Encyclopedia of Prophetic Hadiths

"जब कुनै मुस्लिमले मलाई सलाम पठाउँछ, अल्लाहले मेरो आत्मा मलाई फर्काइदिनुहुन्छ, ताकि म उसको सलामको जवाफ दिन सकूँ।"

"निश्चय नै, सबैभन्दा ठूलो जिहादहरूमध्ये अत्याचारी शासकको सामु न्यायपूर्ण वचन बोल्नु एक हो।"

कर्म ६ प्रकारका र मानव ४ प्रकारका हुन्छन् । तीमध्ये (स्वर्ग वा नरक) अनिवार्य गर्ने दुईवटा कर्म छन्, र (बाँकी ४ प्रकारका कर्महरू मध्ये ) एउटा कर्मको प्रतिफल कर्म अनुसार नै पाइनेछ, र अर्को कर्मको प्रतिफल दश गुणा बढी र केही कर्मको प्रतिफल सात सय गुणा बढी प्राप्त हुनेछ। दुईटा (स्वर्ग वा नरक) अनिवार्य गर्नेवाला कर्महरू भनेको : जो अल्लाहसँग शिर्क (साझेदारी) नगरेको अवस्थामा मर्यो भने ऊ स्वर्गमा जानेछ, र जो अल्लाहसँग शिर्क गरेको अवस्थामा मर्यो भने ऊ नर्कमा जानेछ । र त्यो कर्म जसको प्रतिफल कर्म अनुसार नै पाइनेछ भनेको : जसले भित्री मनले कुनै सत्कर्म गर्ने नियत गर्दछ र अल्लाहले त्यस प्रति उसको प्रतिज्ञालाई देख्नुहुन्छ त उसको लागि एक नेकी (पुण्य) लेखिन्छ,र जसले दुष्कर्म गर्ने नियत गर्दछ, उसको लागि एउटा पाप मात्र लेखिन्छ । र जसले सत्कर्म गर्दछ, त्यसलाई दश गुणा बढी प्रतिफल दिइनेछ । र जसले अल्लाहको बाटोमा दान प्रदान गर्छ, त्यसलाई सात सय गुणा बढी प्रतिफल (पुण्य)दिइनेछ । र मानिसहरू चार प्रकारका छन्: (पहिलो) जसलाई संसारमा सुख सुविधा प्राप्त छ, तर आखिरत(परलोक)मा उसलाई कष्ट र दुःख हुनेछ ।(दोस्रो) जसले संसारमा कष्ट र दुःख साथ जीवन काट्यो, तर आखिरतमा उसलाई सुख सुविधा प्राप्त हुनेछ, (तेस्रो) जसलाई संसार र आखिरत दुवैमा कष्ट दुःख हुनेछ, (चौथो) जसलाई संसार र आखिरत दुवैमा सुख सुविधा प्राप्त हुनेछ।

"एक व्यक्ति नबी (सल्लल्लाहु अलैहि वसल्लम) को सेवामा उपस्थित भए र सलाम अर्पण गर्दै भने: 'अस्सलामु अलैकुम।' नबी (सल्लल्लाहु अलैहि वसल्लम) ले उनको सलामको जवाफ दिनुभयो। त्यसपछि ती व्यक्ति त्यहीँ बसे। तब नबी (सल्लल्लाहु अलैहि वसल्लम) ले भन्नुभयो: 'दश (पुण्य)।' त्यसपछि अर्का व्यक्ति आए र उनले भने: 'अस्सलामु अलैकुम व रहमतुल्लाह।' नबी (सल्लल्लाहु अलैहि वसल्लम) ले उनको सलामको जवाफ दिनुभयो। तत्पश्चात् उनी बसे। तब उहाँले भन्नुभयो: 'बीस (पुण्य)।' त्यसपछि तेस्रो व्यक्ति आए र उनले भने: 'अस्सलामु अलैकुम व रहमतुल्लाहि व बरकातुह।' नबी (सल्लल्लाहु अलैहि वसल्लम) ले उनको सलामको जवाफ फर्काउनुभयो। त्यसपछि उनी पनि त्यहीँ बसे। नबी (सल्लल्लाहु अलैहि वसल्लम) ले भन्नुभयो: 'तीस (पुण्य)।'"

रसूल (सल्लल्लाहु अलैहि वसल्लम) ले एक जना मानिसलाई पंक्ति पछाडि एक्लै नमाज पढिरहेको देख्नुभयो, त्यसैले उहाँले उसलाई नमाज दोहोर्याउन आदेश दिनुभयो।

"हामीलाई शिक्षा दिने नबि (सल्लल्लाहु अलैहि वसल्लम)का साथीहरूले हामीलाई बताए कि, उनीहरू नबि (सल्लल्लाहु अलैहि वसल्लम)बाट दश श्लोकहरू पढ्थे। त्यसपछि, ती दश श्लोकहरूमा रहेको ज्ञान र कर्म राम्रोसँग नबुझ्ने सम्म अर्को दश श्लोकहरू सिक्दैन्थे। सहाबाले भने: 'त्यसरी नै हामीले ज्ञान र कर्म (इल्म र अमल) दुवै प्राप्त गर्यौं।'

एक व्यक्ति रसूल (सल्लल्लाहु अलैहि वसल्लम) कहाँ आयो र उसले कुनै विषयको बारेमा कुरा गर्यो र भन्यो: अल्लाह र तपाईले जे चाहनुहुन्छ त्यही हुनेछ । यो सुनेर नबी (सल्लल्लाहु अलैहि वसल्लम) ले भन्नुभयो: "के तिमीले मलाई अल्लाहको बराबर ठहर गरेको छौ?" बरु यसो भन्नु: अल्लाहले मात्र जे चाहनुहुन्छ (त्यही हुन्छ) ।"

"मैले सोधेँ, "हे अल्लाहका रसूल (सल्लल्लाहो अलैहे वसल्लम्)! मेरो सुव्यवहारको पहिलो हकदार को हो?" उहाँले भन्नुभयो, "तिम्री आमा, त्यसपछि तिम्री आमा, फेरि तिम्री आमा, त्यसपछि तिम्रा बुबा, र त्यसपछि प्राथमिकतानुसार अरू नजिकका नातेदारहरू।"