Skip to content
70 Hadiths

Encyclopedia of Prophetic Hadiths

Filter results

16 of 70 cards

Clear filters
"Allah pavakasika Paradhiso neMoto, vakatuma Jibrīl (rugare ngaruve kwaari) kuParadhiso, vakati: "Tarisa kwariri nezvandakagadzirira vagari varo mariri." Naizvozvo, akatarisa kwariri ndokudzoka, akati: "Nehukuru hwenyu, hapana achanzwa nezvaro asingapindemo." Saka vakaraira nezvaro ndokubva rakomberedzwa nezvinorema, vakati: "Enda kwariri utarise kwariri nezvandakagadzirira vagari varo mariri." Akabva akatarisa kwariri, ndokuwana rakakomberedzwa nezvinorema, ndokuti: "Nehukuru hwenyu, zvirokwazvo ndatya kuti hapana achapindamo." Vakati: "Enda utarise kuMoto nezvandakagadzirira vagari vawo mauri." Saka akatarisa mauri ndokuwana zvikamu zvawo zvichikwira pamusoro pezvimwe, ndokudzoka akati: "Nehukuru hwenyu, hapana achapindamo." Saka vakaraira nezvawo ndokubva wakomberedzwa nezvishuwo zvenyama, vakati: "Dzokera utarise mauri." Akabva akatarisa mauri ndokuwana wakakomberedzwa nezvishuwo zvenyama, ndokudzoka akati: "Nehukuru hwenyu, zvirokwazvo ndatya kuti hapana achapunyuka kubva mauri asina kupindamo."
Yakanaka Yakarondedzerwa naAbu Dawud naAt-Tirmidhi naAn-Nasaa’i
التصنيف الشرعيذَمُّ الهوى والشَّهوات، صفات الجنة والنار، الحياة الآخرةموضوعات الحديثالصبر، الإيمان باليوم الآخرمحاور التعريف بالإسلامالجنة، النار
Mutumwa waAllah (rugare nekuropafadzwa kwaAllah ngakuve kwavari) akaverenga ndima iyi: {Ndiye akaburutsa kwauri Gwaro, mariri mune ndima dzakajeka idzo dzinova hwaro hweGwaro, uye dzimwe dzisina kunyatsojeka. Asi avo vane kutsauka mumoyo mavo vanotevera idzo dzisina kunyatsojeka madziri, vachitsvaga mhirizhonga nekutsvaga kududzirwa kwadzo. Uye hapana anoziva kududzirwa kwadzo kunze kwaAllah. Uye avo vakadzika muruzivo vanoti: "Tinotenda madziri, dzose dzinobva kuna Tenzi vedu." Uye hapana anorangarira kunze kweavo vane njere.} [Aal 'Imraan: 7]. Akati: Mutumwa waAllah (Rugare nekuropafadzwa kwaAllah ngakuve kwaari) akati: «Kana ukaona avo vanotevera idzo dzisina kunyatsojeka madziri, ivavo ndivo avo vataurwa naAllah, saka vangwarirei».
Ndeyechokwadi Yakabvumiranwa naAl-Bukhari naMuslim
التصنيف الشرعيأمراض القلوب، ذَمُّ الهوى والشَّهوات، موقف أهل السنة من أهل البدع، تفسير الآياتموضوعات الحديثالمراء والجدال بالباطل، القرآن وعلومه، البدعة
Mumwe murume akauya kuMuporofita (rugare nemakomborero aAllah ngazvive pavari) ndokuti: "Imi Mutumwa waAllah, zvirokwazvo umwe wedu anonzwa mumwoyo make - aireva chinhu chaaisada kudoma- zvokuti kutsva kuita madota kuri nani kwaari pane kutaura nezvazvo." Vakabva vati: "Allah ndivo vakurusa! Allah ndivo vakurusa! Kurumbidzwa kwose ndekwaAllah avo vaita kuti manomano ake (Shaiṭān) mukuzevezera.
