Kushdo që mëson një dituri prej asaj me të cilën kërkohet fytyra e Allahut të Lartmadhërishëm, e nuk e mëson atë përveçse për të arritur me të ndonjë përfitim nga kjo botë, nuk do ta gjejë aromën e Xhenetit në Ditën e Kiametit

Obligueshmëria e sinqeritetit në kërkimin e dijes dhe inkurajimi për këtë.

Paralajmërim i ashpër kundër marrjes së diturisë fetare për syfaqësi ose si mjet për këtë botë, dhe se kjo është prej mëkateve të mëdha.

Atij që kërkon dijen për hir të Allahut të Lartësuar dhe dunjaja i vjen si rrjedhojë, i lejohet ta marrë atë dhe kjo nuk e dëmton atë.

Sindiu ka thënë: "Fjala e Profetit ﷺ, "...erën e Xhenetit..." do të thotë: aroma. Kjo është një formë e ekzagjeruar për të theksuar ndalimin e Xhenetit, sepse ai që nuk ndien erën e një gjëje, nuk mund ta shijojë (arrijë) atë."

Ai që mëson një dituri me të cilën kërkohet fytyra e Allahut, për shkak të një vendi pune apo për qëllime të tjera, duhet të pendohet tek Allahu për këtë. Allahu ia fshin atij atë që ka ndodhur prej qëllimit të prishur, e Ai është Zotëruesi i mirësisë së madhe, i Pastër nga të metat dhe i Lartësuar.