നബി -ﷺ- പ്രാർത്ഥനകളിൽ കുറഞ്ഞ വാക്കുകളിൽ സമ്പന്നമായ ആശയങ്ങൾ സ്വാംശീകരിക്കാൻ ഇഷ്ടപ്പെട്ടിരുന്നു. അതല്ലാത്തത് അവിടുന്ന് ഉപേക്ഷിച്ചിരുന്നു

നന്മയുടെ എല്ലാ വശങ്ങളും ചുരുങ്ങിയ വാക്കുകളിൽ ഉൾക്കൊള്ളുന്ന പ്രാർത്ഥനാ വചനങ്ങൾ പ്രയോഗിക്കുന്നത് പുണ്യകരമാണ്. അല്ലാഹുവിനോടുള്ള തേട്ടങ്ങളിൽ അനാവശ്യമായ പദപ്രയോഗങ്ങളും നീട്ടിവലിച്ച വിശദീകരണങ്ങളും ഉപയോഗിക്കുന്നത് വെറുക്കപ്പെട്ടതാണ്. നബി (ﷺ) യുടെ മാതൃകക്കും അത് വിരുദ്ധമാണ്.

ചുരുങ്ങിയ വാക്കുകളിൽ ആശയപ്രപഞ്ചം ഉൾക്കൊള്ളിക്കാൻ സാധിക്കുന്ന വിധത്തിൽ 'ജവാമിഉൽ കലിം' എന്ന സവിശേഷത നബി (ﷺ) ക്ക് പ്രത്യേകമായി നൽകപ്പെട്ടിരുന്നു.