Encyclopedia of Prophetic Hadiths

«Musandirumbidza zvakapfuura mwero sekurumbidza kwakaita maKristu mwanakomana waMariya; nokuti zvirokwazvo, ini ndiri muranda wavo, saka taurai kuti: Muranda waAllah (Mwari) uye Mutumwa wavo.»

"Vanhu vanopfurikidza mwero vachaparara." Vakazvitaura katatu.

«Allah (Mwari) vakaropafadzwa uye Varikumusoro-soro vakataura kuti: Ini ndakazvikwanira zvakanyanya zvokuti handidi zvachose kusanganiswa nevamwe, ani naani anoita basa achisanganisa vamwe neni mariri, ndinomusiya iye pamwe chete nekusanganisa kwake.»

Kwakabvunzwa kuti: O Mutumwa waAllah, ndiani pavanhu vese achanyanya kufara nekureverera kwenyu pazuva rekutongwa? Mutumwa waAllah (rugare nemakomborero aAllah ngazvive paari) akati: "Ndakafunga, O Abu Hurairah, kuti hapana munhu aizondibvunza nezvenhaurwa iyi kutanga pamberi pako nekuda kwezvandakaona mukushuvira kwako nhaurwa, munhu pavanhu vese achanyanya kufara nekureverera kwangu pazuva rekutongwa, ani naani anoti: Hapana chakakodzera kunamatwa kunze kwaAllah (Mwari) akazvipira kubva pamoyo pake kana mumweya wake."

Ndakanzwa Muporofita (rugare nemakomborero aAllah ngazvive kwavari) mazuva mashanu vasati vafa vachiti: «Zvirokwazvo, ndinozvisunungura kuna Allah (Mwari) kuti ndisava neshamwari yepedyo zvikuru pakati penyu, nokuti zvirokwazvo Allah (Mwari), Varikumusoro-soro, vakandiita shamwari yepedyo, sekutora kwavakaita Abrahamu seshamwari yepedyo. Uye kudai ndaizotora shamwari yepedyo kubva muvanhu vangu, ndaizotora Abu Bakr seshamwari yepedyo. Zivai kuti zvirokwazvo, vanhu vekare vaitora makuva emaporofita vavo neevakarurama vavo senzvimbo dzekunamatira (maMasjid). Chenjerai, musatora makuva senzvimbo dzekunamatira (maMasjid), zvirokwazvo, ini ndinokurambidzai izvozvo.»