«الحَسَن والحُسَيْن سَيِّدا شَباب أهْل الجنة». "حسن او حسین د جنتیانو د ځوانانو سرداران دي".

له ابو سعید الخدري رضی الله عنه څخه روایت دی وایې چې رسول الله صلی الله علیه وسلم فرمایلي:

«الحَسَن والحُسَيْن سَيِّدا شَباب أهْل الجنة». "حسن او حسین د جنتیانو د ځوانانو سرداران دي".

«الحَسَن والحُسَيْن سَيِّدا شَباب أهْل الجنة».

الترمذي او احمد روايت کړی دی
حديث صحيح
تشریح

رسول الله صلی الله علیه وسلم فرمایلي چې د هغه دوه لمسیان؛ حسن او حسین چې د علي بن ابي طالب او د رسول الله صلی الله علیه وسلم لور فاطمې رضي الله عنهم زامن دي، دوی دواړه په فضیلت کې د هر هغه ځوان باداران دي چې په ځوانۍ کې مړ شي، یا دا چې دواړه د ټولو جنتي ځوانانو سرداران دي، پرته له انبیاوو او خلفای راشدینو څخه.

د حديث له ګټو څخه

پدې کې د حسن او حسین رضي الله عنهم ښکاره فضیلت دی.

د حدیث د مفهوم په باره کې ویل شوي چې: د حدیث د بیانېدو پر مهال به دوی د دې زمانې د جنتي ځوانانو باداران وي، یا دا چې دوی د هغو خلکو تر منځه غوره دي چې د فضیلت په اړه یې کوم ثبوت نشته؛ لکه کوم ثبوت چې د انبیاوو او خلفاوو په اړه راغلی، یا دا چې دوی د هغو ځوانانو بادارن دي چې د ځوانۍ او نرتوب صفتونه ولري لکه: ښه سړیتوب، سخاوت، زړورتیا، او دا چې په دې سره مراد د ځوانۍ عمر ندی؛ ځکه چې حسن او حسین دواړه زاړه مړه شوي دي.

مراجع
نور (8)

جامع الترمذي (6/ 113) (3768).

د امام أحمد مسند (17/ 31) (10999).

حاشية السندي على سنن ابن ماجه.

محمد بن عبد الهادي التتوي (1/ 56).

تحفة الأحوذي بشرح جامع الترمذي.

محمد المباركفوري (10/ 178).

المصباح المنير في غريب الشرح الكبير.

لأحمد الفيومي (1/ 294).

3 کتابونه
نور (3)
ټول کارتونه