((هه‌ر كه‌سێ پشكه‌كا وی زانستێ ستێرزانییێ فێربیت كو ب ڕێكا وی بانگه‌شه‌یا زانینا غه‌یبێ دهێته كرن؛ ئه‌ڤه ئه‌و فێری پشكه‌كا سحر و سێره‌به‌ندییێ بوو، ڤێجا چه‌ند ل سه‌ر زێده بكه‌ت؛ دێ ل سه‌ر فێربوونا سحرێ ژی زێده كه‌ت))
ئبن عه‌باس (خودێ ژ هه‌ردووكان ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((هه‌ر كه‌سێ پشكه‌كا وی زانستێ ستێرزانییێ فێربیت كو ب ڕێكا وی بانگه‌شه‌یا زانینا غه‌یبێ دهێته كرن؛ ئه‌ڤه ئه‌و فێری پشكه‌كا سحر و سێره‌به‌ندییێ بوو، ڤێجا چه‌ند ل سه‌ر زێده بكه‌ت؛ دێ ل سه‌ر فێربوونا سحرێ ژی زێده كه‌ت)).
«من اقتبَسَ علْمًا مِنَ النُّجُومِ اقْتبَسَ شُعبَة مِن السِّحرِ، زادَ ما زادَ».
پێغه‌مبه‌ر (صه‌لات و سه‌لامێن خودێ ل سه‌ر بن) دیار دكه‌ت كو هه‌ر كه‌سێ خۆ فێری زانستێ ستێرزانین و بورجان بكه‌ت و به‌ڵگه‌ئینانا ب لڤین و هاتن و چوونا وان ل سه‌ر ڕویدانێن ئه‌ردی ژ مرنا فلانی یان ژیان و نه‌ساخبوونا وی، و تشتێن وه‌كی ڤانه كو ژ بابه‌تێن غه‌یبینه و دێ ل پاشه‌ڕۆژێ ڕویده‌ن، ئه‌ڤه وی خۆ فێری پشكه‌كا سحر و سێره‌به‌ندییێ كر، ڤێجا چه‌ند مرۆڤ ڤی زانستی ل ده‌ڤ خۆ زێده‌تر لێ بكه‌ت؛ ئه‌ڤه وی سحر و سێره‌به‌ندی ژی ل ده‌ڤ خۆ زێده‌تر لێ كر.
من اقتبسَ: من تعلّم.
شعبة: طائفة وقطعة.
حه‌رامبوونا ستێرزانینێ كو ئه‌و ژی ئه‌ڤه‌یه مرۆڤ ده‌نگوباسی ب ڕویدانێن پاشه‌ڕۆژێ بده‌ت و بێژیت كا دێ ل ده‌مێن داهاتی چ ڕویده‌ت، ئه‌ڤه ژی ب پشتبه‌ستن ل سه‌ر ڕه‌وشا ستێران، (ئه‌ڤه یا حه‌رامه) چونكی ژ بانگه‌شه‌كرنا زانینا غه‌یبێیه.
ستێرزانینا حه‌رام ژ جۆرێن سحر و سێره‌به‌ندییێیه كو دژی ته‌وحید و ئێكتاپه‌رستییێیه، به‌روڤاژی به‌رێخۆدانا ستێران بۆ زانینا ئاراسته‌یان یان قیبلێ یان هاتنا وه‌رز و هه‌یڤان، ئه‌ڤا هه‌نێ یا دروسته.
چه‌ند مرۆڤ زێده‌تر خۆ فێری ستێرزانینێ بكه‌ت؛ ئه‌ڤه وی زێده‌تر خۆ فێری پشكێن سحر و سێره‌به‌ندییێ كر.
ستێران سێ مفا تێدا هه‌نه كو خودێ یێن د په‌ڕتووكا خۆدا به‌حسكرین: خه‌مل و جوانینه بۆ ئه‌سمانی، نیشانن مرۆڤ ڕێكا خۆ پێ دزانیت و شه‌یتان پێ دهێنه ڕه‌جماندن.
زێده‌تر (7)
سونه‌نا ئه‌بو داوودی (6/ 50) (3905).
سونەنا ئبن ماجه (4/ 670) (3726).
موسنه‌دا ئه‌حمه‌دی (3/ 454) (2000).
الجديد في شرح كتاب التوحيد.
للقرعاوي (ص230).
الملخص في شرح كتاب التوحيد.
للفوزان (ص206).