Encyclopedia of Prophetic Hadiths

من پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) كر: كیژ گونه‌هـ ل ده‌ڤ خودێ ژ هه‌مییان مه‌زنتره‌؟ گۆت: ((ئه‌وه‌ تو هه‌ڤپشكه‌كی بۆ خودێ په‌یدا بكه‌ی د ده‌مه‌كیدا وی تو یێ دروست كری))، من گۆت: ب ڕاستی ئه‌و گونه‌هه‌كا مه‌زنه‌، پاشی من گۆت: پاشی كیژ؟ گۆت: ((ئه‌وه‌ تو زارۆكێ خۆ بكوژی ژ ترسا هندێ كو د گه‌ل ته‌ خوارنێ بخۆت))، من گۆت: پاشی كیژ؟ گۆت: ((ئه‌وه‌ تو زینایێ د گه‌ل ژنا جیرانێ خۆ بكه‌ی)).

ئه‌ز زارۆكه‌ك بووم د كوشا پێغه‌مبه‌ریدا (صه‌لات و سه‌لامێن خودێ ل سه‌ر بن)، و ده‌ستێ من د ناڤ ئامانێ خوارنێدا دهات و دچوو، ڤێجا پێغه‌مبه‌ری (صه‌لات و سه‌لامێن خودێ ل سه‌ر بن) گۆته‌ من: «كوركۆ، ناڤێ خودێ بینه‌ (بێژه‌ بسم الله)، و ب ده‌ستێ ڕاستێ بخۆ، و ژ به‌را خۆ بخۆ»، ڤێجا پشتی هنگی ئه‌و بوو شێوازێ خوارنا من.

پێغه‌مبه‌ر (صه‌لات و سه‌لامێن خودێ ل سه‌ر بن) ده‌مێ چووبا تاره‌تێ دگۆت: ((خودایێ من؛ ئه‌ز خۆ ب ته‌ دپارێزم ژ شه‌یتانێن نێر و مێ)).

((ئاگرێ هه‌وه‌ پشكه‌كه‌ ژ حه‌فتێ پشكێن ئاگرێ جه‌هنه‌مێ))، هاته‌ گۆتن: ئه‌ی پێغه‌مبه‌رێ خودێ؛ ئه‌گه‌ر خۆ ئه‌و پشك ب تنێ ژی بیت به‌س بوو، گۆت: ((شێست و نه‌ھ پشكێن دی یێن ل سه‌ر ئاگرێ دونیایێ هاتینه‌ زێده‌كرن، هه‌ر پشكه‌ك ژ وان ژی وه‌كی وێ یا گه‌رمه‌)).

ئه‌ز زه‌لامه‌ك بووم گه‌له‌ك مه‌زی ژ من دهات و من شه‌رم دكر پرسیارێ ژ پێغه‌مبه‌ری (صه‌لات و سه‌لامێن خودێ ل سه‌ر بن) بكه‌م، چونكی كچا وی ل ده‌ڤ من بوو (هه‌ڤژینا من بوو)، ڤێجا من فه‌رمان ل میقدادێ كوڕێ ئه‌سوه‌دی كر كو ئه‌و پرسیارێ ژێ بكه‌ت، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((دێ ئه‌ندامێ خۆ یێ نێرینه‌ شۆت، پاشی دێ ده‌ستنڤێژێ گریت)). د ڤه‌گوهاستنا بۆخاریدا هاتییه‌: ((ده‌ستنڤێژێ بگره‌ و ئه‌ندامێ خۆ یێ نێرینه‌ بشۆ)).

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ده‌مێ ده‌ست ب نڤێژێ دكر ده‌ستێن خۆ هه‌تا ڕاستا هه‌ردوو ملێن خۆ بلند دكرن، ده‌مێ ته‌كبیرا چوونا ڕكوعێ دكر و ده‌مێ سه‌رێ خۆ ژ ڕوكوعێ بلند دكر، هه‌ر ده‌ستێن خۆ بلند دكرن و دگۆت: «سَمِعَ اللَّهُ لِمَنْ حَمِدَهُ، رَبَّنَا وَلَكَ الحَمْدُ»، و ئه‌ڤه‌ د سوجدێدا نه‌دكر.

((چار خه‌سله‌ت و سالۆخه‌ت یێن هه‌ین، هه‌ر كه‌سێ ل ده‌ڤ هه‌بن، ئه‌و منافق و دووڕویه‌كێ خۆڕییه‌، و هه‌ر كه‌سێ سالۆخه‌ته‌ك ژ وان چاران ل ده‌ڤ هه‌بیت، ئه‌ڤه‌ سالۆخه‌ته‌ك ژ سالۆخه‌تێن نیفاق و دووڕویاتییێ یێ ل ده‌ڤ وی هه‌ی هه‌تا دهێلیت: ئه‌گه‌ر ئاخڤت؛ دێ دره‌وێ كه‌ت، ئه‌گه‌ر كه‌سه‌كی باوه‌رییا خۆ پێ ئینا؛ دێ خیانه‌تێ كه‌ت، ئه‌گه‌ر سۆز و په‌یمانه‌ك دا؛ دێ لێڤه‌بیت و ئه‌گه‌ر گه‌نگه‌شه‌ك كر دێ ژ حه‌قییێ دویر كه‌ڤیت و دێ سنووران به‌زینیت)).

((هه‌ر كه‌سێ چه‌كی ل دژی مه‌ ڕاكه‌ت، ئه‌و نه‌ ژ مه‌یه‌)).