Lexojeni Kuranin, sepse Ditën e Kiametit ai vjen ndërmjetësues për ata që e lexojnë vazhdimisht.

Profeti ﷺ ka nxitur për leximin e vazhdueshëm të Kuranit, sepse ai do të ndërmjetësojë Ditën e Kiametit për ata që e lexojnë dhe e jetësojnë atë. Pastaj, theksoi leximin e sureve el Bekare dhe Ali Imran, të cilat i quajti "Zehravejn" (dy të drita), për shkak të dritës dhe udhëzimit të tyre, dhe tregoi se shpërblimi i leximit të tyre, i meditimit rreth kuptimeve të tyre dhe i jetësimit të tyre do të vijë Ditën e Kiametit si dy re apo diçka e ngjashme me to, ose si dy tufa zogjsh me krahë të hapur e të bashkuara me njëra-tjetrën, të cilat i bëjnë hije lexuesit të tyre dhe e mbrojnë atë. Pastaj Profeti ﷺ theksoi vazhdimësinë në leximin e sures el Bekare, meditimin rreth kuptimeve të saj dhe të vepruarit me atë që gjendet në të, dhe se në këtë ka begati dhe dobi të madhe në këtë botë dhe në ahiret, ndërsa braktisja e saj përbën dëshpërim dhe pendim në Ditën e Kiametit, si dhe se prej vlerës së kësaj sureje është se magjistarët nuk munden ta dëmtojnë atë që e lexon atë.