Skip to content
816 Хадистер

Пайгамбар хадистеринин энциклопедиясы

Жыйынтыктарды чыпкалоо

816 карточканын 51

Чыпкаларды алып салуу
«Мусулмандын изары (эркектин денесинин төмөнкү бөлүгүн жаба турган кийимдер) балтырынын жарымына чейин болот, ал эми аны менен кызыл ашыктын ортосунда болуусунда эч кандай күнөө (же айып) жок. Кызыл ашыктан ылдый болгону тозокто болот. Кимде-ким текеберленип изарын сүйрөп жүрсө (кызыл ашыктан ылдый кылып), Аллах ага карабайт».
Сахих (ишенимдүү) Абу Дауд, Ибн Маажа жана Ахмад жазып калтырган.
التصنيف الشرعيآداب اللباس
«Дуба – бул ибадат» – деп айткан соң (Курандын бул аятын) окуду: «Мага дуба кылгыла, силерге жооп беремин. Чындыгында, Мага ибадат кылуудан текеберленген адамдар кор болгон абалда тозокко киришет». (Гафир, 60-аят)
Сахих (ишенимдүү) Абу Дауд, ат-Тирмизи, Ибн Маажа жана Ахмад жазып калтырган.
التصنيف الشرعيفضل الدعاء، توحيد الألوهيةموضوعات الحديثالدعاءمحاور التعريف بالإسلاممعنى العبادة، وجوب إفراد الله بالعبادة
"«Кимде-ким Аллах Азза ва Жалланын ыраазылыгы көздөлө турган илимди бир гана дүйнө кызыкчылыгына жетүү үчүн үйрөнсө, ал Кыямат күнү бейиштин жыпар жытын таппайт», - башкача айтканда, анын жытын."
Сахих (ишенимдүү) Абу Дауд, Ибн Маажа жана Ахмад жазып калтырган.
التصنيف الشرعيالأخلاق الذميمة، آداب العالم والمتعلم
Аллахтын элчиси (ага Аллахтын тынчтыгы жана мактоосу болсун) бизге муктаждыктардын башында айтылчу кутпаны минтип үйрөткөн: "Алкыш-мактоолор Аллахка болсун. Андан жардам сурайбыз жана кечирим тилейбиз. Напсибиздин жамандыгынан сактоону Өзүнөн суранабыз. Аллах кимди туура жолго салса, аны адаштыруучу жок. Ал кимди адаштырса, аны туура жолго салуучу жок. Аллахтан башка ибадатка татыктуу кудай жок жана Мухаммад Анын кулу жана элчиси деп күбөлүк берем. "О, адамдар! Силерди бир жандан жаратып, андан жубайын жаратып, ал экөөнөн көп эркек жана аялдарды тараткан Раббиңерден корккула! Анын аты менен жана туугандыктан сурала турган Раббиңерден корккула!" (Ниса, 1-аят). "О, ыймандуу пенделер! Аллахтан чыныгы коркуу менен корккула жана мусулман болмоюнча өлбөгүлө!" (Аалу Имран, 102-аят). "О, ыймандуу пенделер! Аллахтан корккула жана туура сүйлөгүлө! Аллах силердин ишиңерди оңдоп, күнөөңөрдү кечирет. Ким Аллахка жана Анын элчисине моюн сунса, чоң утушка жетет". (Ахзаб, 70-71-аяттар).
Сахих (ишенимдүү) Абу Дауд, ат-Тирмизи, ан-Насааи, Ибн Маажа жана Ахмад риваят кылган
التصنيف الشرعيالأدعية المأثورة، أحكام خطبة وصلاة الجمعة، أحكام وشروط النكاحموضوعات الحديثالذِّكْر، أحكام الأسرة، التقوى، صلاة الجمعة
Пайгамбар, саллаллаху алейхи уа саллам, бир нерсени айтып: «Ал илим жок боло турган кезде болот» - деди. Мен айттым: «Оо, Аллахтын Элчиси, илим кандай жок болот. Биз Куран окуйбуз, балдарыбызга да окутабыз жана балдарыбыз да балдарына окутушат. Ушинтип Кыяматка чейин окубайбызбы?». Ал айтты: «Апаң сени жоготкур Зияд! Мен сени Мадинадагы илимдүү кишилерден деп билемин. Чындыгында, яхудийлер жана христиандар Тоорат менен Инжилди окушат эмесби, бирок андагы нерселердин бирин да аткарышпайт?!».
Сахих лигойрихи (башка дагы жакшы айтымы бар жакшы хадис). Ибн Маажа жазып калтырган.
التصنيف الشرعيفضل العلم، فضائل أعمال القلوب، فضائل أعمال الجوارح، أشراط الساعةموضوعات الحديثأشراط الساعة
