Skip to content
816 Хадистер

Пайгамбар хадистеринин энциклопедиясы

Жыйынтыктарды чыпкалоо

816 карточканын 91

Чыпкаларды алып салуу

Равий

Бардык равийлерди көрсөтүү (52)
Аллахтын Элчиси (ага Аллахтын тынчтыгы жана мактоосу болсун) менен сапарда чогуу болчубуз, анан ал кажетин өтөө үчүн басып кетти. Биз болсо уясында эки балапаны бар чымчыкты көрүп, анын балапандарын алып алдык. Ал чымчык келип, (тынчсызданып) канаттарын кага баштады. Ошол убакта пайгамбар (ага Аллахтын тынчтыгы жана мактоосу болсун) келип калды да: «Муну ким баласынан ажыратты? Кайра ордуна коюп койгула!» – деди. Анан биз өрттөп жиберген кумурсканын уюгун көрүп: «Муну ким өрттөдү?» – деп сурады. Биз: Биз (өрттөдүк) – дедик. Ал: «От менен азаптоого оттун Ээсинен башка эч кимдин акысы жок!» – деди.
Сахих (ишенимдүү) Абу Дауд жазып калтырган.
التصنيف الشرعيحقوق الحيوان في الإسلام
Мен Пайгамбар (ага Аллахтын тынчтыгы жана мактоосу болсун) менен намаз окуганмын, ал оң тарабына: «Ассаламу алайкум уа рахматуллахи уа баракаатух» жана сол тарабына «Ассаламу алайкум уа рахматуллах» деп салам берчү.
Хасан (жакшы) Абу Дауд жазып калтырган.
التصنيف الشرعيصفة الصلاة
«Кимдин эки аялы болуп, алардын бирине ооп кетсе, кыямат күнү ал бир капталы кыйшайган абалда келет».
Сахих (ишенимдүү) Абу Дауд, ат-Тирмизи, ан-Насааи, Ибн Маажа жана Ахмад риваят кылган
التصنيف الشرعيالعشرة بين الزوجين
«Мусулмандын изары (эркектин денесинин төмөнкү бөлүгүн жаба турган кийимдер) балтырынын жарымына чейин болот, ал эми аны менен кызыл ашыктын ортосунда болуусунда эч кандай күнөө (же айып) жок. Кызыл ашыктан ылдый болгону тозокто болот. Кимде-ким текеберленип изарын сүйрөп жүрсө (кызыл ашыктан ылдый кылып), Аллах ага карабайт».
Сахих (ишенимдүү) Абу Дауд, Ибн Маажа жана Ахмад жазып калтырган.
التصنيف الشرعيآداب اللباس
«Дуба – бул ибадат» – деп айткан соң (Курандын бул аятын) окуду: «Мага дуба кылгыла, силерге жооп беремин. Чындыгында, Мага ибадат кылуудан текеберленген адамдар кор болгон абалда тозокко киришет». (Гафир, 60-аят)
Сахих (ишенимдүү) Абу Дауд, ат-Тирмизи, Ибн Маажа жана Ахмад жазып калтырган.
التصنيف الشرعيفضل الدعاء، توحيد الألوهيةموضوعات الحديثالدعاءمحاور التعريف بالإسلاممعنى العبادة، وجوب إفراد الله بالعبادة
"«Кимде-ким Аллах Азза ва Жалланын ыраазылыгы көздөлө турган илимди бир гана дүйнө кызыкчылыгына жетүү үчүн үйрөнсө, ал Кыямат күнү бейиштин жыпар жытын таппайт», - башкача айтканда, анын жытын."
Сахих (ишенимдүү) Абу Дауд, Ибн Маажа жана Ахмад жазып калтырган.
التصنيف الشرعيالأخلاق الذميمة، آداب العالم والمتعلم
«Кимде-ким зыян келтирсе, анда Аллах ага зыян келтирет. Ал эми кимде-ким бирөөнү кыйнаса, анда Аллах аны кыйынчылыка салып коёт».
Хасан (жакшы) Абу Дауд, ат-Тирмизи, Ибн Маажа жана Ахмад жазып калтырган.
التصنيف الشرعيأحكام الولاء والبراء، القواعد الفقهية والأصولية، الأخلاق الذميمةموضوعات الحديثالظلم، الإحسان إلى الخلقمحاور التعريف بالإسلاممحاسن الأخلاق، عدل الإسلام
Аллахтын элчиси (ага Аллахтын тынчтыгы жана мактоосу болсун) бизге муктаждыктардын башында айтылчу кутпаны минтип үйрөткөн: "Алкыш-мактоолор Аллахка болсун. Андан жардам сурайбыз жана кечирим тилейбиз. Напсибиздин жамандыгынан сактоону Өзүнөн суранабыз. Аллах кимди туура жолго салса, аны адаштыруучу жок. Ал кимди адаштырса, аны туура жолго салуучу жок. Аллахтан башка ибадатка татыктуу кудай жок жана Мухаммад Анын кулу жана элчиси деп күбөлүк берем. "О, адамдар! Силерди бир жандан жаратып, андан жубайын жаратып, ал экөөнөн көп эркек жана аялдарды тараткан Раббиңерден корккула! Анын аты менен жана туугандыктан сурала турган Раббиңерден корккула!" (Ниса, 1-аят). "О, ыймандуу пенделер! Аллахтан чыныгы коркуу менен корккула жана мусулман болмоюнча өлбөгүлө!" (Аалу Имран, 102-аят). "О, ыймандуу пенделер! Аллахтан корккула жана туура сүйлөгүлө! Аллах силердин ишиңерди оңдоп, күнөөңөрдү кечирет. Ким Аллахка жана Анын элчисине моюн сунса, чоң утушка жетет". (Ахзаб, 70-71-аяттар).
Сахих (ишенимдүү) Абу Дауд, ат-Тирмизи, ан-Насааи, Ибн Маажа жана Ахмад риваят кылган
التصنيف الشرعيالأدعية المأثورة، أحكام خطبة وصلاة الجمعة، أحكام وشروط النكاحموضوعات الحديثالذِّكْر، أحكام الأسرة، التقوى، صلاة الجمعة