«هەرکەسێک زانست وەربگرێت لە ئەستێرەکانەوە ئەوا بەشێک لە سیحری وەرگرتووە، هەرچەندێک زیاتر (فێر بێت) ئەوا (سیحری) زیاتر وەردەگرێت».
لە ئیبن عەباسەوە -ڕەزای خوایان لێبێت- کە پێغەمبەری خودا -صلى اللە علیە وسلم- دەفەرموێت:
«هەرکەسێک زانست وەربگرێت لە ئەستێرەکانەوە ئەوا بەشێک لە سیحری وەرگرتووە، هەرچەندێک زیاتر (فێر بێت) ئەوا (سیحری) زیاتر وەردەگرێت».
«من اقتبَسَ علْمًا مِنَ النُّجُومِ اقْتبَسَ شُعبَة مِن السِّحرِ، زادَ ما زادَ».
پێغەمبەر -صلى اللە علیە وسلم- ڕوونیدەکاتەوە هەرکەسێک زانستی ئەستێرەناسی وئەستێرەکان -بورجەکان- فێر بێت وئاماژە بۆ جوڵە وهاتن وچوونیان بکات لەسەر ڕووداوەکانى سەر زەوی لە مردن وژیان ونەخۆشی وحاڵی فڵان یان هاوشێوەى ئەمانە لەو شتانەى لەداهاتوودا ڕوودەدەن، ئەوا شتێک لە سیحرکردن فێربووە، وهەتاوەکو زیاتر فێری ئەم زانستە بێت ئەوا زیاتر فێری سیحرکردن بووە.
من اقتبسَ: من تعلّم.
شعبة: طائفة وقطعة.
حەرام بوونی ئەستێرەناسی کە بریتیە لە هەواڵدان بەو ڕووداوانەی کە لە داهاتوودا ڕوودەدەن لە ڕێگەی زانینی حاڵی ئەستێرەکانەوە، چونکە ئەمە بانگەشەی زانینی غەیبە.
ئەستێرەناسی جۆرێکە لە جۆرەکانی سیحرکردن کە پێچەوانەی تەوحیدە، بەپێچەوانەى سەیرکردنی ئەستێرەکان بۆ زانینی ئاراستە وقیبلە وهاتنی وەرز ومانگەکان ؛ ئەمە ڕێگەپێدراوە.
هەرچەندە فێربوون وزانستی زیاتر بێت سەبارەت بە ئەستێرەناسی ئەوا زیاتر فێری سیحرکردن بووە.
ئەستێرەکان سێ سوودیان هەیە ؛ خواى گەورە لە کتێبەکەیدا باسیکردووە: بۆ ڕازاندنەوەى ئاسمان، ونیشانەن بۆ زانینی ڕێگاکان، وبۆ ڕەجمکردنی شەیتانەکان.
زیاتر (7)
سونەنی أبي داود (6/ 50) (3905).
سونەنی ابن ماجه (4/ 670) (3726).
موسنەدی أحمد (3/ 454) (2000).
الجديد في شرح كتاب التوحيد.
للقرعاوي (ص230).
الملخص في شرح كتاب التوحيد.
للفوزان (ص206).