Skip to content
816 Хадистер

Пайгамбар хадистеринин энциклопедиясы

Жыйынтыктарды чыпкалоо

816 карточканын 36

Чыпкаларды алып салуу
«Мен Бану Мунтафик уруусунун өкүлү болуп (же Бану Мунтафик өкүлдөрүнүн курамында) Аллахтын Элчисине (ага Аллахтын тынчтыгы жана мактоосу болсун) келдим. Аллахтын Элчисине (ага Аллахтын тынчтыгы жана мактоосу болсун) келгенибизде, аны үйүнөн таба албадык. Бирок момундардын энеси Айшаны (Аллах андан ыраазы болсун) жолуктурдук. Ал биз үчүн хазира (эт менен ун кошулуп жасалган тамак) жасоону буйруду, бизге ал даярдалды. Ошондой эле бизге кинаъ (ичине курма салынган табак) алып келишти. Кийин Аллахтын Элчиси (ага Аллахтын тынчтыгы жана мактоосу болсун) келип: «Бир нерсе жеп-ичтиңерби?» же «Силерге бир нерсе берүүнү буйруду беле?» — деп сурады. Биз: «Ооба, оо, Аллахтын Элчиси!» — дедик. Биз Аллахтын Элчиси (ага Аллахтын тынчтыгы жана мактоосу болсун) менен чогуу отурганыбызда, койчу койлорун короого айдап келди. Жанында маараган бир козу бар эле. Аллахтын Элчиси (ага Аллахтын тынчтыгы жана мактоосу болсун): «Эй баланча, (койлоруң) эмне тууду?» — деп сурады. Ал: «Козу», — деди. Аллахтын Элчиси (ага Аллахтын тынчтыгы жана мактоосу болсун): «Анын ордуна биз үчүн бир кой сой», — деди. Андан соң: «Биз муну сен үчүн сойдук деп ойлобо, — деди ("ля тахсабанна" деп эмес, "ля тахсибанна" деп айтты). — Бизде жүз кой бар, анын көбөйүшүн каалабайбыз. Койчу жаңы козу туудурганда, биз анын ордуна бир кой сойдуруп турабыз». Мен: «Оо, Аллахтын Элчиси! Менин аялым бар, анын тилинде бир нерсе бар (б.а. тили заар, одоно сүйлөйт)», — дедим. Ал: «Анда ага талак бер», — деди. Мен: «Оо, Аллахтын Элчиси! Анын (көптөн берки) жолдоштугу бар жана андан балдарым бар», — дедим. Ал: «Анда ага буйру (б.а. насаат айт). Эгер анда жакшылык болсо, ал муну кабыл алат. Жана аялыңды күңүңдү ургандай урба!» — деди. Андан соң мен: «Оо, Аллахтын Элчиси! Мага даарат тууралуу айтып бериңизчи», — дедим. Ал: «Дааратты толук ал, бармактардын арасын желеле (манжаларыңды аралатып жуу) жана орозо кармабаган болсоң, мурунга сууну тереңирээк тарт», — деп жооп берди».
Сахих (ишенимдүү) Абу Дауд, ат-Тирмизи, ан-Насаи жана Ибн Маажа риваят кылган
التصنيف الشرعيسنن وآداب الوضوء
«Эгерде Аллах бир пендени бир жерде өлүүнү тагдыр кылса, анда ага ошол жерде бир муктаждыгын жаратат».
Сахих (ишенимдүү) Ат-Тирмизи жазып калтырган.
التصنيف الشرعيالموت وأحكامه، الإيمان بالقضاء والقدرموضوعات الحديثالإيمان بالقدر خيره وشرهمحاور التعريف بالإسلامحقيقة الموت
Пайгамбар (ага Аллахтын тынчтыгы жана мактоосу болсун) аны Йеменге жөнөткөндө, ага уйлардан: ар бир отуз баштан бир табиъ же табиъаны (бир жашар эркек же ургаачы торпокту), ар бир кырк баштан бир мусиннаны (эки жашар кунаажын же букачар), ал эми ар бир балакат жаш курагына жеткен адамдан бир динар же ага барабар маафирди (Йеменде жасалуучу кийимди) алууну буйруду.
Сахих бишаваахидихи (башка ишенимдүү айтымдары бар хадис). Абу Дауд, ат-Тирмизи, ан-Насааи, Ибн Маажа жана Ахмад риваят кылган
التصنيف الشرعيزكاة بهيمة الأنعام
