"जसले व्रत (रोजा) बसेको अवस्थामा बिर्सिएर केही खायो वा पियो भने, उसले आफ्नो व्रत पूरा गरोस्; किनकि उसलाई अल्लाहले नै ख्वाउनु र पिलाउनु भएको हो।"

रोजा बस्ने व्यक्तिले रोजा भङ्ग गर्ने कुनै पनि कुरा खाए वा गरे पनि उसको रोजा तबसम्म भङ्ग हुँदैन, जबसम्म तीनवटा सर्तहरू पूरा हुँदैनन्: पहिलो: उसलाई (त्यो कुराले रोजा भङ्ग हुन्छ भन्ने) ज्ञान हुनुपर्छ, यदि ऊ अज्ञानी छ भने रोजा भङ्ग हुँदैन; दोस्रो: उसलाई (आफू रोजामा रहेको) सम्झना हुनुपर्छ, यदि उसले बिर्सिएर खाएको वा गरेको हो भने उसको रोजा सही रहन्छ र उसले त्यसको कजा राख्नु पर्दैन; तेस्रो: उसले त्यो काम आफ्नै इच्छाले गरेको हुनुपर्छ, बाध्यतामा परेर होइन; अर्थात् उसले रोजा भङ्ग गर्ने कुरा आफ्नै राजीखुसीले प्रयोग गरेको हुनुपर्छ।