((هه‌ر كه‌سێ نڤشتییه‌كێ (ب مه‌ره‌ما پاراستنێ) ب خۆڤه بكه‌ت، ئه‌ڤه وی شرك كر)).
عۆقبه‌یێ كوڕێ عامرێ جۆهه‌نی (خودێ ژێ ڕازی بیت) دبێژیت:
كۆمه‌كا خه‌لكی (ده‌هـ كه‌س بوون) هاتنه ده‌ڤ پێغه‌مبه‌رێ خودێ (صه‌لات و سه‌لامێن خودێ ل سه‌ر بن)، به‌یعه‌ت ژ نه‌ھ كه‌سان وه‌رگرت، به‌لێ ئێك ژ وان هێلا و به‌یعه‌ت ژێ وه‌رنه‌گرت. گۆتن: ئه‌ی پێغه‌مبه‌رێ خودێ، ته به‌یعه‌ت ژ نه‌ھ كه‌سان وه‌رگرت و ته ئه‌ڤه هێلا؟ گۆت: ((چونكی نڤشتییه‌ك یا ب ویڤه))، ڤێجا وی زه‌لامی ده‌ستێ خۆ بره وێ نڤشتییێ و ژ ستۆیێ خۆ ڤه‌كر و پڕچاند، پاشی پێغه‌مبه‌ری (صه‌لات و سه‌لامێن خودێ ل سه‌ر بن) به‌یعه‌ت ژێ وه‌رگرت و گۆت: ((هه‌ر كه‌سێ نڤشتییه‌كێ (ب مه‌ره‌ما پاراستنێ) ب خۆڤه بكه‌ت، ئه‌ڤه وی شرك كر)).
أَنَّ رَسُولَ اللهِ صَلَّى اللهُ عَلَيْهِ وَسَلَّمَ أَقْبَلَ إِلَيْهِ رَهْطٌ، فَبَايَعَ تِسْعَةً وَأَمْسَكَ عَنْ وَاحِدٍ، فَقَالُوا: يَا رَسُولَ اللهِ، بَايَعْتَ تِسْعَةً وَتَرَكْتَ هَذَا؟ قَالَ: «إِنَّ عَلَيْهِ تَمِيمَةً»، فَأَدْخَلَ يَدَهُ فَقَطَعَهَا، فَبَايَعَهُ، وَقَالَ: «مَنْ عَلَّقَ تَمِيمَةً فَقَدْ أَشْرَكَ».
كۆمه‌كا مرۆڤان هاتنه ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) كو هژمارا وان ده‌ھ كه‌س بوون، ڤێجا پێغه‌مبه‌ری (صه‌لات و سه‌لامێن خودێ ل سه‌ر بن) به‌یعه‌ت ل سه‌ر ئیسلامێ و دویڤچوونێ ژ نه‌هـ ژ وان كه‌سان وه‌رگرت و ژ كه‌سێ ده‌هێ وه‌رنه‌گرت. ده‌مێ پرسیارا ئه‌گه‌ری هاتییه كرن، پێغه‌مبه‌ری (صه‌لات و سه‌لامێن خودێ ل سه‌ر بن) گۆت: نڤشتییه‌ك یا ب وی كه‌سیڤه، كو ئه‌و ژی هنده‌ك مۆرك یان تشتێن وه‌سانه خه‌لك بۆ دویركرنا چاڤان یان زیانێ ب خۆڤه دكه‌ن. ڤێجا وی زه‌لامی ده‌ستێ خۆ بره جهێ نڤشتییێ و پڕچاند و خۆ ژێ ڕزگاركر و ژ خۆ دویركر، ژ نوی پێغه‌مبه‌ری (صه‌لات و سه‌لامێن خودێ ل سه‌ر بن) به‌یعه‌ت ژێ وه‌رگرت و هشیاركرن ژ نڤشتییان دا و حوكمێ وێ ژی دیار كر و گۆت: ((هه‌ر كه‌سێ نڤشتییه‌كێ (ب مه‌ره‌ما پاراستنێ) ب خۆڤه بكه‌ت، ئه‌ڤه وی شرك كر)).
...:
هه‌ر كه‌سێ پشتبه‌ستنێ ل سه‌ر غه‌یری خودێ بكه‌ت؛ خودێ دێ سه‌ره‌ده‌رییه‌كا به‌روڤاژی مه‌ره‌م و ئارمانجا وی د گه‌ل وی كه‌ت.
هه‌بوونا باوه‌رییێ كو هه‌لاویستنا نڤشتییان ئه‌گه‌ره‌كه بۆ دویرئێخستنا زیانێ و چاڤان ژ سه‌ر مرۆڤی؛ شركا بچویكتره، به‌لێ هه‌بوونا باوه‌رییێ كو ئه‌ڤ نڤشتییه ب خۆ مفای دگه‌هیننه مرۆڤی (و زیانێ ل سه‌ر مرۆڤی ڕادكه‌ن)؛ ئه‌ڤه شركا مه‌زنتره.
زێده‌تر (5)
موسنه‌دا ئه‌حمه‌دی (28/ 636) (17422).
الملخص في شرح كتاب التوحيد.
لصالح الفوزان (ص74).
الجديد في شرح كتاب التوحيد.
لمحمد القرعاوي (ص85).