Encyclopedia of Prophetic Hadiths

((دین شیره‌ته‌)) من گۆت: بۆ كێ؟ گۆت: ((بۆ خودێ، بۆ په‌ڕتووكا وی، بۆ پێغه‌مبه‌رێ وی، بۆ مه‌زنێن موسلمانان و بۆ هه‌می موسلمانان)).

((هه‌ر مرۆڤه‌كێ خودێ كاروبارێن ملله‌ته‌كی بكه‌ته‌ د ده‌ستیدا و ئه‌و مرۆڤ فێلبازییێ ل وی ملله‌تی بكه‌ت و وەسا بمریت؛ هنگی خودێ دێ به‌حه‌شتێ ل سه‌ر وی مرۆڤی حه‌رام كه‌ت)).

ده‌مێ ئه‌بو طالب كه‌ڤتییه‌ د سه‌كه‌راتێن مرنێدا، پێغه‌مبه‌رێ خودێ (صه‌لات و سه‌لامێن خودێ ل سه‌ر بن) هاته‌ ده‌ڤ وی و وی ده‌می ئه‌بو جه‌هل و عه‌بدولڵاھێ كوڕێ ئه‌بی ئومه‌ییه‌یێ کوڕێ موغیرەی ژی ل ده‌ڤ وی بوون، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((مامۆ، بێژه‌: (لا إله إلا الله)، ئه‌و په‌یڤه‌كه‌ ئه‌گه‌ر ته‌ گۆت؛ ئه‌ز دێ ل ده‌ڤ خودێ به‌ڕه‌ڤانییێ پێ ژ ته‌ كه‌م))، ئینا ئه‌بو جه‌هل و عه‌بدولڵاھێ كوڕێ ئه‌بی ئومه‌ییه‌ی گۆت: ئه‌رێ تو دێ ده‌ست ژ ئایینێ عه‌بدولموطه‌لیبی به‌رده‌ی؟ ڤێجا پێغه‌مبه‌ری (صه‌لات و سه‌لامێن خودێ ل سه‌ر بن) هه‌ر دگۆتێ بێژه‌ و وان ژی هه‌ر به‌رسڤا وی ددا ب وێ گۆتنا خۆ، هه‌تا ئاخڤتنا دویماهیكێ یا ئه‌بو طالبی گۆتی ئه‌ڤه‌ بوو: ئه‌ز یێ ل سه‌ر ئایینێ عه‌بدولموطه‌لیبی‌ و ڕازی نه‌بوو بێژیت (لا إله إلا الله). پاشی پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((سویند ب خودێ ئه‌ز دێ داخوازا ژێبرنا گونه‌هان بۆ ته‌ ژ خودێ كه‌م هندی خودێ ڕێگرییێ ل من نه‌كه‌ت))، ئینا خودایێ مه‌زن ئه‌ڤ ئایه‌ته‌ ئینا خوار: {مَا كَانَ لِلنَّبِيِّ وَالَّذِينَ آمَنُوا أَنْ يَسْتَغْفِرُوا لِلْمُشْرِكِينَ} [التوبة: 113]، ئانكو: ((نه‌ بۆ پێغه‌مبه‌ری و نه‌ بۆ ئه‌وێن باوه‌ری ئینای نه‌بوویه‌ كو داخوازا لێبوورینێ بۆ موشركان بكه‌ن)). خودایێ مه‌زن ده‌رباره‌ی ئه‌بو طالبی ئایه‌ته‌ك ئینا خوار و گۆته‌ پێغه‌مبه‌ری (صه‌لات و سه‌لامێن خودێ ل سه‌ر بن): {إِنَّكَ لا تَهْدِي مَنْ أَحْبَبْتَ وَلَكِنَّ اللهَ يَهْدِي مَنْ يَشَاءُ} [القصص: 56]، ئانكو: ((تو نه‌شێی وی كه‌سی ب هیدایه‌ت بینی یێ تو حه‌ز ژێ دكه‌ی، به‌لكی خودێ هیدایه‌تا وی كه‌سی دده‌ت یێ وی بڤێت)).

((هه‌ر گه‌ھ و هه‌ستیكه‌ك ژ مرۆڤی خێره‌ك ل سه‌ر هه‌یه‌، ئه‌گه‌ر هه‌ر ڕۆژه‌كا ڕۆژ تێدا دهه‌لێت تو دوو كه‌سان تێدا پێكبینی؛ خێره‌. تو هاریكارییا زه‌لامی بكه‌ی د ده‌وارا ویدا، ڤێجا تو وی ل ده‌وارا وی سویار بكه‌ی یان بارێ وی هه‌لده‌یه‌ سه‌ر؛ خێره‌. گۆتنا باش خێره‌ و هه‌ر پێنگاڤه‌كا تو بۆ نڤێژێ بهاڤێژی؛ خێره‌ و تو وی تشتێ نه‌خۆشییێ بۆ خه‌لكی دروست دكه‌ت ل سه‌ر ڕێكێ لاده‌ی؛ خێره‌)).

((دێ هنده‌ك سه‌رۆك و ڕێبه‌ر په‌یدا بن كو مال و تشتێن دونیایێ بۆ خۆ دبه‌ن و دێ هنده‌ك كاران ئه‌نجام ده‌ن كو هوین ب خراب دبینن و پێ د ڕازی نینن))، گۆتن: ئه‌ی پێغه‌مبه‌رێ خودێ؛ تو فه‌رمانێ ب چ ل مه‌ دكه‌ی؟ گۆت: ((هوین وی حه‌قێ ل سه‌ر ملێن هه‌وه‌ هه‌ی ئه‌نجام بده‌ن، و داخوازا وی حه‌قێ هه‌وه‌ ل ده‌ڤ وان هه‌ی ژ خودێ بكه‌ن)).