Аллахтын Элчиси (ага Аллахтын тынчтыгы жана мактоосу болсун) Меккени фатх кылган күнү элге кайрылып мындай деди: «Эй адамдар! Чындыгында, Аллах силерден Исламга чейинки доордун текебердигин жана ата-бабалары менен сыймыктанууларын алып салды. Эй адамдар, Аллах силерден жахилияттын жүгүн жана анын ата-бабаларына болгон текебердигин алып салды. Адамдар эки түрдүү болот: салих, такыба жана Аллахтын алдында урматтуу жана бузуку, бактысыз, Аллахтын алдында эң төмөн. Бардык адамдар Адам атанын балдары. Аллах Таала Адам атаны топурактан жараткан. Аллах Таала айтты: "Оо, адамдар! Биз силерди бир эркек жана бир аялдан (Адам ата менен Обо энеден) жараттык жана бири-бириңерди таанып-билишиңер үчүн силерди элдерге жана урууларга бөлдүк. Чындыгында, Аллахтын алдында силердин эң урматтууңар - эң такыбаңар. Чындыгында, Аллах Билүүчү, Кабардар!". (Аль-Хужурат сүрөөсү, 13-аят)
Сахих (ишенимдүү) Ат-Тирмизи жана Ибн Хаббан жазып калтырган.
التصنيف الشرعيالمجتمع المسلم، فضائل أعمال القلوب، الأخلاق الذميمة، خصائص الإسلام وفضله ومحاسنه، حقوق الإنسان في الإسلام، تفسير الآياتموضوعات الحديثالكبائر والمحرمات، التواضع، القرآن وعلومه، التقوى، الكبرمحاور التعريف بالإسلاممحاسن الأخلاق، عدل الإسلام
«Кимдин эки аялы болуп, алардын бирине ооп кетсе, кыямат күнү ал бир капталы кыйшайган абалда келет».
Сахих (ишенимдүү) Абу Дауд, ат-Тирмизи, ан-Насааи, Ибн Маажа жана Ахмад риваят кылган
التصنيف الشرعيالعشرة بين الزوجين
Аллахтын элчиси (ага Аллахтын тынчтыгы жана мактоосу болсун) бизге муктаждыктардын башында айтылчу кутпаны минтип үйрөткөн: "Алкыш-мактоолор Аллахка болсун. Андан жардам сурайбыз жана кечирим тилейбиз. Напсибиздин жамандыгынан сактоону Өзүнөн суранабыз. Аллах кимди туура жолго салса, аны адаштыруучу жок. Ал кимди адаштырса, аны туура жолго салуучу жок. Аллахтан башка ибадатка татыктуу кудай жок жана Мухаммад Анын кулу жана элчиси деп күбөлүк берем. "О, адамдар! Силерди бир жандан жаратып, андан жубайын жаратып, ал экөөнөн көп эркек жана аялдарды тараткан Раббиңерден корккула! Анын аты менен жана туугандыктан сурала турган Раббиңерден корккула!" (Ниса, 1-аят). "О, ыймандуу пенделер! Аллахтан чыныгы коркуу менен корккула жана мусулман болмоюнча өлбөгүлө!" (Аалу Имран, 102-аят). "О, ыймандуу пенделер! Аллахтан корккула жана туура сүйлөгүлө! Аллах силердин ишиңерди оңдоп, күнөөңөрдү кечирет. Ким Аллахка жана Анын элчисине моюн сунса, чоң утушка жетет". (Ахзаб, 70-71-аяттар).
Сахих (ишенимдүү) Абу Дауд, ат-Тирмизи, ан-Насааи, Ибн Маажа жана Ахмад риваят кылган
التصنيف الشرعيالأدعية المأثورة، أحكام خطبة وصلاة الجمعة، أحكام وشروط النكاحموضوعات الحديثالذِّكْر، أحكام الأسرة، التقوى، صلاة الجمعة
«Ким ажалы жете элек оорулуунун кабарын алып, анын жанында: "Улук Арштын ээси — Улук Аллахтан сага шыпаа берүүсүн тилейм!" — деп жети жолу дуба кылса, Аллах аны ошол оорусунан айыктырат».
Сахих (ишенимдүү) Абу Дауд, ат-Тирмизи жана Ахмад жазып калтырган.
التصنيف الشرعيالرقية الشرعية وأحكامها
Мен ансарлардан болгон бир топ аялдар менен Пайгамбарга (ага Аллахтын тынчтыгы жана мактоосу болсун) байъат кылуу (убада берүү) үчүн келдим. Биз: "Оо, Аллахтын элчиси! Биз сага, Аллахка эч нерсени шерик кылбоого, уурулук кылбоого, зынаа кылбоого, бирөөдөн бала арттырып эрине таңуулабоого жана жакшы иштерге буюрганыңда сага каршы чыкпоого убада беребиз" - дедик. Ал: "Күчүңөр жетишинче жана чамаңар келишинче" - деди. Ал (аял) айтты: Биз: "Аллах жана Анын элчиси бизге мээримдүүрөөк. Кел, сага кол берип убада берели, оо, Аллахтын элчиси!" - дедик. Ошондо Аллахтын элчиси (ага Аллахтын тынчтыгы жана мактоосу болсун): "Чындыгында, мен аялдар менен кол алышпайм. Менин жүз аялга айткан сөзүм бир аялга айткан сөзүмдөй, же бир аялга айткан сөзүмө окшош" - деди.
Сахих (ишенимдүү) Ат-Тирмизи, ан-Насааи жана Ибн Маажа риваят кылган
التصنيف الشرعيالعلاقة بين الرجل والمرأة