Encyclopedia of Prophetic Hadiths

«Allah (Mwari) ngavanzwire tsitsi munhu anorerutsa kana achitengesa, uye kana achitenga, uye kana achikumbira kubhadharwa.»

«Nzvengai zvivi zvinomwe zvinoparadza», vakati: Imi Mutumwa waAllah (Mwari), ndezvipi izvo? Vakati: «Kusanganisa Allah (Mwari) nezvimwe zvisikwa, huroyi, kuuraya munhu izvo Allah (Mwari) vakarambidza kunze kwekuti pane chikonzero chinobvumidza kudaro, kudya mari yechimbadzo, kudya pfuma yenherera, kutiza pazuva rehondo, uye kupomera vakadzi vakachena, vari vatendi, vasina chavanoziva mhosva yehupombwe».

«Kodzero yemuMuslim kune mumwe muMuslim dzishanu: kudaira Salaam, kushanyira anorwara, kutevera mufi, kubvuma kukokwa, nekuitira anohotsira du'a (munyengetero)».

«Kwaive nemumwe murume aikweretesa vanhu, aiti kumushandi wake: 'Kana wasangana nemunhu ari mumatambudziko, muregerere, kuitira kuti zvimwe Allah (Mwari) vangatiregererawo.' Saka akasangana naAllah (Mwari), vakabva vamuregerera.»