Encyclopedia of Prophetic Hadiths

"रसूल (सल्लल्लाहु अलैहि वसल्लम) ले हामीलाई सबै कामहरूमा इस्तिखारा गर्न सिकाउनुहुन्थ्यो जसरी उहाँले हामीलाई कुरानको सुरह सिकाउनुहुन्थ्यो । उहाँ भन्नुहुन्थ्यो: "जब तिमीहरू मध्ये कसैले कुनै काम गर्ने विचार गर्छ भने, उसले फर्ज बाहेक दुई रक्अत नमाज पढोस्, अनि यसरी भनोस्: "(अल्लाहुम्म इन्नी अस्तखिरुक बिइल्मिक व अस्तक्दिरुक बिकुद्रतिक, व अस्अलुक मिन् फद्लिकल् अजीम, फइन्नक तक्दिरु वला अक्दिरु, व तअलमु वला अअलमु, व अन्त अल्लामुल गुयुब। अल्लाहुम्म इन् कुन्त तअलमु अन्न हाजल अम्र खैरुल ली फी दीनी व मआशी व आकिबति अम्री...) वा उहाँले भन्नुभयो:(फी आजिलि अम्री व आजिलिहि), (...फाक्दुरहु ली व यस्सिरहु ली सुम्म बारिक ली फीहि; व इन् कुन्त तअलमु अन्न हाजल अम्र शर्रुल ली फी दीनी व मआशी व आकिबति अम्री...) वा उहाँले भन्नुभयो:(फी आजिलि अम्री व आजिलिहि), (...फास्रिफहु अन्नी वस्रिफ्नी अन्हु, वाक्दुर् लियल् खैर हैसु कान, सुम्म अर्दिनी)।" अर्थात् ‘हे अल्लाह ! म तपाईंको ज्ञानद्वारा तपाईंसँग भलाइ माग्दछु र तपाईंको शक्तिद्वारा सामर्थ्य माग्दछु, र म तपाईंसँग तपाईंको महान कृपा माग्दछु । किनभने तपाईं सामर्थ्य राख्नुहुन्छ तर म राख्दिनँ, र तपाईं जान्नुहुन्छ तर म जान्दिनँ, अनि तपाईं नै अदृश्य कुराहरूको ज्ञाता हुनुहुन्छ । हे अल्लाह ! यदि तपाईंको ज्ञानमा यो काम {यहाँ आफ्नो आवश्यकता र कामको नाम लिनु पर्नेहुन्छ} मेरो धर्म, मेरो जीवनयापन र मेरो कामको परिणामको हकमा उत्तम छ’ – अथवा उहाँले भन्नुभयो: ‘मेरो वर्तमान र भविष्यको हकमा उत्तम छ भने – यसलाई मेरो लागि निर्धारित गरिदिनुहोस् र यसलाई मेरो लागि सहज बनाइदिनुहोस्, अनि यसमा मेरो लागि आशिष् राखिदिनुहोस् । तर यदि तपाईंको ज्ञानमा यो काम मेरो धर्म, मेरो जीवनयापन र मेरो कामको परिणामको हकमा नराम्रो छ’ – अथवा उहाँले भन्नुभयो: ‘मेरो वर्तमान र भविष्यको हकमा नराम्रो छ भने – यसलाई मबाट टाढा गरिदिनुहोस् र मलाई यसबाट टाढा राखिदिनुहोस्, तथा मेरो लागि जहाँ भए पनि भलाइ नै निर्धारित गरिदिनुहोस्, अनि मलाई त्यसैमा सन्तुष्ट बनाइदिनुहोस्।' उहाँ(सल्लल्लाहु अलैहि वसल्लम) ले भन्नुभयो: "यो प्रार्थना गर्दा उसले आफ्नो आवश्यकता (वा कार्य) को नाम उल्लेख गरोस्।"

