Encyclopedia of Prophetic Hadiths

Tɩ Nabiyaamã (Wẽnd pʋʋsg la A tɩlgr be a yĩngɑ) a zĩnda raar a yembr mimbarã zugu, tɩ tõnd zĩnd a kɩrengã t'a yeele: «Ad maam bũmb ning mam sẽn yεεsd yãmb zugu, ad yaa b sẽn na n wa pak n kõ yãmb dũni tɩ-puugu la a faas teoogã». La rao yeel yã: rẽ yĩnga sõma wata ne wẽng laa? Tɩ Nabiyaamã (Wẽnd pʋʋsg la A tɩlgr be a yĩngɑ) sĩndi: tɩ b yeel raoã: yaa bõe n tar foom, tɩ fo gom ne Nabiyaamã (Wẽnd pʋʋsg la A tɩlgr be a yĩngɑ) t'a ka gom ne foom? La tõnd mikame tɩ wahɩ n sigd a zugu, t'a yeele: t'a yẽesd tʋʋlgã a rĩirẽ wã, n yeele, «soakdã bεε?» Tɩ yaa wala a pẽg-a lame, n yeele «Ad sõma ka wat ne wẽng ye, la f bãng tɩ ad sig-noy sẽn bulsdã sẽn yaa yamdã ad a kʋʋdame, maa a wat ne bãaga, sã n ka rũng sẽn wãbd yam-maasã, sẽn wãbdã halɩ t'a lʋg a yiibã sã n wa tẽese la a sẽn togend wĩndgã, n sã la a rʋʋde la a lebg n bʋk a yamdã n lebg n wãbe, n rʋʋde, n lebg n wãbe, la ad arzεk-kãngã a bʋgsame n yaa noogo, la ad lidg soab sõmblem sẽn yɩɩd, yaa b sẽn yãk n kõ miskiina la nimbãan soaba la kɩɩba la kẽnkẽndba, la ned ning sẽn reega arzεkã tɩ ka tũ ne hakε, yaa wala ned sẽn rɩt la a ka tɩdg ye, la a na n leb n yɩɩ kaset yẽ zug dũni yikr raarã».

«Nin-kẽem sũur ka bak n yaa rasãnga yεl a yiib pʋgẽ: dũni nonglem la saagr woglg pʋgẽ».

«Ra wa bao-y pʋ-bεda n wa tall yamleoog ne dũni wã ye».

«Sɩd la hakɩɩka ned ning põs yã, sẽn saka n tũ lɩslaango, la Wẽnd lok-a rɩtl sẽn zemse, la A leb n kõ-a sek-m-meng ne A sẽn kõ-a bũmb ningã».

«Maam ne dũni yaa bõe, ad maam dũni wã pʋgẽ ka yɩ rẽnda wala kẽnkẽnd sẽn zĩnd tɩɩg maasemẽ, n le wa loog n bas-a».

«Wʋsg-y wʋm-noodã wurdã yell tẽegre» Rat n yeel tɩ yaa kũumã.

«Yaa sɩda ad dũni yaa b sẽn kãab a soaba, n kãab sẽn be dũni pʋgẽ, sã n ka Wẽnd yʋʋr tẽegre, la sẽn wõnd rẽ, la bãngdã maa bãng boaadã».

" Ad neb n be beenẽ n fãood Wẽnd arzεkã pʋgẽ, tɩ ka tũ ne hakε ye, ad b rãmb tara Bugum dũni yikr raare".