Skip to content
816 Хадистер

Пайгамбар хадистеринин энциклопедиясы

Жыйынтыктарды чыпкалоо

816 карточканын 5

Чыпкаларды алып салуу

Хадистин даражасы

Риваят кылынган булак

"Мен Абу Талханын үйүндө адамдарга ичимдик куюп берип жаткан элем. Ал күнү алардын арагы курмадан жасалган фадих болчу. Ошондо Аллахтын элчиси (ага Аллахтын тынчтыгы жана мактоосу болсун) бир жарчыга буйрук берип, ал: "Көңүл бургула! Чындыгында арак арам кылынды!" - деп жар салды. Анас айтат: Анан Абу Талха мага: "Сыртка чыгып, аны төгүп сал" - деди. Мен сыртка чыгып, аны төгүп салдым эле, ал Мединанын көчөлөрүндө акты. Ошондо айрымдар: "Адамдар ал (арак) курсактарында бар абалында (согушта) өлтүрүлдү го" - дешти эле, Аллах Таала: «Ыйман келтирип, жакшы амалдарды кылгандар үчүн мурун (арактын) даамын татып койгонунда күнөө жок», - деген аятты түшүргөн (Маида сүрөөсү, 93-аят)."
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيأسباب النزول، الأشربة المحرمة
"Биз Пайгамбар (ага Аллахтын тынчтыгы жана мактоосу болсун) менен Зул-Хулайфада элек. Адамдарды катуу ачкалык басып, анан алар төөлөрдү жана койлорду колго түшүрүштү. (Рофиъ) айтат: Пайгамбар (ага Аллахтын тынчтыгы жана мактоосу болсун) элдин эң артында келе жаткан эле. Адамдар шашылыш түрдө (айбанаттарды) союп, казандарды асып жиберишти. Пайгамбар (ага Аллахтын тынчтыгы жана мактоосу болсун) буйрук берип, казандар көңтөрүлүп төгүлдү. Андан соң ал (олжону) бөлүштүрүп, он койду бир төөгө теңеди. Алардын арасынан бир төө качып кетти. Адамдар аны кубалап чарчашты, анткени аларда аттар аз болчу. Анан бир киши аны жаа менен атты эле, Аллах аны токтотуп калды. Ошондо Пайгамбар: «Чындыгында, бул үй айбанаттарынын да жапайы айбандардыкындай жапайылыгы болот, алардын кайсы бири силерге баш бербей койсо, анда ага ушундай кылгыла». - деди. Рофиъ: Биз эртең душманга жолугууну күтүп жатабыз (же душмандан кооптонуп жатабыз), а биздин жаныбызда бычактарыбыз жок. Камыш менен соё берелиби? - деп сурады. (Пайгамбар): «Тиш менен тырмактан башка, канды агыза турган жана үстүнө Аллахтын аты аталган нерсе менен союлгандардын этин жей бергиле. Бул тууралуу силерге айтып берейин: тиш - бул сөөк, ал эми тырмак - хабаштардын (эфиопиялыктардын) бычагы» - деди."
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيالتذكية
Пайгамбарыбыз (ага Аллахтын тынчтыгы жана мактоосу болсун) мүйүздүү эки ак кочкорду курмандыкка чалып, Аллахтын атын атап, такбир айтып, анан бутун кочкорлордун моюнуна такап туруп өз колу менен мууздады.
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيالتذكية، الأضحية
«Ким аңчылык же мал кайтаруучу иттен башка ит бакса, анын амалынан күн сайын эки кыйрат кемип турат». Салим айтты: "Абу Хурайра: «Же эгин кайтаруучу ит», - деп айтчу, ал өзү дыйкан болгон."
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيالصيد
"Аллах жана Анын элчиси аракты сатууну, өлүмтүктү, чочкону жана буттарды арам кылды". Бирөөлөр: "О, Аллахтын элчиси, өлүмтүктүн майына эмне дейсиз? Аны кайыктарды жана терилерди майлоодо колдонуп, адамдар чыракка жагып пайдаланышат" - дешти. Аллахтын элчиси: "Жок. Ал арам" - деди. Анан: "Аллах Таала кыйратып жок кылгыр жөөттөр, Аллах аларга майды арам кылганда алар аны ээритип, анан аны сатып акчасын жешкен" - деп кошумчалады.
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيما يحل ويحرم من الحيوانات والطيور، الأربعون النووية