Skip to content
816 Хадистер

Пайгамбар хадистеринин энциклопедиясы

Жыйынтыктарды чыпкалоо

816 карточканын 23

Чыпкаларды алып салуу

Риваят кылынган булак

Анын апасы Раваханын кызы атасынан өз малынан баласына бир белек берүүсүн суранды. Атасы бул ишти бир жылдай создуктуруп, кийин кайра макул болду. Анан апасы: "Балама берген белегиңе Аллахтын элчисин (ага Аллахтын тынчтыгы жана мактоосу болсун) күбө кылмайынча мен ыраазы болбоймун" - деди. Ал кезде мен жаш бала элем, атам мени колуман жетелеп Аллахтын элчисине (ага Аллахтын тынчтыгы жана мактоосу болсун) барып: "Оо, Аллахтын элчиси, чындыгында, бул баланын апасы Раваханын кызы анын баласына берген белегиме сени күбө кылуумду каалады" - деди. Аллахтын элчиси (ага Аллахтын тынчтыгы жана мактоосу болсун): "Оо, Башир, сенин мындан башка балдарың барбы?" - деп сурады. Атам: "Ооба" - деди. Ал: "Балдарыңдын баарына ушундай белек бердиңби?" - деп сурады. Атам: "Жок" - деди. Ал: "Анда мени күбө кылбагын, чындыгында мен зулумдукка күбө болбоймун" - деди. Муслимдин риваятында: "Бул ишке менден башканы күбө кыл" - деп айткан.
Сахих (ишенимдүү) Бухарий, Муслим риваят кылган жана анын бир канча варианттары бар.
التصنيف الشرعيالنفقة على الأولاد
Ал Атаа ибн Абу Рабахка: "Сага бейиштик аялды көрсөтөйүнбү?" - деди. Мен: "Ооба" - дедим. Ал айтты: "Ушул кара аял. Ал Пайгамбарга (ага Аллахтын тынчтыгы жана мактоосу болсун) келип: "Менин талмам кармайт жана денем ачылып калат, мен үчүн Аллахка дуба кылыңыз" - деди. Ал: "Эгер кааласаң сабыр кыл, сага бейиш болот, эгер кааласаң сени айыктырышын сурап Аллахка дуба кылайын" - деди. Аял: "Сабыр кылам" — деди да, артынан: "Бирок (талмам кармаганда) денем ачылып калат, денем ачылбашы үчүн Аллахка дуба кылыңыз" - деп суранды. Андан соң Пайгамбар ал аял үчүн дуба кылды."
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيالطب والتداوي والرقية الشرعية، أحكام النساء، الإيمان بالقضاء والقدر
"Пайгамбар (ага Аллахтын тынчтыгы жана мактоосу болсун) чач улоочуга жана чач улатуучуга, денеге сүрөт (татуировка) чегүүчүгө жана чектирүүчүгө каргыш айтты."
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعياللباس والزينة
"Аял киши эки күндүк жолго күйөөсү же махрамы менен гана чыгат . Эки күндө орозо кармоого болбойт: орозо айтта жана курбан айтта. Таңкы намаздан кийин күн чыкканча намаз окууга болбойт, дигерден кийин күн батканча намаз окууга болбойт. Үч гана мечитке атайын сапар кылып барууга болот: Харам мечитине, Акса мечитине жана менин ушул мечитиме (Набави мечитине)".
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيأحكام النساء، آداب وأحكام السفر، تاريخ مكة والمدينة والأقصى، أوقات النهي عن الصلاة، أحكام الصيام، أحكام المسجد الحرام والمسجد النبوي، فقه المرأة المسلمة، أحكام وآداب العيد، أحكام المساجدموضوعات الحديثما يَحرُمُ صومه، أحكام المسجد الحرام، أحكام المسجد النبوي، أوقات النهي عن الصلاة
"«Эй, аялдар жамааты! Садака бергиле, анткени мага тозок элинин көпчүлүгү силер экениңер көрсөтүлдү». Алар: «Эмне үчүн, оо, Аллахтын Элчиси?» - деп сурашты. Пайгамбар: «Силер каргышты көп айтасыңар жана күйөөңөрдүн жакшылыгын танбайсынар. Акылы жана дини кем болгондордун ичинен чечкиндүү эркектин акылын силерчелик алган эч кимди көрбөдүм», - деди. Алар: «Биздин динибиздин жана акылыбыздын кемчилдиги эмнеде, Оо, Аллахтын Элчиси?» - дешти. Пайгамбар: «Аялдын күбөлүгү эркектин күбөлүгүнүн жарымына барабар эмеспи?» - деди. Алар: «Ооба», - дешти. Пайгамбар: «Мына ушул – анын акылынын кемчилдиги. Эгерде аялдын айызы келсе намаз окубайт жана орозо кармабайт эмеспи?» - деди. Алар: «Ооба», - дешти. Пайгамбар: «Мына ушул – анын дининин кемчилдиги», - деди."
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيأحكام النساء، صفات الجنة والنار
"Бөтөн аялдардын жанына киргенден сак болгула". Ансарлардан бир киши: Оо, Аллахтын элчиси, кайын журттан болсочу (аялдын кайниси, кайнагасы)" деп сурады. Ал: "Кайын журттан болсо - бул, өлүмгө тете" - деди.
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيأحكام النساء
"Эгер киши үй-бүлөсүн сооп үмүт кылуу менен каржыласа, анын каржысы садака болуп эсептелет".
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيصدقة التطوع، العشرة بين الزوجين، النفقة على الأولادموضوعات الحديثحق الزوجة، حقوق الأولاد، صدقة التطوع، الإخلاص
Кайсы күнөө Аллах үчүн өтө оор? - деп пайгамбардан (ага Аллахтын тынчтыгы жана мактоосу болсун) сурадым. "Ал сени жаратканына карабай, Ага башканы шерик кошууң" - деди. Ырас, бул өтө оор. Андан кийин кайсы күнөө? - деп сурадым. "Өзүң менен бирге аны багуудан коркуп, балаңды өлтүрүүң" - деди. Андан кийин кайсы? - дедим. "Кошунаңдын аялы менен ойноштук кылууң" - деди.
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيحد الزنا، ذم المعاصي، تربية الأولاد، توحيد الربوبية، الشركموضوعات الحديثقتل النفس، الزنا، أهمية التوحيد، أذى الجار، الشرك بالله وأقسامه، التوكلمحاور التعريف بالإسلامبطلان الشرك وصوره، بطلان عبادة غير الله