अल्लाहले यहूदी र इसाईहरूलाई अभिशाप दिनुभएको छ, किनभने उनीहरूले आफ्ना नबीहरूका चिहानहरूलाई पूजास्थल बनाएका थिए।

यो उहाँको अन्तिम आदेश र उपदेशहरू मध्ये एक हो, जसले यसको महत्त्व र यसप्रति विशेष ध्यान दिनुपर्ने कुरालाई दर्शाउँछ।

यस हदीसमा चिहानहरूलाई मस्जिद वा उपासनास्थलका रूपमा परिणत गर्ने कार्यलाई अत्यन्त स्पष्ट एवं कठोर रूपमा निषेध गरिएको छ। साथै, जनाजाको नमाज बाहेक अन्य कुनै पनि नमाज पढ्ने उद्देश्यले कब्रको नजिक जानु वा त्यहाँ नमाज अदा गर्नुलाई पूर्ण रूपमा वर्जित गरिएको छ। किनभने यस्ता कार्यहरू अन्ततः मृतकको अतिशयोक्तिपूर्ण सम्मान गर्न, चिहानको परिक्रमा गर्न, त्यसका कुनाहरू स्पर्श गरी आशिष खोज्न तथा मृतकको नाम लिएर पुकार्न जस्ता गम्भीर वर्जित कार्यहरूका माध्यम बन्न पुग्दछन्। यी समस्त कार्यहरू 'शिर्क' का विभिन्न रूपहरू हुन् वा मानिसलाई शिर्कतर्फ धकेल्ने घातक साधनहरू हुन्।

रसूल (सल्लल्लाहु अलैहि वसल्लम) ले तौहीदको स्थापना र संरक्षणमा विशेष जोड दिनुभएको छ। साथै, चिहानहरूको अतिशय सम्मान गर्नेजस्ता तौहीदमा खलल पुर्‍याउने र अन्ततः शिर्कतर्फ लैजाने सबै कार्यहरूबाट सचेत गराउनुभएको छ, किनभने यस्ता कार्यहरू शिर्कको ढोका खोल्ने माध्यम बन्दछन्।

महान् अल्लाहले आफ्नो नबी (अलैहिस्सलातु वस्सलाम) को चिहानलाई शिर्कको केन्द्र बन्नबाट जोगाउनुभयो। यसैकारण, उहाँले उहाँका अनुयायीहरू (सहाबा) र आगामी पुस्ताहरूलाई उक्त चिहान खुला रूपमा प्रकट हुन नदिई सुरक्षित राख्ने अन्तरप्रेरणा प्रदान गर्नुभयो।

सहाबाहरू (रजिअल्लाहु अन्हुम) नबी (सल्लल्लाहु अलैहि वसल्लम) को उपदेश (वसीयत) अनुसार आज्ञापालन गर्नुहुन्थ्यो र तौहीद (एकेश्वरवाद) कायम राख्न तत्पर रहनुहुन्थ्यो।

यहूदी र ईसाईहरूको अनुकरण गर्नु निषेध छ, र चिहानमाथि भवनहरू निर्माण गर्नु तिनीहरूको प्रथा हो ।