अब्दुल्लाह बिन जुबैर (रजिअल्लाहु अनहुमा) हरेक नमाज मा सलाम फेरिसकेपछि यो दुआ गर्नुहुन्थ्यो: ‘ला इलाह इल्लल्लाहु वह्दहू ला शरीक लहु, लहुल्मुल्कु व लहुल्-हम्दु व हुव अला कुल्लि शैइन् कदीर्, ला हौल वला कुव्वत इल्ला बिल्लाह्, ला इलाह इल्लल्लाहु, वला नाअ्बुदु इल्ला इय्याह्, लहु-न्निअ्मतु व लहुल्-फज्लु व लहुस्सना उल्-हसन्, लाइलाह इल्लल्लाहु मुख्लिसीन लहुद्दी न व लौ करिहल्-काफिरून्’ । अर्थात अल्लाहबाहेक कुनै पनि पूजा योग्य छैन। उहाँ एक मात्र हुनुहुन्छ, उहाँको कुनै साझेदार छैन। सम्पूर्ण राज्य उहाँकै हो, सम्पूर्ण प्रशंसा उहाँलाई नै हो, र उहाँ सबै कुरामा सक्षम हुनुहुन्छ। पापबाट जोगिने शक्ति र राम्रो कार्य गर्न सक्ने क्षमता केवल अल्लाहको कृपाबाट प्राप्त हुन्छ। अल्लाहबाहेक कुनै सच्चा उपास्य छैन। हामी केवल उहाँको नै पूजा गर्छौं। हरेक अनुग्रहका मालिक उहाँ नै हुनुहुन्छ, सम्पूर्ण कृपा उहाँकै हो, र उत्कृष्ट प्रशंसा पनि उहाँकै लागि हो। अल्लाहबाहेक कुनै सच्चा उपास्य छैन। हामी केवल उहाँकै सच्चा उपासक हौं, चाहे काफिरहरूले यसलाई मन नपराउन। थप भने: रसूल (सल्लल्लाहु अलैहि वसल्लम) हरेक नमाजमा सलाम फेरिसकेपछि यो दुआहरू पढेर अल्लाहको प्रशंसा व्यक्त गर्नुहुन्थ्यो ।

जब मुअज्जिन (अल्लाहु अक्बर, अल्लाहु अक्बर) भन्छ र (जवाफमा) तिमीहरूमध्ये कसैले (अल्लाहु अक्बर, अल्लाहु अक्बर) भन्छ, मुअज्जिनले (अश्हदु अल्ला इला ह इल्लल्लाह) भन्छ र उसले (अश्हदु अल्ला इला ह इल्लल्लाह) भन्छ । मुअज्जिनले (अश्हदु अन्न मुहम्मदर्रसूलुल्लाह) भन्छ र उसले (अश्हदु अन्न मुहम्मदर्रसूलुल्लाह) भन्छ । त्यसपछि मुअज्जिनले (हय्य अलस्सलाह) भन्छ र उसले (लाहौल वला कुव्वत इल्ला बिल्लाह) भन्छ, त्यसपछि मुअज्जिनले (हय्य अलल्फलाह) भन्छ र उसले (लाहौल वला कुव्वत इल्ला बिल्लाह) भन्छ । त्यसपछि मुअज्जिनले (अल्लाहू अक्बर, अल्लाहू अक्बर) भन्छ र उसले (अल्लाहू अक्बर, अल्लाहु अक्बर) भन्छ । त्यसपछि मुअज्जिनले (ला इलाह इल्लल्लाह) भन्छ र उसले साँचो हृदयले (ला इलाह इल्लल्लाह) भन्छ भने ऊ स्वर्गमा प्रवेश गर्नेछ ।

"जो बिहान वा बेलुका मस्जिद जान्छ, अल्लाहले उसको लागि स्वर्गमा स्वागतका लागि स्थान तयार गर्नुहुन्छ, हरेक पटक जब ऊ बिहान वा बेलुका मस्जिद जान्छ।"

"तिमीहरू मध्ये कोही मस्जिदमा प्रवेश गर्दा, उसले बस्नु अघि दुई रकात नमाज पढोस्।"

"इस्लाम पाँच कुराहरूमा आधारित छ: अल्लाह बाहेक कोही साँचो ईश्वर छैन र मुहम्मद अल्लाहका दास र रसूल हुनुहुन्छ भन्ने गवाही दिनु, नमाज स्थापना गर्नु, जकात दिनु, हज गर्नु र रमजान महिनामा उपवास बस्नु ।"

अल्लाहका रसूल (सल्लल्लाहु अलैहि वसल्लम) ले उनको हात समातेर भन्नुभयो: "हे मुआद! अल्लाहको कसम, म तिमीलाई माया गर्छु।" उहाँले अगाडि भन्नुभयो: "हे मुआद! म तिमीलाई हरेक नमाजपछि यो दुआ पढ्न नछोड्न सल्लाह दिन्छु: "अल्लाहुम्म अइन्नी अला जिक्रिक व शुक्रिक व हुस्नि इबादतिक।" हे अल्लाह, मलाई तपाईंको जिक्र (स्तुति) गर्न, तपाईंको कृतज्ञता व्यक्त गर्न र उत्तम तरिकाले तपाईंको उपासना गर्न मद्दत गर्नुहोस्।

"इमामले शुक्रबारको दिन खुत्बा (उपदेश) दिइरहेको बेला यदि तिमीले आफ्नो साथीलाई चुप लाग्न भन्यौ भने तिमीले पनि गलत (व्यर्थ) काम गरेको हुन्छौ।"