ده‌مه‌كی ئه‌م د مزگه‌فتێڤه‌ د گه‌ل پێغه‌مبه‌ری (صه‌لات و سه‌لامێن خودێ ل سه‌ر بن) د ڕوینشتی بووین، ژ نیشكه‌كێڤه‌ زه‌لامه‌ك ل سه‌ر حێشتره‌كێ هات، حێشترا خۆ ل ناڤ مزگه‌فتێ ل سه‌ر چۆكان ڕاگرت و پاشی گرێدا، پاشی گۆته‌ وان: كیژ ژ هه‌وه‌ موحه‌ممه‌ده‌؟ و پێغه‌مبه‌ر (صه‌لات و سه‌لامێن خودێ ل سه‌ر بن) د ناڤ واندا یێ ڕوینشتی بوو و پالڤه‌دابوو، مە ژی گۆته‌ وی: ئاها ئه‌ڤ زه‌لامێ سپی یێ پالڤه‌داییه‌. ئینا وی زه‌لامی گۆته‌ پێغه‌مبه‌ری (صه‌لات و سه‌لامێن خودێ ل سه‌ر بن): ئه‌ی كوڕێ عه‌بدولموطه‌لیبی! پێغه‌مبه‌ری ژی (صه‌لات و سه‌لامێن خودێ ل سه‌ر بن) گۆته‌ وی: ((من به‌رسڤا ته‌ دا))، زه‌لامی گۆته‌ پێغه‌مبه‌ری (صه‌لات و سه‌لامێن خودێ ل سه‌ر بن): ئه‌ز دێ هنده‌ك پرسیاران ژ ته‌ كه‌م و دێ د پرسیاركرنا خۆدا ل سه‌ر ته‌ گران و نه‌خۆش كه‌م، ڤێجا ژ من توڕه‌ نه‌به‌ و بلا دلێ ته‌ ژ من نه‌مینیت و چ نه‌كه‌ دلێ خۆ! پێغه‌مبه‌ری (صه‌لات و سه‌لامێن خودێ ل سه‌ر بن) گۆتێ: ((پرسیارا ته‌ دڤێت بكه‌))، گۆت: ئه‌ز ته‌ ب خودایێ ته‌ و خودایێ یێن به‌ری ته‌ دده‌مه‌ سویندێ؛ ئه‌رێ ژ ڕاستا خودێ تو بۆ هه‌می مرۆڤان هنارتییه‌؟ گۆت: ((به‌لێ)). گۆت: ئه‌ز ته‌ ب خودێ دده‌مه‌ سویندێ، ئه‌رێ خودێ فه‌رمان ل ته‌ كرییه‌ ئه‌م د شه‌ڤه‌ك و ڕۆژه‌كێدا پێنج نڤێژان بكه‌ین؟ گۆت: ((به‌لێ)). گۆت: ئه‌ز ته‌ ب خودێ دده‌مه‌ سویندێ؛ ئه‌رێ خودێ فه‌رمان ل ته‌ كرییه‌ ئه‌م د ڤێ هه‌یڤێدا ژ سالێ ب ڕۆژی بین؟ گۆت: ((به‌لێ)). گۆت: ئه‌ز ته‌ ب خودێ دده‌مه‌ سویندێ؛ ئه‌رێ خودێ فه‌رمان ل ته‌ كرییه‌ تو ڤێ زه‌كاتێ ژ زه‌نگینێن مه‌ وه‌ربگری و ل سه‌ر هه‌ژارێن مه‌ دابه‌ش بكه‌ی؟ پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((به‌لێ)). ئینا وی زه‌لامی گۆت: من باوه‌ری ب تشتێ تو پێ هاتی ئینا و ئه‌ز هنارتیمه‌ بۆ وان كه‌سێن من ل پشت خۆ هێلاین ژ ملله‌تێ خۆ، و ئه‌ز ضه‌مامێ كوڕێ سه‌عله‌بەیمه‌ براگه‌وره‌يێ هۆزا سه‌عدێ كوڕێ به‌كری.

((هه‌ر كه‌سێ ژ بن گوهدارییا (سه‌ركرده‌ی) ده‌ركه‌ڤیت، و ژ كۆمه‌لا (موسلمانان) جودا ببیت و پاشی بمریت، ئه‌و ب مرنا سه‌رده‌مێ جاهلییه‌تێ مرییه‌، و هه‌ر كه‌سێ ل بن ئالایه‌كێ نه‌دیار شه‌ڕی بكه‌ت، و ژ به‌ر ده‌مارگیرییا هۆز و عه‌شیره‌تێ و ڕه‌گه‌زێ خۆ توڕه‌ ببیت، یان گازی بۆ هندێ بكه‌ت، یان هاریكارییا كه‌سۆكارێن خۆ بكه‌ت (ل سه‌ر نه‌حه‌قییێ) و پاشی بهێته‌ كوشتن، ئه‌و كوشتنه‌كا جاهلییه‌تێیه‌، و هه‌ر كه‌سێ ل دژی ئوممه‌تا من ده‌ركه‌ڤیت و ل باش و خرابێن وێ بده‌ت، و ده‌ستان ژ كوشتنا ئیمانداران نه‌كێشیت و وه‌فادار نه‌بیت بۆ وی كه‌سێ په‌یمان د گه‌ل هه‌ی، ئه‌و نه‌ ژ منه‌ و ئه‌ز ژی نه‌ ژ وی مه‌))