Мен ансарлардан болгон бир топ аялдар менен Пайгамбарга (ага Аллахтын тынчтыгы жана мактоосу болсун) байъат кылуу (убада берүү) үчүн келдим. Биз: "Оо, Аллахтын элчиси! Биз сага, Аллахка эч нерсени шерик кылбоого, уурулук кылбоого, зынаа кылбоого, бирөөдөн бала арттырып эрине таңуулабоого жана жакшы иштерге буюрганыңда сага каршы чыкпоого убада беребиз" - дедик. Ал: "Күчүңөр жетишинче жана чамаңар келишинче" - деди. Ал (аял) айтты: Биз: "Аллах жана Анын элчиси бизге мээримдүүрөөк. Кел, сага кол берип убада берели, оо, Аллахтын элчиси!" - дедик. Ошондо Аллахтын элчиси (ага Аллахтын тынчтыгы жана мактоосу болсун): "Чындыгында, мен аялдар менен кол алышпайм. Менин жүз аялга айткан сөзүм бир аялга айткан сөзүмдөй, же бир аялга айткан сөзүмө окшош" - деди.
Сахих (ишенимдүү) Ат-Тирмизи, ан-Насааи жана Ибн Маажа риваят кылган
التصنيف الشرعيالعلاقة بين الرجل والمرأة
Мен Сафван бин Ассал ал-Мурадийге маасыга масх тартууну сураганы бардым. Ал мага: "Зирр, бул жакка эмне үчүн келдиң?" - деп сурады. Мен: "Илим издеп" - дедим. Ал: "Ырасында, периштелер илим талап кылуучунун ишине ыраазы болуп, ага канаттарын төшөйт" - деди. Мен: "Чоң жана кичи даарат ушаткандан кийин маасыга масх тартуу маселеси көкүрөгүмдү өйүп жатат. Сен Пайгамбардын (ага Аллахтын тынчтыгы жана мактоосу болсун) сахабаларынын бирисиң, мен сенден: анын бул тууралуу бир нерсе айтканын уктуң беле? - деп сураганы келдим" - дедим. Ал: "Ооба, биз сапарда же жүргүнчү болгондо, ал бизге маасыларыбызды үч күн, үч түн чечпөөнү буйручу. Жунуп болгондо гана чеччүбүз, бирок чоң даараттан, кичи даараттан жана уйкудан улам чеччү эмеспиз" - деди. Мен: "Пайгамбардын сүйүү тууралуу бир нерсе айтканын уктуң беле?" - дедим. Ал минтти: "Ооба, биз Пайгамбар (ага Аллахтын тынчтыгы жана мактоосу болсун) менен сапарда бирге болчубуз. Биз анын жанында турганыбызда, капысынан бир элеттик адам катуу добушу менен: "О, Мухаммад!" - деп кыйкырды. Ошондо Аллахтын элчиси (ага Аллахтын тынчтыгы жана мактоосу болсун) анын үнүндөй эле үн менен: "Бул жердемин!" - деп жооп берди. Анан биз ал адамга: "Шордуу десе, үнүңдү басаңдат! Сен Пайгамбардын (ага Аллахтын тынчтыгы жана мактоосу болсун) жанындасың, сага мындай кылууга тыюу салынган!" - дедик. Ал: "Аллахка ант болсун, үнүмдү басаңдатпайм" - деди. Анан: "Бирөө кайсы бир коомду жакшы көрүп, бирок (амалы менен) аларга жете элек (болсочу)?" - деп сурады. Пайгамбар (ага Аллахтын тынчтыгы жана мактоосу болсун): "Кыямат күнү ар бир адам өзү сүйгөн адамдар менен бирге болот" - деди. Анан ал бизге улам сүйлөп отуруп, батыш тараптагы бир эшикти эскерди, анын эки босогосунун аралыгы кырк же жетимиш жылдык жол, же болбосо ал эшикти туурасынан аттуу адам кырк же жетимиш жылда басып өтөт" - деди.
Сахих (ишенимдүү) Ат-Тирмизи, Ибн Маажа жана Ахмад жазып калтырган.
التصنيف الشرعيالمسح على الخفين ونحوهما
Бир киши Аллахтын элчисине (ага Аллахтын тынчтыгы жана мактоосу болсун) суроо берип мындай деди: О Аллахтын элчиси, биз деңизде жүрөбүз. Жаныбызда аз гана суу болот. Эгер ал сууга даарат алсак, ичкенге суубуз жок чаңкап калабыз. Деңиз суусуна даарат алсак болобу? Аллахтын элчиси (ага Аллахтын тынчтыгы жана мактоосу болсун): "Деңиздин суусу таза, өлүмтүгү адал" - деп жооп берди.
Сахих (ишенимдүү) Абу Дауд, ат-Тирмизи, ан-Насааи, Ибн Маажа жана Ахмад риваят кылган
التصنيف الشرعيأحكام المياه