«B zẽka kaal moogo n bɑs neb a tãabo, gõeta halɩ t'a wa tʋg n neke, la bi-bilfu hal t'a tʋg n ta zãmsdo, la gãeenga hɑlɩ t'a wa tʋg paam yam»

Ninsaal sẽn kongd sor-kũuni tũuda ne sabab a tãabo, gõeem ning sẽn menesa a nekrã t'a ka tõog n yik ne waagibã, maa a yãademã la a bi-bilfẽnd ning sẽn tũnugda yamã kaalem, maa gãeem ning sẽn gudga a yamã, la bũmb ning pʋgda rẽnda, wala suubu, rẽnd ned ning sẽn konga welgre la tags-sõngo, tɩ tõog ka be a nengẽ, sabab-rãmb a tãabã yĩnga: rẽnd Wẽnde (A Nɑɑm yɩ wɑgell n zẽke) A tẽeg-tɩrgã yĩnga yĩngã, la A sugrã, la A kũunã yĩnga, A ka yõkd-b ye tɩ sã yi b nengẽ bũmb sẽn yaa maan-n-zʋʋga maa paoore, Wẽnd hakε wã pʋga, (A Naam yɩ wagelle).

B sẽn ka na n gʋls zũnuub-rãmbã b zugã, a pa kɩɩsd dũni wã bʋʋd-rãmb sãnda sẽn tabεnd a zugã ye, wala gãeenga a sã na n kʋ neda, basg ka be, kafaara me ka be, la zao a buudã zugu yõor yaoobo.

Baaligimdã taab tara tagmas a tãabo: mani sigbu, ne zãmsd la zẽng sẽn ka rẽ, maa pend kõbd yiibu, maa yʋʋm piig la a nu pidsgu, la b paasda paga yell a naase: yẽnda la Pekr yãabo.