«Maam ne dũni yaa bõe, ad maam dũni wã pʋgẽ ka yɩ rẽnda wala kẽnkẽnd sẽn zĩnd tɩɩg maasemẽ, n le wa loog n bas-a».
Yii a ʿAbd Allaah ɭbn Masʿʋʋd nengẽ, (Wẽnd yard be a yĩnga), a yeelame: Wẽnd Tẽn-tʋʋmã (Wẽnd pʋʋsg la A tɩlgr be a yĩnga) gãanda pĩir zugu, n wa yik tɩ pĩirã vũun be a lʋgrẽ wã, tɩ tõnd yeele: Wẽnd Tẽn-tʋʋmã, fo ka na n bas tɩ d bao pĩ-bʋgsg n kõ-fo? T'a yeele:
«Maam ne dũni yaa bõe, ad maam dũni wã pʋgẽ ka yɩ rẽnda wala kẽnkẽnd sẽn zĩnd tɩɩg maasemẽ, n le wa loog n bas-a».
«مَا لِي وَلِلدُّنْيَا، مَا أَنَا فِي الدُّنْيَا إِلاَّ كَرَاكِبٍ اسْتَظَلَّ تَحْتَ شَجَرَةٍ ثُمَّ رَاحَ وَتَرَكَهَا».
A ʿAbd Allaah ɭbn Masʿʋʋd (Wẽnd yard be a yĩnga), togsame, tɩ Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) a gãanda pĩir bil zugu, sẽn wʋg ne moodo, n wa yik tɩ pĩirã vũun be a lʋgrẽ wã, tɩ tõnd yeele: Wẽnd Tẽn-tʋʋmã, d sã n bao bõn-tɩʋʋdg sẽn yaa bʋgsgo n kõ-fo, rag n na n yɩɩ sõma n yɩɩd fo sẽn gãe pĩ-wεglg-kãngã, tɩ Nabiyaamã yeele (Wẽnd pʋʋsg lɑ A tɩlgr be ɑ yĩngɑ): Mam ka tar nonglem la mining ne dũni wã n sek m baood yamleoog a pʋgẽ ye, rẽnd mam bilgri ne dũni wã, a ka yɩɩd kẽnkẽnd sẽn zĩnd maasem tẽngr n vʋʋse, rẽ poorẽ t'a loog la a bas-a.
A vẽnegd n wilgd Nɑbiyɑɑmã sẽn da be bũmb ninga zugã (Wẽnd pʋʋsg lɑ A tɩlgr be ɑ yĩngɑ), sẽn yaa dũni yĩgsg la ball n bas-a.
Ka be hadiisã pʋgẽ tɩ b bas dũni wã pʋgẽ, bũmb ning sẽn yaa tɩlae wã ye, la sẽn be beenẽ wã, yaa f ra wa maan soagl ne-a n yi laahrã ye, bala a zĩnda tɩɩgã maasemẽ n naf ne-a, sẽn na yɩl n ta a sẽn ratẽ wã, la a ka rɩk a yõorã n kõ maasemã ye.
D sõmb n maana tags-n-gesg ne Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) halhaalã, bala Nabiyaamã la togs-n-tɑ-sõng sẽn manegã, la ned ning sẽn tika Nabiyaamã vũun-rãmbã a paamda kãndagre la põsg dũni wã pʋgẽ la laahrã.
Yaa Ṣahaabsã sẽn tar yã-beed kεgenga (Wẽnd yard be b yĩnga) ne Wẽnd Tẽn-tʋʋmã (Wẽnd pʋʋsg la A tɩlgr be a yĩnga) gũusgu la a nonglem.
Yaa tɩ sãri wã kõo sore tɩ b tõe n rɩk bilg-n-taare, da'awa wã ne karengã wilgrã pʋgẽ.
Sunan At-tirmiiziy (4/ 166) (2377).
Sunan ɭbn Maaǧa (5/ 229) (4109).
Pɑɑgã (4)
النهاية في غريب الحديث والأثر (979).
فيض القدير (5/ 464).
تطريز رياض الصالحين (ص: 326).
البحر المحيط الثجاج في شرح صحيح الإمام مسلم بن الحجاج (34/ 663).