ప్రారంభించండి; మరియు (రమదాన్ మాసము చివర) దానిని చూసినపుడు ఉపవాసములు విరమించండి. మేఘావృతమై ఉండి, అది కనబడక పోతే, అపుడు దానిని గురించి అంచనా వేయండి (అంటే షఅబాన్ నెల ముఫ్ఫై దినములుగా పూర్తి చేయండి)

నెల ప్రారంభము నెలవంకను చూడడం ద్వారా నిరూపించ బడుతుంది, గణనలపై కాదు.

ఇబ్న్ అల్-ముంధీర్ రమదాన్ మాసం ప్రారంభాన్ని నెలవంకను చూడకుండా, కేవలం లెక్కల ద్వారా మాత్రమే నిర్ణయించినట్లయితే ఉపవాసం తప్పనిసరి (వాజిబ్) కాదు అనే పండితుల ఏకాభిప్రాయాన్ని నివేదించారు.

ఒకవేళ మబ్బులుగానీ లేక మరింకేదైనా గానీ అడ్డుపడం వల్ల మీరు రమదాన్ మాసపు నెలవంకను చూడలేక పోయినట్లైతే, షఅబాన్ మాసమును ముఫ్ఫై దినములుగా పూర్తి చేయుట వాజిబ్ (తప్పనిసరి) అవుతుంది.

చాంద్రమానము ప్రకారం ఒక చంద్రమాసము ఇరువై తొమ్మిది లేక ముఫ్ఫై దినములు మాత్రమే ఉంటుంది.

ఒకవేళ మబ్బులుగానీ లేక మరింకేదైనా గానీ అడ్డుపడం వల్ల మీరు నెలవంకను చూడలేక పోయినట్లైతే, రమదాన్ మాసమును ముగించుట కొరకు రమదాన్ మాసమును ముఫ్ఫై దినములుగా పూర్తి చేయుట వాజిబ్ (తప్పనిసరి) అవుతుంది.