«الله تعالی ته تر ټولو خوښ ځایونه جوماتونه او تر ټولو ناخوښ ځایونه بازارونه دي».
له ابو هریره رضي الله عنه څخه روایت دی چې رسول الله ﷺ فرمایلي:
«الله تعالی ته تر ټولو خوښ ځایونه جوماتونه او تر ټولو ناخوښ ځایونه بازارونه دي».
«أَحَبُّ الْبِلَادِ إِلَى اللهِ مَسَاجِدُهَا، وَأَبْغَضُ الْبِلَادِ إِلَى اللهِ أَسْوَاقُهَا».
نبي ﷺ خبر ورکړی چې الله تعالی ته تر ټولو خوښ ځایونه جوماتونه دي، ځکه چې د عبادت کورونه دي او بنسټ یې پر تقوا شوی دی، او تر ټولو ناخوښ ځایونه ورته بازارونه دي، ځکه چې غالبا د درغلۍ، سود، دروغو قسمونو، ژمنې ماتولو او د الله تعالی له ذکر څخه د بې پروا کېدلو ځایونه دي.
د جوماتونو حرمت او لوړ مقام، ځکه چې دا هغه ودانۍ دي چې د الله نوم پکې ډېر یادېږي.
د الله تعالی محبت او خوښۍ ترلاسه کولو لپاره جوماتونو ته په دوامداره حاضرېدو او زیات ورتګ ټینګار، او بازارونو ته یوازې د اړتیا پر مهال ورتګ، تر څو په ګناه کې د واقع کېدو څخه وژغورل شي.
نووي وایي: جوماتونه د رحمت د نازلېدو ځایونه دي او بازارونه د هغې برعکس دي.
نور (9)
صحيح مسلم (1/ 464) (671).
نزهة المتقين.
لمجموعة من الباحثين (2/ 1250).
بهجة الناظرين.
لسليم الهلالي (3/ 305).
شرح رياض الصالحين.
لابن عثيمين (6/ 655).
كنوز رياض الصالحين.
لمجموعة من الباحثين (21/ 526).