मुस्लिमको 'इजार' (तल्लो वस्त्र) पिँडुलाको बीचभागसम्म हुनुपर्छ, र पिँडुलाको बीचदेखि गोलीगाँठो सम्म हुनुमा कुनै हर्ज वा पाप छैन। तर गोलीगाँठोभन्दा तल झुन्डिने वस्त्रको भाग नर्कको आगोमा पर्नेछ। र जसले अहङ्कारवश आफ्नो 'इजार' घिसार्छ, अल्लाहले उसतर्फ हेर्नुहुने छैन।

नबी (सल्लल्लाहु अलैहि वसल्लम) ले स्पष्ट पार्नुभएको छ कि मुस्लिम पुरुषको 'इजार' अर्थात् पुरुषको शरीरको तल्लो आधा भाग ढाक्ने जुनसुकै वस्त्रका तीनवटा अवस्थाहरू हुन्छन्: पहिलो: कपडा पिँडुलाको बीच भागसम्म हुनु, यो अवस्था मुस्तहब (उत्तम) हो। दोस्रो: कपडा पिँडुलाको बीच भागभन्दा तलदेखि गोलीगाँठो (कुर्कुच्चाको माथिल्लो तर्फका दुवैतिरका उठेका हड्डीहरू) सम्म हुनु, जुन बिनाकुनै संकोच (कराहत) अनुमतियोग्य छ। तेस्रो: कपडा गोलीगाँठोभन्दा तल राख्नु , यो अवस्था निषिद्ध छ र यसो गर्नु वर्जित छ, किनकि यसकै कारण नर्कको आगोमा पर्ने भय रहन्छ; र यदि यो कार्य घमण्ड, अहङ्कार र उद्दण्डताका साथ गरिएको हो भने, अल्लाहले त्यस्तो व्यक्तितर्फ हेर्नुहुने समेत छैन ।