Ndeyechokwadi Yakarondedzerwa naAbu Dawud naAn-Nasaa’i muAl-Kubra.
التصنيف الشرعيأمراض القلوب، الإيمان بالله عز وجل، الجن، الإيمانموضوعات الحديثالإيمان بالله تعالى
"Moto wenyu chikamu chimwe chete pazvikamu makumi manomwe zvemoto weGehenahanama." Zvakanzi: "Imi Mutumwa waAllah, zvirokwazvo iwoyu waikwana." Vakati: "Wakawedzerwa nezvikamu makumi matanhatu nepfumbamwe, zvese zvacho zviine kupisa kwakafanana nawo."
Ndeyechokwadi Yakabvumiranwa naAl-Bukhari naMuslim
التصنيف الشرعيصفات الجنة والنار، الحياة الآخرةموضوعات الحديثالإيمان باليوم الآخر، الخوفمحاور التعريف بالإسلامالنار
«Moto wakafukidzwa nezvishuwo, uye Paradhiso yakafukidzwa nezvinhu zvinorema (pamwoyo).»
Ndeyechokwadi Yakarondedzerwa naAl-Bukhari
التصنيف الشرعيفضائل أعمال الجوارح، ذَمُّ الهوى والشَّهوات، صفات الجنة والنارموضوعات الحديثالإيمان باليوم الآخرمحاور التعريف بالإسلامالجنة، النار
«Allah (Mwari) vakaropafadzwa uye Varikumusoro-soro vakataura kuti: Ini ndakazvikwanira zvakanyanya zvokuti handidi zvachose kusanganiswa nevamwe, ani naani anoita basa achisanganisa vamwe neni mariri, ndinomusiya iye pamwe chete nekusanganisa kwake.»
Ndeyechokwadi Yakarondedzerwa naMuslim
التصنيف الشرعيأعمال القلوب، توحيد الألوهية، الشركموضوعات الحديثأهمية التوحيد، الشرك بالله وأقسامه، الإخلاص، الرياءمحاور التعريف بالإسلاموجوب إفراد الله بالعبادة، بطلان الشرك وصوره
«Paradhiso iri pedyo kune mumwe wenyu kupfuura tambo yeshangu yake, uye Moto wakangodarowo.»
Ndeyechokwadi Yakarondedzerwa naAl-Bukhari
التصنيف الشرعيفضائل الأعمال الصالحة، ذم المعاصي، صفات الجنة والنارموضوعات الحديثالزهد وقِصَر الأمل، الإيمان باليوم الآخر، الخوف، الرجاءمحاور التعريف بالإسلامالجنة، النار
«Nguva yekuguma haisviki kudzamara zuva rabuda nekumadokero kwaro. Kana rabuda, uye vanhu vakariona, vese zvavo vachatenda. Asi iyoyo ichava nguva yekuti: {kutenda kwemunhu hakuzoubatsiri kana anga asina kutenda kare, kana kuti usina kuita mabasa akanaka mukutenda kwake} [Al-An'ām: 158]. Zvirokwazvo, nguva yekuguma ichasvika varume vaviri vakawarira nguo pakati pavo, asi havazotengeserani kana kuipeta. Uye zvirokwazvo nguva yekuguma ichasvika murume aenda nemukaka wengamera yake yaakama, asi haazounwi. Zvirokwazvo nguva yekuguma ichasvika munhu achigadzira dziva rake remvura, asi haazowana mukana wekupa vanhu mvura kubva mariri. Uye zvirokwazvo nguva yekuguma ichasvika mumwe wenyu asimudza musuva wekudya kuenda kumuromo wake, asi haazoudyi.»
Ndeyechokwadi Yakabvumiranwa naAl-Bukhari naMuslim
التصنيف الشرعيالتوبة، تفسير الآيات، أشراط الساعةموضوعات الحديثالقرآن وعلومه، أشراط الساعة، التوبةمحاور التعريف بالإسلامالمبادرة وعدم التسويف، خطورة الإعراض عن الحق