അറേബ്യൻ ഉപദ്വീപിലെ നിസ്കരിക്കുന്ന (മുസ്ലിംകൾ) തന്നെ ആരാധിക്കുമെന്നതിൽ പിശാച് നിരാശയടഞ്ഞിരിക്കുന്നു. എന്നാൽ അവർക്കിടയിൽ കുഴപ്പമുണ്ടാക്കുക എന്നതിൽ (അവൻ നിരാശയടഞ്ഞിട്ടില്ല)

പിശാചിനെ ആരാധിക്കുക എന്നതിൻ്റെ ഉദ്ദേശ്യം വിഗ്രഹത്തെ ആരാധിക്കുക എന്നതാണ്. കാരണം വിഗ്രഹത്തെ ആരാധിക്കാൻ കൽപ്പിക്കുന്നതും അതിലേക്ക് ക്ഷണിക്കുന്നതും അവനാണ്. വിഗ്രഹാരാധകനായ തൻ്റെ പിതാവിനോട് ഇബ്രാഹീം നബി -عَلَيْهِ السَّلَامُ- പറഞ്ഞ വാക്ക് ഇതിനുള്ള തെളിവാണ്: "എൻ്റെ പിതാവേ! താങ്കൾ പിശാചിനെ ആരാധിക്കരുത്."

മുസ്‌ലിംകൾക്കിടയിൽ കുഴപ്പങ്ങളും തർക്കങ്ങളും യുദ്ധങ്ങളും ഇളക്കി വിടാനുള്ള നിതാന്ത പരിശ്രമത്തിലാണ് പിശാചുള്ളത്.

മുസ്‌ലിംകൾക്കിടയിലെ സ്നേഹവും അടുപ്പവും നിലനിർത്തുന്നു എന്നത് നിസ്കാരത്തിൻ്റെ പ്രയോജനങ്ങളിൽ പെട്ടതാണ്. അവർക്കിടയിലെ പരസ്പര സാഹോദര്യത്തിൻ്റെ കണ്ണികൾ ബലപ്പെടുത്തുന്നതിൽ നിസ്കാരത്തിന് വലിയ പങ്കുണ്ട്.

രണ്ട് ശഹാദത്ത് കലിമകൾ കഴിഞ്ഞാൽ ഇസ്‌ലാമിലെ ഏറ്റവും മഹത്തരമായ ചിഹ്നവും ആരാധനയും നിസ്കാരമാണ്. അതു കൊണ്ടാണ് 'മുസ്‌ലിംകൾ' എന്ന് പറയുന്നതിന് പകരം 'നിസ്കരിക്കുന്നവർ' എന്ന് ഈ ഹദീഥിൽ നബി -ﷺ- പ്രയോഗിച്ചത്.

അറേബ്യൻ ഉപദ്വീപിന് മറ്റു നാടുകളിൽ നിന്ന് വ്യത്യസ്തമായി ചില പ്രത്യേകതകളുണ്ട്.